Bashkia Tiranë i bashkohet Partneritetit Global në Promovimin e Qeverisë së Hapur

Deklaratë për shtyp

Bashkia e Tiranës është zgjedhur për t’iu bashkuar Partneritetit të Qeverisë së Hapur (OGP), një organizatë që bashkon qeveritë dhe drejtuesit e shoqërisë civile për të krijuar një qeveri më transparente, gjithëpërfshirëse dhe pjesëmarrëse. Si një anëtare e re e OGP-së, Bashkia Tiranë do të punojë me organizatat vendore të shoqërisë civile dhe anëtarët e tjerë të OGP-së për të shpënë përpara axhendën e qeverisë së hapur dhe për të transformuar mënyrën se si qeveria u shërben qytetarëve të saj.

Kryetari i Bashkisë Z. Erion Veliaj mirëpriti bashkimin e Bashkisë Tiranë në këtë Partneritetdhe shpreson të mësojë nga anëtarët e OGP-së në një nivel kombëtar dhe lokal për të avancuar lëvizjen e qeverisë së hapur. “Aspirata jonëështë të rrisim nivelin e transparencës dhe të përfshirjes së qytetarëve dhe jemi thellësisht të përkushtuar dhe të hapur për ide të reja dhe praktika të mira, të cilat jam i sigurtë që do i gjejmë përmes bashkëpunimit me Partneritetin për Qeverisjen e Hapur”, tha Kryetari Veliaj.

Marilo Meta nga Shoqata e Zhvillimit të Lidershipit në Ballkan vuri në dukje rëndësinë e bashkëpunimit të shoqërisë civile dhe qeverisë për krijimin e reformave që u përgjigjen nevojave të qytetarëve në Bashkinë e Tiranës dhe që OGP ofron platformën e duhur për ta arritur këtë.

Organizatat e shoqërisë civile dhe reformatorët në qeverisje kanë mbështetur qasjet e hapura të qeverisë në Bashkinë e Tiranës. Bashkia Tiranë vazhdimisht ka bashkëpunuar me organizata të shoqërisë civile për cështje si pjesëmarrja rinore dhe punësimi, ofrimi i shërbimeve sociale, mbrojtja e mjedisit, etj. Si një anëtare e re e OGP-së, Bashkia Tiranë shpreson të rrisë këto përpjekje në partneritet me grupet e interesit dhe të përfshijë mësimet e marra nga anëtarët e tjerë të OGP.

OGP pomirëpret 55 anëtarë të të përbërë nga 64 qeveri vendore nga 32 shtete për t'u bashkuar me OGP. Ky zgjerim, më i madhi në historinë e OGP-së, vjen në një moment kritik pasi qytete dhe komunitete lokale janë në krye të përpjekjeve për t'iu përgjigjur COVID-19 ndërsa përballen gjithashtu me buxhete të limituara dhe pasiguri klimatike. 56 anëtarët e rinj u zgjodhën nga një grup prej 112 aplikimesh.

Anëtarët e OGP Local kanë qenë udhëheqës të inovacionit, duke ndërmarrë hapa të guximshëm për të adresuar sfidat e vazhdueshme. Për shembull, në Buenos Aires, Argjentinë, qeveria dhe shoqëria civile kanë krijuar partneritet për të siguruar që komunitetet e margjinalizuara të kenë qasje në shëndetin riprodhues. Në Sekondi-Takoradi, Ghana, qytetarët mund të aksesojnë në mënyrë dixhitale informacionin mbi aplikimet për projektet e infrastrukturës që i fuqizon ata për të luftuar korrupsionin dhe ndërtimin e aktiviteteve të paligjshme. Pas suksesit të 20 anëtarëve të parë lokalë të OGP-së, Komiteti Drejtues i OGP-së ra dakord të zgjerojë grupin në vitin 2020.

Drejtori i Përgjithshëm Ekzekutiv i OGP-së, Sanjay Pradhan, mirëpriti ngrohtësisht shtimin e anëtarëve të rinj në Partneritet: "Udhëheqësit vendor - në qeveri dhe shoqëri civile - janë shpesh më afër njerëzve që u shërbejnë. Qeveria e hapur vendoremund të japë një ndikim transformues në jetën e njerëzve dhe të ndërtojë besimin.
Vlerësuar nga OGP dhe zgjedhur nga një Komision Përzgjedhës i larmishëm, i përbërë nga anëtarë të Komitetit Drejtues të OGP-së, anëtarë aktualë të OGP-sëvendore dhe përfaqësues të shoqërisë civile, Bashkia Tiranë u zgjodh bazuar në vlerësimin e kritereve të përshkruara në thirrjen për propozime, si dhe faktorë të tjerë të konsideruar për të siguruar një grup rajonal të larmishëm, me lloje dhe madhësi të ndryshme të entiteteve, dhe pikat e forta unike për të plotësuar objektivat e OGP Local.

OGP mori më shumë se 100 aplikime të përbashkëta nga qeveritë dhe organizatat e shoqërisë civile në nivel lokal në vitin 2020 duke shprehur interesin e tyre për t'u bashkuar me OGP Local. Të gjithë aplikantët janë ftuar ti bashkohen Komunitetit të Praktikave Vendore të OGP-së dhe të kontribuojnë në zhvillimin e bazës së njohurive të OGP-së për qeverisjen e hapur vendore dhe të marrin pjesë në aktivitetet e shkëmbimit të kolegëve të OGP-së për të rritur reformat në nivelet kombëtare dhe lokale për të gjithë anëtarët e OGP-së.

Rreth OGP:
Në vitin 2011, udhëheqësit e qeverisë dhe përkrahësit e shoqërisë civile u bashkuan për të krijuar një partneritet unik - një që kombinon këto forca madhore, për të promovuar një qeverisje të përgjegjshme dhe gjithëpërfshirëse.
Shtatëdhjetë e tetë vende dhe një numër në rritje i qeverive vendore - që përfaqësojnë më shumë se dy miliardë njerëz - së bashku me mijëra organizata të shoqërisë civile janë anëtare të Partneritetit të Qeverisë së Hapur (OGP).

Për pyetje ose për informacion, ju lutemi kontaktoni:
[email protected]