Pyetjet më të shpeshta


  • Ku ndodhen sportelet pritëse të Bashkisë Tiranë?

    Në adresën: Rruga “Shefqet Musaraj”, Godina 205, Njësia Administrative nr. 7, Tiranë, pranë Drejtorisë së Përgjithshme të Taksave dhe Tarifave Vendore

  • Cilat janë oraret e funksionimit të sporteleve pritëse të BT-së?

    Sportelet e shërbimit punojnë sipas një grafiku pune të përcaktuar, për të realizuar shërbimin ndaj qytetarëve dhe biznesit, çdo ditë të javës nga e hëna në të premte, orari 08:00-16:00.

  • A kanë numër kontakti sportelet pritëse?

    Bashkia Tiranë ka funksional numrin e gjelbër pa pagesë 0 800 0 888, i disponueshëm në çdo moment (çdo ditë të javës nga e hëna në të premte, ora 08:00-16:00), i cili shërben për informimin në kohë të shkurtër dhe pa kosto të qytetarëve dhe biznesit, në lidhje me shërbimet publike dhe aktivitetin funksional të Bashkisë Tiranë.

  • Cilat janë oraret e funksionimit të sporteleve pritëse të Njësive Administrative?

    Çdo ditë të javës nga e hëna në të premte, përgjatë orarit 08:00-16:00

  • Cilat janë oraret e funksionimit të Zyrave të Gjendjes Civile në Njësitë Administrative?

    Çdo ditë të javës nga e hëna në të premte, përgjatë orarit 08:00-16:00

  • Ku ndodhen sportelet fizike të zyrave të gjendjes civile të Njësive Administrative/Lagjeve?

    Sportelet fizike të zyrave të gjendjes civile të Njësive Administrative/Lagjeve ndodhen si më poshtë shpjegohet: Bashkia Tiranë Qendër - pranë Bashkisë Tiranë, sheshi "Skënderbej".

    Njësia Administrative nr. 1 - pranë Njësisë Administrative nr. 1, që ndodhet në rrugën “Hodo Beg”.

    Njësia Administrative nr. 2 - pranë Njësisë Administrative nr. 2, që ndodhet në rrugën “Petro Nini Luarasi”.

    Njësia Administrative nr. 3 & 4 - pranë Njësisë Administrative nr. 4, që ndodhet në rrugën “Bardhyl”.

    Njësia Administrative nr. 5 - pranë Njësisë Administrative nr. 5, që ndodhet në rrugën “Nikolla Tupe”.

    Njësia Administrative nr. 6- pranë Njësia Administrative nr. 6, që ndodhet në rrugën “Llazi Miho”.

    Njësia Administrative nr. 7 - pranë Njësisë Administrative nr. 7, që ndodhet në rrugën “Sali Butka”.

    Njësia Administrative nr. 8 & 9- pranë Njësia Administrative nr. 9, që ndodhet në bulevardin “Zogu i I”.

    Njësia Administrative nr. 10 - pranë Njësisë Administrative nr. 10, që ndodhet në rrugën “Gjon Muzaka”.

    Njësia Administrative nr. 11 - pranë Njësisë Administrative nr. 11, që ndodhet në rrugën “Gjergj Legisi”.

    Lagjja nr. 12 & Njësitë Administrative Dajt & Shëngjergj - pranë Lagjes nr. 12, që ndodhet në rrugën “Shefqet Kuka”, godina MGB2.

    Lagjja nr. 13 - pranë Lagjes nr.13, që ndodhet në rrugën “Rrapo Hekali”.

    Lagjja nr. 14 - pranë Lagjjes nr. 14, që ndodhet në rrugën “Mikel Maruli”.

    Njësitë Administrative Farkë &Baldushk &Petrelë & Bërzhitë &Krrabë - pranë Njësisë Administrative Farkë, që ndodhet në Lundër, qendër.

