Bashkia Tiranë shpall fituesin e fazës së parë për Linjën rrethqytetëse nr. 7 “Tiranë – Zall Bastar - Tiranë”.

Në mbështetje të vendimit të Kryetarit të Bashkisë me nr. prot.,18482 datë 09.06.2020 për “Shpalljen e subjektit fitues për fazën e parë në proçedurat e konkurimit për të drejtën e ushtrimit të veprimtarisë së transportit të udhëtarëve në linjë të rregullt rrethqytetase “Tiranë – Zall Bastar - Tiranë”, ju njoftojmë se:

Subjekti i cili fiton të drejtën e ushtrimit të veprimtarisë së transportit të udhëtarëve në linjë të rregullt rrethqytetëse është:
•    “LU-NA” SHPK për linjën nr.7 “Tiranë – Zall Bastar - Tiranë”.

Për të vazhduar proçedurat e pajisjes me liçencë, subjekti i sipërcituar, duhet të paraqesi plotësimin e dokumentacionit, si më poshtë:

1.    Formularin e autodeklarimit;
2.    Ekstraktin e QKR-së, ku të jenë pasqyruar targat e mjeteve që do të çertifikohen;
3.    Leja e drejtimit për çdo drejtues mjeti me kategoria D (fotokopje e noteruar) dhe kontratat e punës me drejtuesit e automjeteve (me afat jo më pak se një vit, fotokopje e noterizuar ose origjinal);
4.    Kontratë me ofiçinë riparimi automjetesh (origjinale, bashkëngjitur NIPT-in e ofiçinës);
5.    Akt-vlerësimin e plotësimit të kushteve të komoditetit;
6.    Çertifikatat e kontrollit teknik te automjeteve;
7.    Vetëdeklarimin e gjendjes gjyqësore të drejtuesve të automjeteve;
8.    Dokumentin e sigurimit të përgjegjësisë së pronarit të mjeteve të transportit për dëme shkaktuar palëve të treta. (TPL);
9.    Sigurimin e pasagjerëve;
10.    Dokumentin e Çertifikatës së Aftësisë Profesionale (ÇAP) për drejtuesit e mjetit;
11.    Si dhe çdo dokumentacion tjetër që kërkohet sipas standardeve të linjës të përcaktuara në urdhërin përkatës apo legjislacionit në fuqi.