Shpërndaje
Text size
Në Ditën Ndërkombëtare të Librit, Bashkia Tiranë, në bashkëpunim me Bibliotekën Kombëtare, organizoi një takim me poeten, skenaristen dhe eseisten Natasha Lako.Ndërsa u theksuan vlerat e saj si poete pioniere e letërsisë femërore në Shqipëri, kontributi i saj në kinematografinë shqiptare dhe po ashtu në punimet eseistike mbi historinë e Kinemasë, aktiviteti e vendosi fokusin mbi librin më të ri të Lakos, vëllimin me ese “Njeriu si një Tjetër”.
Në takim merrnin pjesë personalitete të botës letrare dhe kinemasë.
Të pranishmit vlerësuan gjuhën poetike të Lakos, edhe në këtë libër me ese, ku autorja ka vendosur emra të mëdhenj të letërsisë shqipe, përballë atyre botërore, emra të epokave të ndryshme, të cilëve u ka gjetur ngjashmëri në analizën e saj.
Takimi u zhvillua në Qendrën “Sotir Kolea”, një qendër dinjitoze libri e rindërtuar së fundmi në ambientet e ish-Bibliotekës së Vjetër në Tiranë.
Shpërndaje