Fillo me një ide- Fito një internship

• "Fillo me një ide – Fito një internship në Bashkinë Tiranë” Thirrja IV është projekt i miratuar me "Vendimin nr.143 date 23.12.2022 të Këshillit Bashkiak" , sipas "Udhëzuesit operacional" dhe "Vendimi Nr. 126 datë 23.12.2022 i Këshillit Bashkiak "Për Miratimin e programit buxhetor afatmesëm 2023 - 2025 dhe detajimin e buxhetit të bashkisë tiranë për vitin 2023". 
• Të rinj, në fillim të karrierës së tyre profesionale, të cilët janë në vijim ose i kanë përfunduar studimet e ciklit Bachelor, Master Profesional ose Master Shkencor, të grupmoshës deri në 28 vjeç ftohen të aplikojnë me një koncept për projekt ose studim sipas temave të përcaktuara në këtë thirrje.
• Aplikimet për thirrjen V do zhvillohen në datat 11.05.2023 - 19.06.2023. Aplikimi ndodhet në fund të kësaj faqe.
• Përmes një procedure konkurimi, do të përzgjidhen 15 fitues me konceptin më të mirë për projekt/studim.
• Fituesit do të ndjekin një internship 3 mujor dhe do të punojnë nga afër me stafin e Bashkisë Tiranë për të finalizuar studimin ose shkrimin e plotë të projektit.
• Në përfundim të internshipit do të jepet çmimi në vlerë monetare 91.000 lekë/personi (bruto) dhe çertifikatë për pjesëmarrje.
• Për informacion të mëtejshëm rreth mënyrës së aplikimit, aplikantët mund të dërgojnë një kërkesë për informacion në adresën elektronike: fitonjeinternship@tirana.al
   

  Fazat e projektit për aplikantët

Faza I- Aplikimi
Aplikimi do të kryhet vetëm duke përdorur Formën A (projekt) ose Formën B (studim) të paraqitjes së koncept - ideve. Në këto forma do të bashkangjiten dhe dokumentet e kërkuara (Format janë të paraqitura në fund të faqes).                                                                     Aplikimi do të kryhet vetëm gjatë periudhës së përcaktuar në fillim të faqes. Çdo aplikimin para, ose pas datave të përcatkuara do të konsiderohet i pavlefshëm.

Faza II- Seleksionimi i koncept-ideve për projekt/studim
Pas përfundimit të periudhës për dorëzimin e dokumentacionit dhe koncept-idesë për projektin/studimin, Sekretariati i Konkursit do të verifikojë: 
▪ Plotësimin e kërkesave administrative në dorëzimin e aplikimeve (respektimin e kërkesave për përmbajtjen, mënyrën e dorëzimit, afatin e dorëzimit të koncept-idesë dhe dokumentacionit të kërkuar nga ana e aplikantit). 
▪ Kriteret e vlefshmërisë së aplikimit (Mosha e aplikantit, vërtetimi i shkollës së lartë).

Faza III- Vlerësimi i koncept - ideve
▪ Aplikimet do të vlerësohen nga Komiteti Vlerësues për njësi organizative.
▪ Vetëm koncept-idetë që janë vlerësuar me mbi 50 % të totalit të pikëve renditen në listën e shkurtër nga ana e Sekretariatit, dhe dërgohen për miratim pranë Bordit të Konkursit.

Faza IV- Konkurrimi dhe shpallja e fituesve
▪ Bordi i Konkursit merr në shqyrtim tabelën përmbledhëse të përgatitur nga Komiteti Vlerësues dhe listën e shkurtër të koncept-ideve të përzgjedhura me mbi 50 % të totalit pikëve të përgatitur nga ana e Sekretariatit dhe miraton shpalljen e listës. 
▪ Lista e shkurtër përfundimtare bëhet publike brenda 5 ditëve pune. 
▪ Sekretariati njofton aplikantët e renditur në listën e shkurtër, tashmë të bërë publike, lidhur me datën, vendin dhe orën e zhvillimit të konkursit. 
▪ Aplikantët ftohen të bëjnë një prezantim të shkurtër të koncept-idesë së projektit/ studimit. 
▪ Bordi i Konkursit njofton në përfundim të konkurrimit rezultatin jopërfundimtar (paraprak) lidhur me përzgjedhjen e 15 fituesve. 
▪ Çdo aplikant i cili ka rezerva lidhur me rezultatin jopërfundimtar të Bordit të Konkursit i lind e drejta e ankimimit brenda 5 ditëve pune nga njoftimi i rezultatit.
▪ Bordi i Konkursit shqyrton brenda 5 ditëve pune pretendimet e ngritura përmes ankimimit nga ana e aplikantëve pjesëmarrës në konkurs dhe jep përgjigje të arsyetuar lidhur me çdo pretendim. 
▪ Pas shpalljes së rezultatit përfundimtar, Bordi i Konkursit harton një raport përmbledhës lidhur me zhvillimin e konkurrimit, duke i bashkëlidhur listën emërore të 15 fituesve dhe ia përcjell për dijeni Kryetarit të Bashkisë Tiranë.

Koncept- Ideja

Dorëzimi i Koncept-Idesë
• Aplikantët duhet të plotësojnë Formën “A” (projekt )  ose Formën “B” (studim) të paraqitjes së koncept-ideve të dhënë në Aneksin 1 & 2,  integruar në këtë faqe zyrtare të Bashkisë Tiranë, në seksionin "Formularët".
• Koncept-Idetë e dorëzuara në forma të tjera ose në adresa të tjera nuk do të pranohen.

