Udhëzues për Start-up

Çfarë cilësish duhet të ketë një sipërmarrës

Bizneset e reja në treg do të ndeshen me shumë probleme dhe duhet ti zgjidhin ato në mënyrë produktive. Meqënëse shumë sipërmarrje, sidomos ato të voglat, nuk kanë një strategji, duhet së pari të kuptojnë problemin dhe të reagojnë ndaj problemeve të ndeshura në ciklin e jetës së një biznesi. 

Cikli i zgjidhjes së problemit

Si të zgjidhim problemin

Si të gjeni një ide të mirë për biznes? 

Një instrument i rëndësishëm që ndihmon në prioritizimin e ideve më të mira dhe jep një panoramë të qartë mes alternativave të mundshme dhe planifikimit të ardhshëm është filtrimi sipas peshës specifike që zë çdo ide dhe impakti që ajo ka.

Procesi nis me rrahjen e mendimeve deri tek gjetja e zgjidhjeve. Start up duhet të vlerësojë idetë e shumta dhe ti filtrojë ato derisa të arrihet një vendimarrje për idetë më të sukseshme. Rezultati përfundimtar është një renditje e ideve për të lehtësuar zgjedhjen. Idea e zgjedhur do të jetë objekt i analizave të mëtejshme, psh Analiza e riskut, SëOT dhe planifikimin i biznesit. 

Parametrat më të përdorur janë:

• Kërkesa në treg
• Qasja në lëndën e parë të nevojshme
• Qasja për personel të kualifikuar
• Qasja në pajisje dhe teknologjinë e nevojshme si edhe konkurentët

Siguria për një treg të përshtatshëm

Nëse nuk ka siguri për një treg të përshtatshëm, nuk ka kuptim të bësh biznes. Tregu duhet të jetë mjaftueshëm i madh për t’iu mundësuar sipërmarrësve kapjen e një pjese të konsiderueshme të tregut dhe në këtë proces ata të realizojnë një fitim të pëlqyeshëm nga transaksionet pasi zbriten shpenzimet e tij nga shitja. Treguesi i disponueshmërisë së tregut përfshin ndër të tjera:
 

• ekzistencën e një kërkese, e cila aktualisht nuk është e mbuluar plotësisht;
• ekzistencën e një kërkese, e cila aktualisht nuk shërbehet në mënyrë të përshtatshme nga furnizuesit ekzistues;
• ekzistencën e një kërkese, e cila aktualisht mbulohet nga importi;
• një produkt me specifika unike apo me mënyrë unike për t’u shitur;
•  prezencën e produkeve/shërbimeve të ngjashme, të cilat nuk janë të besueshme;
• kërkesë për produkt/shërbime, e cila pritet të rritet në mënyrë sinjifikante në të ardhmen;
• furnizimi i produktit realizohet aktualisht me anë të kontrabandës.

Akses për personel të arritshëm dhe kualifikuar

Disponibiliteti i stafit të kualifikuar mund të vlerësohet nga faktorët e mëposhtëm:

1.         aftësi të ndryshme (konceptuale, menaxheriale, teknike dhe manuale), që nevojiten për projektin janë të disponueshme;
2.         ofrimi i aftësive është relativisht i qëndueshëm, prandaj nuk pritet influencimi i projektit, nëse diçka e papritur apo e paparashikuar ndryshon punën, ose nëse dalin probleme të   papritura;
3.         kostoja e punës është llogaritur të jetë e parashikueshme dhe e qëndrueshme.

Akses për pajisje/teknologji të përshtatshme dhe të arritshme.

Disponibiliteti i teknologjisë mund të vlerësohet në terma të indikatorëve të mëposhtëm:

1.     teknologjia apo teknologjitë që do përdoren janë provuar;
2.     çmime të arsyeshme të teknologjisë janë të disponueshme për të prodhuar produktin;
3.     teknologjia është e përshtatshme për nivelin e prodhimit, nivelin e investimit dhe cilësinë e dëshiruar të produktit;
4.     projekti nuk do të vuajë nga degjenerimi i teknologjisë, gjë që do e bënte projektin të parealizueshëm;
5.     afërsia me qendrën e shitjeve për pajisjet/makineritë e kërkuara;
6.     disponibiliteti sezonal për pajisje teknologjike të kërkuara.

