Cloud Festival

Projekti “Cloud Fest” u organizua për qytetarët e Tiranës në muajin maj 2023 (4- 20 Maj) me mbështetjen e Bashkisë Tiranë.

“Cloud Fest” apo siç njihet “ Festivali i Resë”, u zhvillua për të 7-in vit rradhazi me qëllimin që të nxisë gjallërimin e jetës kulturore në Tiranë me një pjesëmarrje të gjerë artistësh duke rritur argëtimin e zbavitjen e të rinjve nëpërmjet promovimit të kulturës tradicionale.

 Festivali u shtri përgjatë gjithë  muajit Maj 2023.

Në dy javët e para duke nisur nga data 4, u  zhvilluan aktivitete të ndryshme si festivale të vogla, shfaqje, festa dhe rituale tradicionale, koncerte me në fokus muzikën, këngën dhe vallet e krahinave të ndryshme të  Shqipërisë.

 Në dy javët e tjera  në vazhdim dhe deri në përfundim të muajit, u organizuan aktivitete të ndryshme të cilat kishin për qellim bashkërenditjen e traditës shqiptare dhe asaj botërore.
 
Gjithashtu u organizuan një sërë shfaqjesh artistike me pjesëmarrje të artistëve ndërkombëtarë me muzikë, teatër, programe filmike dhe më shumë.

Cloud Fest u ndoq me një interes të madh nga publiku në Tiranë. Reja prej vitesh tashmë është kthyer në një skenë që mirëpret aktivitete të larmishme kulturore e artistike që ofrojnë argëtim e kënaqësi për qytetarët e të rinjtë tiranas.