Ekspozitë Retrospektive e Piktorit Guri Madhi

Në datën 7 mars 2023, në Galerinë e Artit të Tiranës, u zhvillua ceremonia e hapjes së Ekspozitës Retrospektive të Piktorit të Popullit “Guri Madhi”.
 Në këtë ekspozitë pati një pjesëmarrje të lartë personaliteteve të artit dhe të kulturës shqiptare. Morën pjesë përfaqësues të trupit Diplomatik në Shqiperi, si Ambasadori i Republikes se Kosovës z.Skender Durmishi, përfaqësues të Ambasades Italiane, të Francës, Hungarisë, etj. I pranishëm ishte dhe z.Andi Seferi, Nënkryetar i Bashkise së Tiranes, profesorët e nderuar të arteve figurative Muntaz Dhrami, Edi Hila, Helidon Haliti, etj, shkrimtarët e shquar Nasi Lera, Luan Rama, e disa dhjetra artistë të arteve figurative. Gjithashtu morën pjesë studentë të Universitetit të Arteve dhe nxënës të Liceut Artistik “Jordan Misja”.
 Ceremonia u hap me përshëndetjen e Drejtorit të Galerisë së Tiranes, Dr. Abaz Hado, i cili theksoi rëndësinë e këtij aktiviteti për një artist me përmasa të rëndësishme brenda dhe jashtë Shqipërisë. Ai shtoi dhe rolin e rëndësishëm që po luan Galeria e Artit të Tiranës në gjallërimin e jetës artistike. Moment i rëndësishëmishte që  kjo ekspozitë,  ka sjellë një publik kaq të gjerë dhe që tregon se Galeria e Artit të Tiranës është bërë faktor në jetën artistike të kryeqytetit.
Gjatë ceremonisë përshendeti gjithashtu edhe Nënkryetari i Bashkisë së Tiranës zoti Andi Seferi, i cili ndërmjet të tjerash tha: Janë Veprat e Guri Madhit që e bejnë këtë Galeri shumë, shumë të madhe. Pa shpirtin tuaj nuk do arrihej kjo finale kaq e bukur. Në emër të Bashkisë së Tiranës,  them që po, ia arriti qëllimit ky mund i përbashkët që dhe artistët të kenë shtepinë e tyre (Galerine e Artit të Tiranës)…. Guri Madhi ishte jo vetëm një profesor i pikturës, por dhe i qytetarisë që bëri të mundur kalimin e stafetës tek ju që jeni prezent në këtë sallë.
 Ne vijim, organizatorja e ketij projekti  Gea Madhi falenderoi Bashkine e Tiranes për mbështetjen financiare të këtij aktiviteti, falenderoi Galerinë e Artit te Tiranës për përgatitjen e ekspozites dhe kushtet shumë të mira të ambienteve të kësaj Galerie, si dhe të gjithë të pranishmit në ceremoni.
Në këtë ekspozite u prezantuan rreth 50 vepra në teknikën e pikturës, vizatimit, grafikës etj. Gjithashtu u prezantuan disa nga momentet dhe vlerat e spikatura të krijmtarisë së piktorit bashkë me Tiranën dhe ngjarjet historike të saj. Në këtë pjesë të krijmtarisë të pa ekspozuara më parë për publikun shihen qartazi përpjekjet e piktorit për një art ndryshe, shpesh herë larg kornizave të së ashtuquajturës metodë e realizimit socialit.
Ekspozita Retrospektive e Piktorit të Popullit Guri Madhi,  u pasqyrua në shumë kanale televizive si RTSH, Top Channel, A1 Report, Syri TV, Neës 24, ABC News, Scan TV etj. Dhe u realizuan   emisione të veçanta televizive, si “Parfume”, “Mesnate”, “Intervista”, dedikuar  ekspozitës.
Shkrime te posaçme për këtë ekspozite janë botuar në organet e medias së shkruar si Gazeta SOT, gazeta Express, gazeta Dita, Shqiptarja.com, etj.
 “Ekspozita Retrospektive e Piktorit të Popullit Guri Madhi” qëndroi e hapur  për qytetarë e Tiranë nga data 7 deri në 20 mars dhe  u vizitua nga qindra artdashës.