Afati për dorëzimin e Koncept- Idesë
• Afati i aplikimit 11.05.2023 - 19.06.2023. 
• Çdo koncept- ide e dërguar pas afatit skualifikohet.

Vlefshmëria e Koncept- Idesë
• Koncept-ideja duhet të jetë e vlefshme për një periudhë të paktën 3-6-12 mujore. 
• Për informacion të mëtejshëm rreth mënyrës së aplikimit, aplikantët mund të dërgojnë një kërkesë për informacion në adresën elektronike: fitonjeinternship@tirana.al.            

Dokumentacioni i kërkuar nga ana e aplikantit. Përveç plotësimit të koncept-idesë sipas Formës A ose B, aplikanti duhet të bashkangjisë dhe dokumentacionin e mëposhtëm në fund të Formularit të aplikimit:
- Curriculum Vitae (CV)
- Dokument Identifikimi
- Dëshmi penaliteti
- Vërtetim studenti/ Diplomë

Çfarë duhet të përfshijë Koncept-Ideja për projekt

• Të dhënat e aplikantit (emri/mbiemri i aplikantit, datëlindja, fusha e studimit, adresa, adresa e -mail, numër tel/cel); 
• Të dhënat e projektit (Titulli, Deklarata e Problemit, Qëllimi dhe Objektivat, Plani i Zbatimi, Afatet kohore të projektit); 
• Vlerësimi dhe Ndikimi (Si do të vlerësohet suksesi i projektit, Si do të mundësohet qëndrueshmëria e zgjidhjes së propozuar sapo të ketë përfunduar financimi, Përfituesit, Buxheti i Parashikuar).

Çfarë duhet të përfshijë Koncept-Ideja për studim

• Të dhënat e aplikantit (emri/mbiemri i aplikantit, datëlindja, fusha e studimit, adresa, adresa e -mail, numër tel/cel); 
• Një prezantim të shkurtër të fushës së studimit dhe hulumtimit që do të kryhet (Studime të tjera dhe disa prej mangësive të tyre. Pyetja/pyetjet kryesore të studimit. Pse ky studim, sipas vlerësimit tuaj, është me interes për Bashkinë Tiranë)
• Argumentat kryesorë të studimit (Jepni disa nga argumentat e studimit që ju do të kërkoni të mbështesni me informacion dhe të dhëna); 
• Metodologjia e studimit (Përshkruani shkurtimisht metodologjinë që do të përdorni gjatë studimit dhe pse kjo është metodologjia më e përshtatshme për studimin tuaj); 
• Rezultatet e pritshme nga studimi (Shpjegoni se si studimi juaj do të jetë një kontribut i rëndësishëm duke mbajtur parasysh studime të tjera të ngjashme në fushë);
• Burime të mundshme/Autorë (Jepni disa studime, autorë që ju do t’i përdorni si referencë gjatë punës suaj studimore)
• Vlerësimi dhe Ndikimi ((Si do të vlerësohet suksesi i projektit, Si do të mundësohet qëndrueshmëria e zgjidhjes së propozuar sapo të ketë përfunduar financimi, Përfituesit, Buxheti i Parashikuar).

Pyetje të shpeshta

1. Çfarë mund të përfitoni nga ky projekt?
– Duke marrë pjesë në këtë projekt ju do të përfitoni:
• 3 muaj eksperiencë pune
• Aftësi në hartimin dhe zhvillimin e projektit.
• Aftësi në realizimin e një studimi.
• Aftësi të reja teknike.
• Aftësi ndërpersonale (soft skills).
• Mundësi për krijimin e një rrjeti kontaktesh me profesionistë të fushës.

2. A mund të aplikoni me më shumë se një ide?
– Një aplikant mund të aplikojë me më shumë se një koncept–ide për projekt/studim, por mund të konkurrojë vetëm me një.

3. Çfarë duhet të keni parasysh gjatë konceptimit të projektit/studimit?
– Projekti duhet të konceptohet për t’u zbatuar brenda territorit të Bashkisë Tiranë.

– Bashkia Tiranë pranon ide për komunitetet më pak të mbuluara me shërbime dhe që rezultojnë me më shumë probleme ose për studime të cilat ndihmojnë njësitë organizative të Bashkisë Tiranë të ndërmarrin veprimet të informuara sipas fushës së tyre të kompetencës.

– Projekti do të mundësojë që studentët të fitojnë aftësi në hartimin dhe zhvillimin e projektit dhe si të realizojnë një studim (zgjedhja e temës, strategjia e kërkimit, mbledhja e informacionit, vlerësimi i informacionit, citimi i burimeve etj.)

4. Si do ta përfitoni çmimin?
– Pas shpalljes fitues, ju do të paraqisni dokumentacionin e mëposhtëm:
• Kopje të kartës së identitetit
• Vërtetim origjinal për llogarinë bankare në lek

– 100 % e çmimit do të dorëzohet në përfundim të afatit 3 mujor të internshipit pas dorëzimit të propozimit të projektit/studimit të plotë dhe frekuentimit të 200 orëve të internshipit.

– Në rast se ju largoheni me kërkesë individuale gjatë kohës së kryerjes së internshipit ose në rast se nuk dorëzoni projekt propozimin/studimin përfundimtar do të humbisni të drejtën e përfitimit të çmimit, por do të pajiseni me një vërtetim për kryerjen e Internshipit.

Formularët e aplikimit

Më poshtë mund të plotësoni format A dhe B të aplikimit.
Plotësoni këtu Formën A të aplikimit për projekt
Plotësoni këtu Formën B të aplikimit për studim