Shpërndaje
Alketa ÇOBO
Administratore e Njësisë Administrative Nr.7, Bashkia Tiranë. Ka lindur në Fier më 6 Janar 1980. Pas përfundimit në gjimnazit në shkollën “ Janaq Kilica” ndoqi studimet për Drejtësi e më pas Master Shkencor pranë Universitetit Europian të Tiranës për “Të drejtë private dhe biznesi’. Në vitet 2014-2016 ka përfunduar një Master Profesional për Marrëdhënie Publiku/Komunikim në profilin Institucional dhe Politik. Si studente e ekselencës është pajisur me certifikatë nderi për rezultate të larta në studime. Ka përfunduar Shkollën e Avokatisë dhe është liçensuar si Ndërmjetëse nga Ministria e Drejtësisë.
Ka punuar në Këshillin e Qarkut Tiranë në detyrën e specialistit të marrëdhënieve me publikun. Ka qënë pjesë e shoqërisë civile duke punuar në organizatën “Të ndryshëm dhe të barabartë” misioni i së cilës ishte riintegrimi i viktimave të dhunës dhe trafikimit. Ka qënë trajnere në projekte të ndryshme të organizatës në ndihmë të fuqizimit të të rinjve në situatë rruge apo viktima trafikimi. Ka punuar në Zyrën e Regjistrimi të Pasurive të Paluajtshme si juriste pranë Drejtorisë së Monitorimit të Projekteve dhe koordinatore për të drejtën e informimit.
Gjithashtu ka kryer një sërë trajnimesh në menaxhimin e burimeve njerëzore, të drejtat e njeriut,lidership, lobim dhe advokaci,të drejtat e grave në realitetin shqiptar, artin e të folurit në publik etj.
Në nëntor 2019 fillon si administrator e Njësisë Administrative nr.7, Bashkia Tiranë.
Shpërndaje