Shpërndaje
KET është krijuar me Urdhër të Kryetarit të Bashkisë Tiranë Nr. 152/7, datë 14.10.2015 si organ këshillimor me mision drejtimin e dialogut Komunitet – Biznes – Bashki, në përpjekje për të zhvilluar një mjedis të favorshëm, mosdiskriminues, transparent të të bërit biznes, në funksion të zhvillimit ekonomik lokal të qëndrueshëm dhe nxitjes së investimeve të huaja në territorin e Bashkisë së Tiranës.
KET, si një platformë gjithëpërfshirëse e bashkërendimit dhe vendosjes së prioriteteve nuk ka tagër vendimmarrje, por në bazë të diskutimeve dhe propozimeve të anëtarëve, Kryetari i Bashkisë ndërmerr veprime dhe nisma përmirësuese.
1. Objektivat e veprimtarisë së KET
KET merr pjesë aktive në realizimin e objektivave të mëposhtëm:
a) Hartimi i planeve dhe programeve për zhvillimin ekonomik lokal që përfshijnë por nuk kufizohen tek nxitja e sipërmarrjes, fuqizimin e rrjeteve të tregtisë, zhvillimin e bujqësisë dhe agrobiznesit, promovimin e turizmit lokal dhe mbështetje për inovacion dhe kërkim shkencor;
b) Hartimi i planeve dhe programeve për nxitjen e punësimit lokal;
c) Ngritja dhe funksionimi i tregjeve publike, pikave të grumbullimit dhe zonave ekonomike;
d) Hartimi i masterplaneve në planifikimin urban dhe zhvillimin infrastrukturor lokal;
e) Vendosja e prioriteteve në punimet dhe investimet në infrastrukturën publike;
f) Planifikimi buxhetor të Bashkisë së Tiranës dhe hartimi i paketës fiskale;
g)Identifikimi i pengesave kryesore në mjedisin e biznesit dhe përmirësimin e legjislacionit të zbatueshëm në nivel lokal dhe i procedurave administrative përkatëse që ndikojnë në klimën e biznesit;
gj) Zhvillimin e praktikave më të mira në parandalimin e luftës ndaj korrupsionit dhe informalitetit, si dhe shqyrtimin dhe raportimin e rasteve të trajtimit të pandershëm dhe praktikave abuzive ndaj biznesit.
2. Mbledhjet e KET
Mbledhjet e KET thirren nga Kryetari i Bashkisë së Tiranës jo më pak se dy herë në vit.
Deri tani KET ka zhvilluar pesë mbledhje:
- Mbledhja e parë datë 23.10.2015 në sallën e Këshillit Bashkiak, “Prezantimi i KET”
- Mbledhja e dytë, dhjetor 2016 “Prezantimi dhe diskutimi me antarët e KET, i paketës fiskale 2016”
- Mbledhja e tretë, 31.05.2016 në sallën e KB, “Prezantimi i ecurisë së buxhetit 2016” nga Kryetari i Bashkisë.
- Mbledhja e katërt, 14 dhjetor 2016 “Në ambientet e Forchner Albania”
- Mbledhja e pestë, 08.06.2017 në ambientet e Pazarit të Ri, prezantimi i iniciativës së Bashkisë së Tranës në bashkëpunim me Crimson Fund Albania si një projekt që i drejtohet pergjithësisht subjekteve në nevojë, të cilët gjenden të përjashtuar nga skema tradicionale financiare, por kanë një potencial për t’u zhvilluar.
3. Sekretariati i KET
Sekretariti i KET përbëhet nga stafi i Drejtorisë së Zhvillimit Ekonomik Urban dhe ka këto detyra:
- Përgatit rendin e ditës për mbledhjet e KET, duke u mbështetur tek propozimet e anëtarëve dhe duke marrë miratimin e Kryetarit.
- Drejton procesin e vënies në zbatim të vendimeve, monitoron, vlerëson rezultatet dhe impaktin e tyre në biznes.
-Përgatit dhe paraqet pranë Kryetarit një përmbledhje të pikëpamjeve dhe rekomandimeve të dala nga mbledhjet e KET;
- Mban lidhje të ngushta bashkëpunimi me anëtarët e KET;
- Në bashkëpunim me zyrën për mediat, informon publikun për aktivitetet e kryera nga KET.
