Nënkryetarët

Anuela Ristani

Anuela Ristani është Nënkryetarja e Bashkisë së Tiranës për Marrëdheniet me Jashtë. Lindi  në Tiranë në 13 Tetor 1982.

Studimet e shkollës së mesme i nisi në gjimnazin e përgjithshëm Ismail Qemali në Tiranë dhe i përfundoi në Minesota te Shteteve të Bashkuara.

Ristani është diplomuar në Administrim Biznesi dhe Studime Evropiane nga Universiteti Amerikan në Bullgari dhe zotëron Master në Administrim Biznesi dhe Komunikim Strategjik nga Universiteti i Mizurit në Kolumbi,  SHBA.  Në vitin 2002, së bashku me studentë të tjerë shqiptarë që studionin jashtë vendit krijoi Rrjetin e Studentëve Shqiptarë në Botë, një rrjet i cili orientonte të rinjtë shqiptarë që donin të kontribuonin për vendin e tyre pas kthimit nga studimet apo në distancë.

Përvoja e saj profesionale ka qenë e lidhur fillimisht me zhvillimin e biznesit për kompani ndërkombëtare të sapovendosura në Shqipëri dhe më pas e fokusuar në strategji komunikimi dhe marketing.

Në vitet 2008-2010 si eksperte në Bankën Botërore ka drejtuar projektin për reformimin dhe modernizimin e sektorit financiar në Shqipëri duke fituar përvojë në politikbërje dhe hartim legjislacioni.

Anuela Ristani iu bashkua administratës publike në vitin 2014 si Drejtore e Përgjithshme e Shërbimit Kombëtar të Rinisë, ku punoi për ngritjen e RYCO (Regional Youth cooperation Office) si dhe hapi qendrat e para rinore në qytetet kryesore të Shqipërisë.

Ajo u emërua në postin e Drejtores së Kabinetit të Kryetarit të Bashkisë së Tiranës pas zgjedhjeve lokale të vitit 2015, pozicion që mbajti pergjatë katër viteve të mandatit të parë të Kryetarit Veliaj.

Email: anuela.ristani@tirana.al

Ilir Mëngra

Email: ilir.mengra@tirana.al

Blendi Sulaj

Vasilika Vjero

Zj. Vasilika Vjero është një eksperte me profil të lartë teknik dhe profesional në fushën e administratës publike dhe zhvillimeve fiskale, me një karrierë të konsoliduar mbi 25-vjeçare në institucionet qendrore dhe vendore në Shqipëri. E diplomuar në Administrim Biznesi nga Fakulteti i Ekonomisë, Universiteti i Tiranës (1998), ajo ka përfunduar studimet Master në Administrim Publik nga Universiteti i Nebraskës, Lincoln (2003), në kuadër të një programi të përbashkët me Universitetin e Tiranës. Në vitin 2017, ajo është trajnuar në Harvard Kennedy School mbi politikat e zhvillimit ekonomik rajonal dhe global.

Karriera e saj ka nisur në vitin 1998 në Ministrinë e Kulturës, Rinisë dhe Sporteve, dhe ka vijuar në pozicione të rëndësishme pranë Bashkisë së Tiranës (2001–2011), ku ka drejtuar strukturat e taksave vendore dhe planifikimit strategjik dhe buxhetor. Që prej vitit 2013, Znj. Vjero ka mbajtur role drejtuese në administratën qendrore, përfshirë si Drejtoreshë e Përgjithshme e Qendrës Kombëtare të Regjistrimit dhe më pas e Drejtorisë së Përgjithshme të Tatimeve, ku ka udhëhequr procese të rëndësishme si unifikimi i shërbimeve për biznesin dhe reforma e fiskalizimit.
Ka shërbyer gjithashtu si Zëvendësministre dhe Këshilltare pranë Ministrisë së Financave, duke kontribuar në përafrimin e politikave fiskale me agjendën e integrimit evropian.

Përveç funksioneve publike, Znj. Vjero ka ofruar ekspertizë si konsulente e pavarur në projekte të financuara nga donatorë ndërkombëtarë, në mbështetje të mbi 24 bashkive në fushat e buxhetimit dhe administrimit të financave vendore. Ajo është eksperte e certifikuar dhe lektore për institucione si Banka Botërore dhe Qendra për Ekselencë në Financë.

Gentian Këri

Gentian Këri është emëruar Nënkryetar i Bashkisë Tiranë, me një përvojë mbi 20-vjeçare në administratën publike dhe menaxhimin e institucioneve qendrore dhe vendore. Ai ka shërbyer si Zëvendës Drejtor Ekzekutiv i Fondit Shqiptar të Zhvillimit (2019–2025), ku ka udhëhequr procese të rëndësishme zhvillimore dhe koordinuar projekte strategjike për infrastrukturën dhe zhvillimin rajonal. 
Më parë ka mbajtur postin e Sekretarit të Përgjithshëm në Ministrinë e Infrastrukturës dhe Energjisë dhe në Ministrinë e Zhvillimit Ekonomik, ku ka drejtuar dhe mbikëqyrur funksionimin e strukturave institucionale dhe proceset e menaxhimit të burimeve njerëzore. Ai ka përvojë gjithashtu në organizata ndërkombëtare si Banka Botërore, ku ka marrë pjesë në projekte zhvillimore rajonale dhe kombëtare.
Z. Këri është diplomuar në Jurisprudencë në Universitetin e Bukureshtit dhe mban një Master në Administratë Publike. Përvoja e tij lidhet ngushtë me menaxhimin institucional, qeverisjen efektive dhe zhvillimin e qëndrueshëm në nivel kombëtar dhe vendor.