Shpërndaje
"Unë e desha përtej vdekjes,
Ashtu dashurova unë
Edhe prap s’ia fal dot vetes
S’i s’e desha pak më shumë…"
Me këto vargje të ndjera të Fatos Arapit nisi mbrëmja poetike organizuar nga Bashkia Tiranë në bashkëpunim me Qendrën Kombëtare të Librit dhe Leximit, kushtuar 21 Marsit, Ditës Botërore të poezisë.
Poetët Sadik Bejko, Natasha Lako, Mimoza Ahmeti, Aleksandër Çipa, Majlinda Nana, vunë theksin jo vetëm te fuqia e poezisë, por edhe te rëndësia që ajo ka në kulturën dhe shoqërinë tonë.
Vargjet e poetëve të pranishëm u interpretuan edhe nga aktorët Mevlan Shanaj, Ligoraq Riza, Istinela Lamaj.
Edhe pse jetojmë në epokën e komunikimit masiv, poezia ngelet një nga format më të bukura të shprehjes, ndaj urojmë që bukuria e vargjeve shqipe të mos venitet kurrë.
Shpërndaje