Aksesi i lëndës së parë të arritshme

Disponibiliteti i lëndës së parë mund të ndikohet nga kriteret e mëposhtme:

1.     lënda e parë është e disponueshme në sasinë e nevojitur lokalisht;
2.     ekziston besimi te furnizuesit   pavarësisht burimit lokal apo të importuar;
3.     sezonaliteti është i disponueshëm; kalbja, cilësia dhe variacioni i lëndës së parë është konsideruar dhe konsideruar si e kënaqshme;
4.     çmimet e lëndës së parë janë të arsyeshme;
5.     ngritja e çmimit të lëndës së parë në të ardhmen është parë e arsyeshme dhe e parashikueshme
    

Konkurentët në treg (Kujdes! Zbritini pikët nga totali!)

Në të shumtën e rasteve ndodh, që konkurentët të ofrojnë të njëjtin produkt apo shërbim. Për këtë arsye mbijetesa e sipërmarrësve, që planifikojnë të hyjnë në këto biznese respektive, parashihet si me pak mundësi. Prandaj pikët llogariten 5 kur ka shumë konkurrentë dhe 0 kur nuk ka asnjë. Duke u bazuar në këtë kusht, sipërmarrësit e rinj mund të llogaritin “totalin e korrektuar”. 

Faktorë suksesi kritik

Pasi të jenë vlerësuar dhe renditur parametrat e sipërpërmendura, sipërmarrësit e rinj kalojnë në një kontroll më të hollësishëm të variablave kryesorë, që ndikojnë në suksesin ose dështimin e idesë së biznesit. Kjo quhet Faktori Suksesi Kritik (FSK). FSK-ja nënkupton një faktor të caktuar të veçantë për idenë e identifikuar, i cili është shumë i rëndësishëm për suksesin e një projekti të veçantë. Në qoftë se faktori i caktuar është zhdukur, është i pamjaftueshëm ose nuk është marrë parasysh si duhet, kjo mund të tregojë, se projekti mund të jetë i parealizueshëm në terma afatgjatë ose i pavarur nga rezultati i përgjithshëm gjatë filtrimit mikro.

FSK-ja e projektit (idesë) mund të jetë njëri prej parametrave të mësipërme. Megjithatë, ajo duhet të jetë rafinuar apo kualifikuar më tej. Për shembull, jo vetëm materialet e papërpunuara, por edhe disponueshmëria sezonale e lëndëve të para, prishja e lëndëve të para, mungesa e standardizimit të lëndëve të para, paparashikueshmëria e disponueshmërisë së furnizimit (ndoshta për shkak të kufizimeve të importit, problemeve të infrastrukturës, moti, etj) duhen marrë parasysh. 

Përshtatja Produkt-Treg 

Një marketing i suksesshëm për një biznes Start-Up, kërkon jo vetëm një produkt cilësor por edhe një marketing të mire-planifikuar dhe të mirë strukturuar. 

Hapi i parë është hulumtimi se sa përshtatet produkti apo shërbimi juaj me tregun. Kjo përfshin analizimin e çdo matësi që dispononi, dhe në rast se këto mungojnë, atëherë anketimi i përdoruesve ekzistent është një tjetër mundësi. Nëse të pakten 40% rezultojnë të zhgënjyer për ekzistencën e produktit tuaj në treg, atëherë është e nevojshme të kryhet një rivlerësim tjeter në treg për targetin e konsumatorit tuaj.  

Përcaktoni nëse e keni gjetur pse-në e produktit apo shërbimit që do të ofroni. 

A ka Start-Up-i juaj arsye të bindshme për të hyrë në tregun e synuar? 

Strategjia 1:  Shtegu i rritjes potenciale të biznesit - Ndërthurja e marketingut në produktin tuaj 

Në kuadër të kësaj strategjie, është me rëndësi ndërtimi i një produkti që ja vlen të rekomandohet, pasi nëse çdo përdorues rekomandon dy përdoues të rinj, atëhere ju do të keni një rritje ekpsonenciale.  Për këtë qëllim, mund të përdoret një test i thjeshtë ku të pyesni përdoruesit : “në një shkallë 1-10, sa do t;ja rekomandoni produktin tonë një miku?”. Nëse rezultati agregat ështe mbi 9.0,  atëhere ju keni ndërtuar një produkt të rekomandueshëm dhe rrjedhimisht ju keni arritur rritjen eksponenciale.  
 