    Njësitë Administrative Vaqarr & Pezë & Ndroq- pranë Njësisë Administrative Vaqarr, që ndodhet në rrugën "Daut Taku" .

    Njësia Administrative Kashar - pranë Njësisë Administrative Kashar, që ndodhet në rrugën "Demokracia".

    Njësia Administrative Zall-Herr - pranë Njësisë Administrative Zall-Herr, që ndodhet në Zall-Herr, qendër.

    Njësia Administrative Zall-Bastar - pranë Njësisë Administrative Zall-Bastar, që ndodhet në Zall-Bastar, qendër.

  • A mund të aplikoj në sportelet pritëse për llogari të një personi tjetër?

    Aplikuesi mund t’i kryejë të gjitha veprimet procedurale personalisht ose nëpërmjet përfaqësuesit të autorizuar me prokurë, në përputhje me parashikimet e legjislacionit në fuqi.

  • Si mund të ankimoj një gjobë të vendosur nga strukturat e Bashkisë së Tiranës?

    Duke u paraqitur pranë sporteleve pritëse të Bashkisë Tiranë, nga e hëna në të premte, përgjatë orarit 08:00-16:00 ose nëpërmjet shërbimit postar, në adresën Bashkia Tiranë, sheshi “Skënderbej”, godina nr. 2, kodi postar 1001, Tiranë”.

    Në momentin e aplikimit ose nëpërmjet shërbimit postar duhet të paraqisni:

    - Kerkesë/Ankesë nga ana e ankimuesit;

    - Kartë identiteti e ankimuesit (fotokopje);

    - Proces-verbali i gjobes (fotokopje);

    - Legjitimiteti i nevojshëm për kryerjen e ankimit;

    - Material plotësues ku mbështeten pretendimet e ankimuesit për rastin konkret

  • Si mund të informohem mbi statusin e përgjigjes të aplikimit tim për shërbime të protokolluar?

    Për të marrë informacion në lidhje me aplikimin tuaj të protokolluar në Bashkinë Tiranë ju duhet të:

    • Gjurmoni aplikimin tuaj në faqen zyrtare elektronike të Bashkisë Tiranë [email protected], rubrika "Gjurmo aplikimin", duke shkruajtur numrin e aplikimit tuaj;

    • Telefononi në numrin e gjelbër pa pagesë 0 800 0888, cdo ditë të javës nga e hëna në të premte në orarin 08:00-16:00;

    • Paraqituni pranë sporteleve pritëse.

  • Cilat janë mënyrat për të tërhequr përgjigjen për aplikimin tim për shërbime të protokolluar?

    1. Në rast se gjatë aplikimit keni deklaruar adresën e saktë, përgjigjia do t’ju dërgohet nëpërmjet shërbimit postar.

    2. Në rast se adresa e daklaruar nga ju gjatë aplikimit nuk është e plotë, përgjigjen mund ta tërhiqni duke u paraqitur fizikisht në sportelet pritëse të Bashkisë Tiranë në adresën: Rruga “Shefqet Musaraj”, godina 205, Njësia Administrative nr. 7, Tiranë, pranë Drejtorisë së Përgjithshme të Taksave dhe Tarifave Vendore).

  • Si mund të pajisem me një certifikatë nga arkiva e gjendjes civile të Bashkisë Tiranë?

    Për pajisjen me certifikatë historike nga arkiva e gjendjes civile të Bashkisë Tiranë duhet të aplikoni në portalin qeveritar e-albania.

    Nga data 01.10.2023 ky shërbim ofrohet vetëm nëpërmjet portalit e-albania duke plotësuar saktë të gjithë informacionin e kërkuar për certifikatat historike.

    Certifikata përgatitet brenda 3 ditëve pune kalendarike.

    Përjashtim nga ky rregull do të përbëjnë vetëm shtetasit e huaj, të cilëve u është mbajtur akti në zyrat e gjendjes civile. Këto raste pajisen me certifikate duke u paraqitur në sportelet e gjendjes civile në Bashkinë e Tiranës.