Përmirësimi i trotuareve në ish-Bllok

Projekti i pedonalizimit të ish-Bllokut

Teksa projekti i përmirësimit të trotuareve në rrugët Ismail Qemali, Pjetër Bogdani dhe Brigada VIII në zonën e Ish-Bllokut nis fazën e ndërtimit, Bashkia Tiranë i është dedikuar informimit dhe përfshirjes së komunitetit përgjatë këtij procesi. Ne po punojmë afër me palët e përfshira për t’u siguruar se punimet që do të vijojnë po komunikohen qartaz, se do të ketë sa më pak ndërprerje të jetës e puns së përditshme dhe se do të merren parasysh të gjitha çështjet me interes që paraqet publiku do të dëgjohen. Me mbështetjen e partnerëve të rëndësishëm si GIZ Albania që po na ndihmon në ravijëzimin e angazhimit të palëve të interesit, Bashkia do të ofrojë qartësim dhe mirëkuptim mbi përmirësimin që po sjell ky transformim në jetën e përditshme të qytetarëve të zonës duke e bërë më të sigurtë, aksesueshme dhe këndshme për të gjithë.

Ç’PO NDODH NË RRUGËN TIME?

Projekti i parashikuar mbi përmirësimin e trotuareve në ish-bllok pritet të nisë zbatim së shpejti pranë kësaj rruge. Trotuaret e rrugës suaj do të zgjerohen duke u bërë më të rehatshme për ju, karrocat, fëmijët e prindërit tuaj.

A MUND TË FUTEM ME MAKINË NË ISH-BLLOK?

Rrugët e ish-Bllokut - Ismail Qemali, Pjetër Bogdani dhe Brigada VIII - do të mbeten njësoj të aksesueshme, duke lejuar hyrjen edhe gjatë punimeve në segmente të caktuara.

SI DO TË FURNIZOJ BIZNESIN APO DYQANIN TIM?

Secila prej këtyre rrugëve do të pajiset me një vendparkim të dedikuar për ngarkim-shkarkimin e mallrave. Ky vendparkim i dedikuar do të lehtësojë nevojat e bizneseve këtu pranë dhe shkarkimin e mallrave të rënda për banorët.