Balkan Jazz Showcase

Text size
Aa Aa

Festivali “BALKAN JAZZ SHOWCASE”, Edicioni i 3-të, u zhvillua përgjatë 4 ditëve nga data 26-29 Prill 2023.

Tema e këtj edicioni ishte: “Italia takon Ballkanin”. Në këtë edicion të tretë morën grupe jazzi nga Italia, Maqedonia e Veriut, Serbia, Mali i Zi dhe Shqipëria. Ky edicion kishte si qëllim mbështetjen dhe promovimin e krijimtarisë ballkanike dhe artistëve të vendeve të Ballkanit perëndimor në interpretimet e muzikës Jazz sipas arritjeve individuale dhe tregut muzikor ballkanik, duke krijuar kështu mundësinë e shkëmbimeve dhe rezultateve afatgjata.

Balkan Jazz Showcase, Edicioni i tretë, erdhi si një projekt shumëdimensional , në fushën e muzikës dhe të artit, pas organizimit me sukses të dy edicioneve të para në vitin 2018 dhe 2019,  duke e përfshirë Tiranën në axhendën e festivaleve të këtij lloji që organizohen në Europë dhe Ballkan. Muzika italiane dhe marrëdhëniet kulturore mes dy rajoneve europiane ishin në qendër të “Italia takon Ballkanin”, që përveç se mirëpriti saksofonistin e njohur puljez Gaetano Partipilo, i kushtoi një rëndësi të madhe dhe talenteve të reja, duke nxjerrë në pah më të mirën e jazzit aktual italian.

Në datën 26 Prill koncerti u realizua në sallën e kishës orthodokse dhe pati interes shumë ta lartë nga publiku tiranas. Netët e tjera u zhvilluan në Universitetin e Arteve dhe Sallën "'Tonin Harapi. Performanca e natës së parë  u ndoq edhe nga Ambasadori Italian në Tiranë z. Fabrizio Bucci si dhe nga Drejtori i Institutit Italian të Kulturës z. Alessandro Ruggera. Të pranishëm në të gjitha netët ishin artdashës të shumtë si dhe profesionistë të fushës.
Përveç pasqyrimit në mediat vendase, aktiviteti u ndoq edhe nga media italiane dhe u pasqyrua në Tv Regionale.