Shpërndaje
Bashkia e Tiranës – Drejtoria e Kulturës dhe Trashëgimisë Kulturore ka këto prioritete për vitin 2021 dhe projekt propozimet që do të paraqiten për shqyrtim në Këshillin Artistiko-Kulturor duhet t'i përmbahen këtyre prioriteteve:
- Rivitalizimi i hapësirave të reja publike të Tiranës, duke synuar decentralizimin nëpërmjet zhvillimit të aktiviteteve artistiko - kulturore në 24 njësitë administrative të Bashkisë Tiranë.
- Orientimi i projekteve kulturore dhe artistike drejt promovimit të atraksioneve turistike të Tiranës dhe rrethinave të saj.
- Orientimi dhe mbështetja e aktiviteteve që promovojnë artin dhe kulturën në kushtet e distancimit social, të shkaktuar nga situata që ndodhet gjithë bota prej COVID - 19.
- Mbështetja e të gjitha formave të krijmitarisë së re artistike në muzikë, artet figurative, filmi, video, fotografia, teatri, mediat e reja, arti modern etj.
- Nxitja e edukimit artistik profesional dhe amator, në bashkëpunim institucione kulturore të varësisë, institucione dhe ente kulturore kombëtare dhe ndërkombëtare.
- Evidentimi dhe mbështetja e projekteve të artistëve të rinj që aspirojnë të përfshihen në art dhe premtojnë në të ardhmen e tyre artistike e profesional.
Shpërndaje