Strategjia 2: Identifikoni klientin tuaj ideal 

Shumë sipërmarrës besojnë se produkti i tyre mund dhe do të përdoret nga të gjithë dhe kështu kalojnë shumë pak kohë duke identifikuar klientin e tyre ideal. Kërkimi i detajuar si dhe segmentimi i audiencës sipas veçorive psikografike dhe demogratike ndihmon në targetimin fillestar të fushatës suaj të biznesit. 

Strategjia 3: Tërheqja e reklamimit dhe publicitetit (media)

•     Marketing-u viral; 
•     Marrëdhëniet me publikun (PR); 
•     Marketing-u i platformave të kërkimit; 
•     Reklama në rrjetet sociale – nëpërmjet facebook, youtube, tëitter etj.; 
•     Reklama offline; 
•     Email marketing; 
•     Platforma ekzistuese; 
•     Evente offline. 
   

Strategjia 4: Mbledhja e fondeve  

Për të mbledhur me sukses fondet e nevojshme, është e domosdoshme të ofroni një produkt të pakrahasueshëm. Investitorët synojnë kompani që prashikojnë një sukses të garantuar (edhe nëse ata nuk do të investonin), por që mund të rriten më hapa më të shpejtë me anë të kapitalit të jashtëm. Nëse arrihen katër strategjitë e lartpërmendura, atëhere është i rëndësishëm përqëndrimi tek mënyra se si do ti afroheni investitorëve tuaj potencial dhe specifikisht cilët matës do të jenë më bindës. 

Marketimi Online

Si pronar biznesi, ju e dini se ka qindra kanale dhe strategji të ndryshme të marketingut për të rritur biznesin tuaj. Ju gjithashtu e dini që buxheti juaj i marketingut nuk është i pafundëm, prandaj duhet të jeni selektiv me zgjedhjet tuaja. Por, ndërsa konsumatorët vazhdojnë të rrisin besimin e tyre në internet si një mjet kërkimi dhe blerjeje, është e rëndësishme që ju t’a përfshini në strategjinë tuaj të marketingut. Megjithëse Interneti është një mjet marketingu relativisht i ri në krahasim me metodat si: reklamat e shtypura dhe tabelat, tashmë duket se është bërë më thelbësor. Konsumatorët nuk pranojnë më reklamat, të cilat ju paraqiten si të mirëqëna. Ata shkojnë online dhe bëjnë hulumtimet e tyre, kështu që është fakt kritik prania e biznesit tuaj atje.

Marketingu i internetit është i rëndësishëm, sepse ai përputhet me mënyrën e vendim-marrjes së konsumatorëve. Marketingu online ju mundëson të jeni i hapur për biznes gjatë tërë kohës pa u shqetësuar për orët e hapjes së dyqaneve ose pagesat e punës jashtë orarit për stafin. Ofrimi i produkteve tuaja në internet është gjithashtu i përshtatshëm për konsumatorët. Ata mund të shikojnë produktet e dyqanit tuaj në çdo kohë dhe të vendosin të blejnë në një kohë të përshtatshme për ta.

Me anë të marketingut Online ju mund të kapërceni barrierat e distancës. Ju mund të shisni mallra në çdo pjesë të vendit pa patur pika-shitjeje lokale dhe njëkohësisht duke zgjeruar tregun tuaj të synuar. Ju gjithashtu mund të ndërtoni një biznes eksporti pa hapur një rrjet shpërndarësish në vende të ndryshme. Megjithatë, nëse doni të shisni në nivel ndërkombëtar, ju duhet të përdorni shërbimet e lokalizuara për të siguruar përshtatshmërinë e produktet tuaja me tregjet vendore dhe përputhjen e tyre me rregulloret lokale të biznesit. 
Marketingu i produkteve në internet kushton më pak se sa  marketingu i tyre nëpërmjet një dyqani. 
Marketingu online ju mundëson të personalizoni ofertat për klientët duke ndërtuar një profil të historisë dhe preferencave të tyre të blerjes. 
Marketingu online ju siguron një platformë të rëndësishme për ndërtimin e marrëdhënieve me klientët dhe rritjen e niveleve të mbajtjes së klientëve. Pasi një klient ka blerë një produkt në dyqanin tuaj online, ju mund të filloni marrëdhënien duke dërguar një email pasues për të konfirmuar transaksionin dhe falënderoni konsumatorin. Të dërguarit rregullisht i E-mailave me oferta të veçanta, dhe të personalizuara ndihmon për të ruajtur marrëdhëniet. 
Marketingu online ju mundëson të shfrytëzoni përparësitë në rritje të mediave sociale. Ju mund të përfitoni nga ky lloj ndikimi duke përfshirë instrumentet e rrjeteve shoqërore në fushatat tuaja të marketingut online.

