Dirigjenti i shquar Zubin Mehta-Koncert Gala në Tiranë

Dirigjenti me famë botërore, Maestro Zubin Mehta, drejtoi Koncertin Gala  nën interpretimin e Orkestrës Filarmonike të Beogradit, në 100-Vjetorin e  themelimit të saj. Ky Koncert u zhvillua në Teatrin Kombëtar të Operas dhe Baletit, në mbrëmjen e 22 Qershorit, 2023 me pjesëmarrjen e artdashësve të shumtë. Në program u ekzekutuan Simfonia Nr.7 e Beethoven-it  dhe Simfonia Fantastique op. 14,  e  Berlioz-it.

Për dekada Mehta ka dirigjuar Filarmoninë Mbretërore të Liverpool-it, Filarmoninë e Vjenës, Berlinit dhe Izraelit si dhe njihet për dirigjimin në Operën Metropolitane në New York, Operën Shtetërore të Vienës, Shtëpinë e Operës Mbretërore Covent Garden, Teatrin “La Scala” në Milano, Operën në Çikago dhe Firence si dhe në Festivalin e Salzburgut.

I shpallur nga shumë personalitete të artit si "Dirigjenti më i mirë i të gjitha kohërave", Maestro Zubin Mehta, i dhuroi publikut të pranishëm në sallë një natë të magjishme.

Ngjarje të tilla, gjithnjë e më të shpeshta, po e shndërrojnë Tiranën, në një metropol të rëndësishëm kulturoro-artistik jo vetem për Ballkanin, por dhe me gjerë…