Biblioteka e Lagjeve si Qendra Multifunksionale

Biblioteka e Lagjeve  si Qendra Multifunksionale

Projekti “Bibliotekat e lagjeve si Qendra Multifunksionale” konsiston në përdorimin e ambienteve të Bibliotekave të lagjeve nga organizata jofitimprurëse më qëllim zhvillimin e ideve dhe projekteve rinore.
Nëpërmjet këtij projekti, Bashkia e Tiranës synon të ndikojë në rritjen e kapaciteteve të të rinjve të kryeqytetit, duke rritur kështu frekuentimin dhe vëmendjen e qytetarëve ndaj bibliotekave dhe kulturës së leximit. 

Qëllimi i Programit 

Nxitja e bashkëpunimit ndërmjet organizatave jofitimprurëse dhe Bashkisë së Tiranës duke krijuar një skemë efektive me qëllim zhvillimin e kapaciteteve rinore nëpërmjet projekteve të tyre.
 

Objektivat Specifike

-    Shtimi i qendrave rinore dhe hapësirave multifunksionale për të rinjtë e kryeqytetit; 

-    Zhvillimi i ideve kreative dhe inovative të të rinjve;

-    Rritja e kulturës së leximit duke afruar të rinj në ambientet e bibliotekave;

-    Ndihmesë në zhvillimin e cilësive edukative, sociale, kulturore etj. të të rinjve;

-    Formimin e të rinjve duke i larguar nga fenomenet negative si duhani, droga, bullizmi etj.;

-    Nxitja e bashkëpunimit ndërmjet organizatave jofitimprurëse dhe Bashkisë së Tiranës.
 

Aplikantët e pranueshëm

Të gjitha organizatat jofitimprurëse mund të aplikojnë pranë Bashkisë Tiranës më anë të  Formularit të Aplikimit ku shprehin interesin e tyre për të ushtruar aktivitetin në ambientin e bibliotekës, pa ndikuar në funksionin kryesor të saj.  Aplikimi duhet të dërgohet pranë Protokollit të Bashkisë Tiranë drejtuar Drejtorisë së Përgjithshme të Promovimi të Qytetit.
Formularin e aplikimit  mund ta shkarkoni nga faqja jonë zyrtare në adresën: www.tirana.al 
 

Proçesi i Aplikimit

Në fillim të çdo muaji Bashkia e Tiranës do të shpallë thirrje për aplikim për projektin.
Të interesuarit do të mund të aplikojnë gjatë 3 javëve të para të çdo muaji. Më poshtë
paraqitet kalendari i aplikimeve për muajin Janar 2019.
 

Aplikimet që do të dorëzohen pas afatit të caktuar nuk do të pranohen.
 

Çfarë nevojitet për aplikim?

1-    Formulari i aplikimit të jetë plotësuar në mënyrë të plotë dhe të saktë ( i firmosur dhe vulosur);
2-    Projekt Propozimi dhe kalendari i aktiviteteve  duhet të parashikojnë periudhën një vjeçare;
3-    Vendimi i Gjykatës, Statuti i Shoqatës, Akti i themelimit dhe NIPT (Kopjet, duhet të jenë të noterizuara), Vërtetim për statusin e aplikuesit e tërhequr tek e-Albania; 
4-    Vërtetim nga Gjykata, që Shoqata, Fondacioni, nuk është në proçes falimentimi apo likujdimi. 
5-    CV e organizatës 
6-    Dokument identifikimi i aplikuesit ( fotokopje e kartës ID të Drejtuesit Ekzekutiv të shoqatës)
 

Mbulimi gjeografik    

Ky projekt parashikon shtrirjen në këto biblioteka lagje në territorin administrativ të Bashkisë Tiranë. 

1-    Njesia Administrative nr. 4: 
Adresa: Rruga ‘’Aleksandër Moisiu’’Kinostudio , Njësia  Administrative Nr.4,Tiranë. (mbrapa kopshtit nr.55)

2-    Njesia Administrative nr. 6: 
Adresa: Rruga"Llazi Miho", pallati 159

3-    Njesia Administrative nr 9: 
Biblioteka “Petro Zheji”
Adresa:  Rrugën “Petro Marko”

4-    Njesia Administrative nr. 11: 
Adresa: Rr. “Lord Bajron”
 

Vini re:

Në momentin e shqyrtimit të dosjes me projekt-propozimin/et nga Komisioni i Vlerësimit të Aplikimeve, në rast mungese të njërit prej dokumenteve të lartpërmendura, apo nëse nuk do të jetë në formën e kërkuar do skualifikohet. 

Shpallja e fituesit të secilës thirrje bëhet në faqen Web të Bashkisë Tiranë, si dhe i komunikohet aplikuesit në kontaktin e vënë në dispozicion prej tij në formularin e aplikimit.

Për pyetje në lidhje me këtë thirrje për projekt-propozime, ju lutemi na shkruani në adresën e-mail: [email protected] 
 

Formulari i Aplikimit

Biblioteka e Lagjeve  si Qendra Multifunksionale