Bonus strehimi

Bonusi i Strehimit është një nga format e trajtimit me strehim për familjet në nevojë,  në bazë të sëcilit subvencionohet një pjesë e konsiderueshme e qirasë së banesës, për familjet të cilat jetojnë me qira dhe kanë të ardhura të pamjaftueshme për ta përballuar atë.

Procedurat për përfitimin e Bonusit të Strehimit

- Plotësimi i formularit tip pranë Njësive Administrative
Çdo aplikues i interesuar i cili përmbush kriteret për aplikim sipas akteve ligjore në fuqi duhet të drejtohet pranë njësisë vendore ku figuron të jetë i regjistruar për të plotësuar formularin e strehimit për Bonus Qiraje.

-Vlerësimi i kërkesave
Vlerësimi i formularit tip, njoftimi i aplikuesve që përmbushin kriteret për të përfituar bonus strehimi si dhe ato të cilët nuk rezultojnë të suksesshëm sipas akteve ligjore të përcaktuara.

-  Dorëzimi i dokumentacionit
Familjet që rezultojnë të suksesshme në fazën e parë të aplikimit, brenda 15 (pesëmbëdhjetë) ditëve nga momenti i njoftimit, dorëzojnë dokumentacionin e nevojshëm për tu trajtuar me bonus strehimi.
Dorëzimi i dokumentacionit realizohet nga familjari aplikues praë Sektorit të Informimit dhe Shërbimeve për Qytetarët.

- Shqyrtimi dhe vlerësimi i dokumentacionit
Drejtoria e Strehimit Social realizon shqyrtimin e çdo  praktike të dorëzuar nga aplikuaesi sipas akteve ligjore dhe i propozon për vlerësim dhe shqyrtim të mëtejshëm në Komision Strehimi.

-  Miratimi i listës përfituese në Këshill Bashkiak
Drejtoria e Strehimit Social, dërgon për miratim në mbledhjen e radhës së Këshillit Bashkiak, Tiranë, listën e përfituesve për Bonus Strehimi. Këshilli Bashkiak Tiranë miraton në mënyrë përfundimtare, listën e përfituesve të mundshëm.

Çdo familje e cila nuk përmbushur kriteret për të qënë pjesë e listës fituese, njoftohet zyrtarisht me shkresë nga ana e Drejtorisë së Strehimit Social. 

Forma e trajtimi me Bonus Strehimi përfshinë dhe mbështë të gjithë individët dhe familjet që  kanë vendbanim në territorin e Bashkisë Tiranë.

Lista e dokumentacionit për t’u trajtuar me Bonus Qiraje vijon si më poshtë:

1. Çertifikatë e gjendjes familjare dhe fotokopje ID e aplikantit;
2. Dokumentin zyrtar të celebrimit ( çertifikatë martesore);
3. Vërtetimi i të ardhurave nga punëdhënësi për të gjithë anëtarët madhorë, të cilë janë në marrëdhënie pune.
4. Vërtetimin nga zyra e punësimit e njësisë vendore përkatëse si punëkërkues. 
5. Vërtetimin nga organet e sigurimeve shoqërore për personat në pension.
6. Vërtetimin nga zyra e ndihmës dhe përkujdesjes pranë njësive të vetëqeverisjes vendore përe anëtarët e familjes, të përfshirë në progarmin e ndihmës ekonomike dhe të pagesës për personat me aftësi të kufizuar;
7. Vërtetimin për vazhdimin e studimeve në institucionet e arsimit të mesëm ose të lartë, për anëtarët e familjes që janë nxënës/studentë.
8. Vërtetimi nga organet tatimore për të gjithë anëtarët madhorë të familjes, nëse figuroni ose jo të regjistruar në sistemin informatik të Drejtorisë Rajonale Tatimore, Tirane.
9. Pasqyra financiare për vitin kalendarik të shkua rpër personat e vetëpunësuar e njehsuar nga Drejtoria Rajonale Tatimore.
10. Vërtetimi nga Drejtoria Rajonale Tatimore për derdhjen e kontributeve te sigurimeve shoqërore e shendetësore, për të gjithë anëtarët madhorë të familjes, të cilët janë në marrëdhënie pune;
11. Vërtetimi nga zyra e regjistrimit të pasurive të paluajtshme, Tiranë për të gjithë anëtarët madhorë nëse, disponojnë në pronësi banesë a ndonjë mjedis, që mund të përdoret si e tillë.
12. Vërtetimin nga zyra e regjistrimit të pasurive të paluajtshme për sipërfaqen e pronës, që zotërojnë  anëtarët madhorë të familjes , kur disponjnë pronësi.
13. Vërtetimin nga zyra e regjistrimit të pasurive të paluajtshme të vendit të origjinës se nuk figuron e regjistruar asnjë pronë, e cila mund të përdoret edhe për strehim, për anëtërët madhorë të familjes .
14. Vendimin e gjykatës origjinal ose i noterizuar, që i lë në ngarkim fëmijën ose fëmijët për çiftet e divorcuara, shoqëruar me vërtetimin nga zyra përmbarimore per masën e pensionit ushqimor që përfiton sipas vendimit të gjykatës.
15. Libreza e jetimit, lëshuar nga institucioni shtetëror i autorizuar, për individët me statusin e jetimit origjinal ose i noterizuar.
16. Vërtetim i komisionit mjekësor të përcaktimit të aftësisë së kufizuar, për individë me aftësi të kufizuara origjinal ose i noterizuar.
17. Dokumentin e lëshuar nga institucionet përkatëse shtetërore për personat që kanë statusin "emigrant", punëtor emigrant" dhe "azilkërkues".
18. Dokumentin e lëshuar nga institucionet përkatëse shtetërore për familjet e punonjësve të rënë në detyrë, që u përkasin Policisë së Shtetit, Gardës së Republikës, Shërbimit të Kontrollit të Brendshëm, Policisë së Mbrojtjes nga Zjarri dhe të Shpëtimit, të Forcave të Armatosura, të Shërbimit Informativ Shtetëror dhe Policisë së Burgjeve
19. Vërtetimi  i  lëshuar nga institucionet përkatëse për viktimat e dhunës".
20. Vërtetim komuniteti rom dhe egjiptian, për familje që i përkasin kësaj kategorie;
21. Deklarate noteriale që lëshohet nga kryefamiljari, i cili  shprehet se është dakort që  bonusi të lëvrohet për aplikantin që rezulton i përfshirë në formularin e strehimit. 
22. Vërtetimi për banesat në rrezik shembje, Kopje të procesverbalit pas shembjes së banesës e cila është prekur nga zbatimi i investimeve dhe projekteve publike, fatkeqësi natyrore etj.  
23. Kontrate qiraje nëse e disponon.