Artium

“Artium”u zhvillua nga data 14 mars deri me date 21 mars me qëllim unifikimin dhe suportin e artistëve të rinj vendas dhe të huaj për nxitjen e inovacionit në disa zhanre të artit. Artium si projekt i u bazua në punën e studentëve të Universitetit të Arteve në Tiranë dhe artistëve të huaj të cilët ishin pjesë e aktivitetit. Artium shërbeu si një kupolë e cila bëri bashkë të gjitha format e artit në një të vetëm.
Artiumi mbuloi 3 ndarjet kryesore të artit, atë vizual, skenik dhe muzikor.  Pjesa e artit vizual u mbulua nga artistët e arteve pamore, piktorët dhe skulptorët me anë të pikturave të ndryshme, skulpturave, instalacioneve, fotografive dhe projektimit të modës dhe artit digjital.
 Tek artet skenike mbizotëruan më së shumti filmat, teatrot dhe baleti, një zhanër ky i cili u mbulua nga balerinët tanë.
 Art muzikor pati në qendër ansamblin e harqeve, orkestrën simfonike, një bandë muzikore e cila performoi live si dhe 2 ekspertë të veglave muzikore.
Zhanret në fjalë u vunë në skenë nga studentët e Universitetit të Arteve nga studentët e Bachelor deri tek ata të nivelit Master. Ekspozimi i veprave të artit qëndroi  hapur përgjatë gjithë javës ku u dhanë dhe një variacion numrash artistikë për fushat e lartpërmendura.
Ditën e fundit të tij, Artium e finalizoi me një koncert live, i cili u zhvillua brenda ambjenteve të Universiteteti te Arteve, për shkak te kushteve të motit, pasi shiu nuk e lejoji që koncerti të zhvillohej në hapësirën ku ishte e parashikuar të ngrihej skena.
Synimi i këtij projekti ishte arritja e qendrueshmërisë afatgjatë e cila shërbeu si një shembull për vazhdimësinë e tij në të ardhmen në rang kombëtar. Impakti i arritur në përfundim të këtij projekti ishte që mbi 2000 të rinj të cilët ishin pjesë e eventit dhe me shumë se 15.000 ndjekës të tjerë në rrjetet sociale apo ne website të ndryshme në mënyrë indirekte.

Të gjitha aktivitet dhe mbarëvajtja e projektit u publikuan në rrjetet  sociale në mënyrë të tillë që të gjithë të kishin mundësi të informoheshin për atë që po ndodhte dhe që mesazhi të shpërndahej në një masë sa më të gjerë.

Një nga arritjet më të mëdha të këtij projekti është synimi për krijimin e një tradite vjetore që do e kthejë Tiranën dhe Shqipërinë në një Qendër Arti.