![](/uploads/images/article/20210609120738_posteri-panairi-1.jpg)
Në kuadër të datës 8 qershor, Ditës Ndërkombëtare të Qepjes dhe Thurrjes në Vende Publike, vlerave kulturore dhe ekonomike të artizanatit si dhe pranisë së gjerë të artizanëve në Tiranë, Drejtoria e Kulturës dhe Trashëgimisë Kulturore, në bashkëpunim me Agjencinë e Administrimit të Tregjeve, organizuan një Panair Artizanati. Në këtë panair artizanët mundën të ekspozojnë, promovojnë dhe shesin produktet e tyre të veçanta me vlera tradicionale dhe kulturore. Vendi ku u organizua panairi ishte sheshi në krah të Kullës së Sahatit, nga ora 08:00 – 19:00. Gjithashtu, ekspozimi i produkteve artizanale shërbeu për tu njohur me vlerat kulturore e tradicionale që ato përfaqsojnë , jo vetëm nga qytetarët e Tiranës, por edhe nga turistët vendas dhe të huaj që kanë zgjedhur Tiranën si destinacion turistik. Artizanët ofrojnë një kontribut të rëndësishëm për kulturën dhe ekonominë e një vendi duke punësuar njerëz dhe duke ruajtur traditën e këtyre punimeve brez pas brezi. Me anë të këtij panairi u synua promovimi i traditës së përpunimit të produkteve artizanale dhe shkëmbimi i eksperiencave ndërmjet artizanëve.
![](/uploads/2021/6/20210609120531_p2.jpg)
![](/uploads/2021/6/20210609120601_p3.jpg)