Bienalja e 5-të Ndërkombëtare e Akuarelit nga VIZart

“Bienalja e 5-të Ndërkombëtare e Akuarelit’, shënoi këtë vit edicionin e saj të pestë në Tiranë, mbështetur nga Bashkia e Kryeqytetit.

Në datat 4-14 maj, kryeqyteti shqiptar mikpriti këtë aktivitet të organizuar nga Shoqata Kulturore “VIZart”, që u mbajt në Galerinë e Artit në Tiranë, por edhe në Muzeun Historik Kombëtar, duke u zhvilluar në disa evente paralelisht.

Punimet e artistëve nga Moldavia, Suedia, Koreja, Spanja, Tajlanda, SHBA, Gjermania, Izraeli, Ukraina, Maqedonia e Veriut, Sllovakia, Meksika, Shqipëria, Kosova, etj, ishin pjesë e Bienales së Akuarelit.
Çelja e ekspozitës në orën 19.00 ishte plot energji, dhe në sallën e poshtme të “Muzeut Kombëtar” ishin 15 artistë nga Mjeshtrat më në zë të momentit, të cilët ekspozonin nga 5 punime dhe bashkë me hartën gjeografike vinin nga Amerika, Peruja, Gjermania, Tajlanda, Kina, Anglia, Spanja dhe Koreja.
Ishte një ekspozitë cilësore, por e ndërthurur me shumë elegancë me skulpturat e studentëve të Universitetit të Arteve, si dhe punime nga e gjithë bota.
Bienalia e Akuarelit në GAT, që u çel në orën 11:00, shoqërohej me pavionin RinArt, që është një kompeticion në vitin e tij të dytë me shumë sukses e që i dha një energji të jashtëzakonshme.
U shpërndanë rreth 15 çmime, nga të cilat tre çmime të mëdha “Master Award”, pra çmimi i mjeshtrave i emëruar Ismail Lulani, që ka 10 vjet që jepet.
Ky çmim iu dha 3 artistëve; Nicolas Lopez nga Peruja, Miran Kim nga Koreja dhe Cesc Farre nga Spanja.
Ndërkohë që studentët shqiptarë u gjykuan nga një juri ndërkombëtare e përbërë prej ; Hong Shan nga Kina, Atanur Dogan nga Kanadaja, Cesc Farre nga Spanja, Nicolas Lopes nga Peruja dhe Miran Kim nga Koreja, Ormira Lulani dhe Helidon Haliti nga Shqipëria dhe Lafe nga Tajlanda.
Filimisht ata e vlerësuan punën e artistëve virtualisht në mënyrë digjitale dhe më pas erdhën për dy ditë në Shqipëri dhe pasi panë punimet nga afër vendosën të jepnin 12 çmime, 7 në kategori të ndryshme dhe 5 çmime speciale.
Ky Festival Ndërkombëtar, që organizohet për herën e pestë me një pjesëmarrje aq të lartë krijuesish nga e gjithë bota, e vendos Tiranën tashmë në toplistën e vendeve organizatore të  eventeve të kësaj natyre.