4. Përbërja e KET
Këshilli Ekonomik i Tiranës ka për qëllim nxitjen dhe përforcimin e bashkëpunimit institucional dhe partneritetit publik- privat në fushën e zhvillimt ekonomik lokal, me përbërje si më poshtë:
- Kryetari i Bashkisë së Tiranës Z. Erion Veliaj
- Kryetari i Dhomës së Tregtisë së Tiranës Z. Nikolin Jaka
- Personalitet i Ekonomisë Kombëtare Z. Ardian Civici (Koordinator i KET)
- Personalitet i Ekonomisë Kombëtare ( UT, Fakulteti i Ekonomisë) Z. Olti Rrumbullaku
- “Biznes Albania” Z. Luan Bregasi, President
- “Konfindustria” Z. Gjergj Buxhuku, Administrator i Përgjithshëm
- “Shoqata e Grave Profesioniste Afariste e Zejtare të Shqipërisë” Znj. Flutura Xhabija, Presdiente
- “Shoqata e Grave Profesioniste Afariste e Zejtare të Shqipërisë” Znj. Elida Madhi, Anëtare
- “Shoqata e Grave Profesioniste Afariste e Zejtare të Shqipërisë” Znj. Klodiana Dragoshi, Koordinatore
- “Shoqata e Kontabilistëve & Financierëve Shqipëri” SHKF Z. Sherif Bundo, Kryetar
- “Shoqata e Ndërtuesve të Shqipërisë” Z. Arian Leskaj, Kryetar
- “Dhoma Gjermane e Tregtisë” Znj. Xheviola Duraj Veizaj, Menaxhere
- “Dhoma Amerikane e Tregtisë” Z. Elton Çollaku, Anëtar Bordi
- “Shoqata Shqiptare e Bankave” Z. Spiro Brumbulli, Sekretar i Përgjithshëm
- “Keshilli i Agrobiznesit Shqiptar” Z. Agim Rrapaj , Kryetar
- “Shoqata Kombëtare e Transportit Qytetas” Z. Alush Lamaj, Anëtar
- “Shoqata Shqiptare e Turizmit” Z. Zak Topuzi, Kryetar i Sektorit të Hoteleve
- “Shoqata e Prodhuesve të Bukës dhe Pastiçerisë” Z. Gëzim Peshkopia, Kryetar
- “Shoqata e Institucioneve të Mikrokreditimit” ( FONDI “BESA”) Z. Robert Lukaj, Drejtor, Departamenti i Menaxhimit të Riskut
- Banka Botërore Znj. Hilda Shijaku, Ekonomiste e Lartë
- “GIZ” Znj. Olta Këpucka, Shefe e Burimeve Njerëzore
- OSCE Znj. Silvana Malaj, Good Governace Team Leader UNDP STAR
- “ Dhoma Italiane e Tregtisë” Znj. Alda Bakiri, Sekretare e Përgjithshme
- USAID Znj. Zhaneta Shatri, Këshilltare për Shëndetësinë
- “Fondi Shqiptaro-Amerikan i Zhvillimit” Z. Martin Mata, Bashkëdrejtor Ekzekutiv
- “COOPERAZIONE ITALIANA” Z. Giacomo Pides, Koordinator Programi
- “BERZH” Z. Bledar Mehmetaj, Përfaqësues
- “Yunus Social Business” Z. Shkëlzen Marku, Drejtor
- “Bashkimi i Dhomave të Tregtisë dhe Industrisë” Znj. Ines Muçostepa, Kryetare
- “Dhoma e Tregtisë Austriake” Znj. Marlinda Zotaj, Head of Office
- “ACITAD” Z. Blenard Durmishi, Përfaqësues
- “Konfindustria Shqiptare” Z. Agim Bufi, Drejtor
- “Dhoma Ndërkombëtare e Tregtisë” Znj. Ardita Seknaj, Sekretari i Përgjithshëm
- “Dhoma e Prodhuesve të Veshjeve dhe Këpucëve” Z. Florian Zekja
- “Dhoma Kombëtare e Zejtarisë” Z. Koli Sinjari, Sekretar i Përgjithshëm
- Albanian ICT Awards, Z. Kushtrim Shala, Bashkëthemelues
- FIAA Shoqata e Investitorëve të Huaj në Shqipëri Znj. Marinela Jazoj, Drejtor Ekzekutiv
Shpërndaje