Projektimet e rrjedhjes së Parasë

Në varësi të suksesit dhe disa faktorëve të jashtëm, start-up do të përballet me rritje apo në rënie të tregjeve dhe shpenzimeve. E gjithë kjo ndikon në qarkullimin e parave të tyre. Pa arritur të menaxhojnë mirë paratë e tyre dhe përshtatjen e strategjisë së kompanisë lidhur me parashikimet realiste për rrjedhjen e parasë, ndërmarrjet konkurruese të vogla do të dështojnë. 

Projektimet e rrjedhjes së parasë mund të jenë shumë të ngadalta, konsumojnë kohë, dhe  të bezdisura për tu ndërmarrë. Ju si pronarë dhe operatortë biznesit  jeni i vetmi i kualifikuar në të vërtetë për të zhvilluar projektimet e kesh floë. Ju e dini se çfarë duhet për të hapur dhe zhvilluar biznesin tuaj. 

Aftësia për të parashikuar burimet dhe përdorimin rrjedhjes së parasë është art, dhe pa dyshim një shkencë e përkufizuar mirë. Asnjë prej nesh nuk ka një top kristali dhe ndonjë parashikues që të jetë përgartitur nga menaxherët e kompanisë apo nga konsulentë të jashtëm nuk janë gjë tjetër vecse një supozim se kur klientët do paguajnë dhe kur biznesi juaj do të paguajë detyrimet e tij. Me shpresën që sa me shumë përpjekje të shkojnë për një parashikim të rrjedhës së parasë aq më mirë do të jetë parashikimi dhe një pamje më e saktë rezulton për biznesin ne operacionet e të ardhmes.

Një nga faktorët më të rëndësishëm për t’u konsideruar në parashikimin e rrjedhjes së parasë është volumi i shitjeve që do të gjenerohet në muajt e ardhshëm dhe për periudhën për të cilën ju po bëni parashikimin. Parashikimi i shitjeve duhet të jetë sa më afër realitetit që të jetë e mundur. Eshtë plotësisht jo realiste të supozoni që aty është një treg prej një million dollarësh për produktin tuaj në zonën tuaj dhe ju do jeni të aftë të mbuloni një përqindje të caktuar të tij. Një parashikim i shitjeve duhet të bazohet në fakte specifike. Kjo mund të përfshijë historinë e shitjeve tuaja apo historinë e bizneseve të ngjashme që operojnë në treg.

Ju duhet të adresoni pyetje si:  çfarë përqindje e shitjeve të mia i marr në kesh, dhe çfarë pjese të shitjeve do më duhen t’i regjistroj si llogari në të ardhura? Për ato që do jenë me bazë marrjeje, për sa kohë do mblidhet kesh? A do më duhet të pres klientët të më paguajnë mua?

Nëse ju vareni nga pagesat e klientëve për mbledhjen e të ardhurave ju duhet të përcaktoni cila pjesë e të ardhurave merret për 30 ditë, për 60 ditë, 90 ditë dhe kështu me rradhë, dhe në çfarë përqindjeje nuk do të mblidhet kurrë nëse ky rast ekziston. Të mendosh që do të mbledhësh 100% të shitjeve në kesh mbase është jorealiste, veçanërisht duke marrë në konsideratë mjedisin ekonomik aktual dhe situatën e shtrënguar të parave kesh që klientët tuaj mund të jenë duke kaluar. 

Burime të tjera mund të jenë burime kesh të disponueshme përveç shitjeve. Mendoni të keni një partner apo investitor, apo mund të merrni kredi në bankë? Kur ju të merrni kesh, sa para do jenë? 

Një pjesë e analizës së qarkullimit të parasë mund të përqëndrohet sesa para për investimet ose hua do të nevojiten për operimin e biznesit tuaj. 
Nëse ju ndiheni mirë me keshin e marrë për biznesin tuaj, kohën e mbledhjes së fondeve nga shitjet dhe burimet e tjera, duhet të merret në konsideratë shpenzimet dhe nevojat e tjera për kesh të operacioneve të biznesit tuaj.