Festivali Ndërkombëtar i Jazz-it në Shqipëri

Projekti “International Jazz Festival in Albania” Edicioni XII, erdhi për qytetarët e Tiranës në periudhën Shtator-Tetor 2023.

Qëllimi kryesor i këtij projekti është vijimësia e stimulimit dhe mbështetjes së muzikës Jazz & World Music në Shqipëri.

Gjithashtu Projekti synon të pasurojë jetën artistike të kryeqytetit me ardhjen e Jazz Bands nga Italia, Gjermania, Zvicra, Greqia, Polonia, Spanja dhe Shqipëria. Duke e kthyer Tiranën në kryeqendrën e Jazz-it Europian, duke mundësuar vitalizimin e kapaciteteve njerëzore dhe infrastrukturore gjatë realizimit si dhe duke standartizuar një rrjet të qëndrueshëm sinergjish dhe marrëdhëniesh ndërmjet institucioneve, bashkëpunëtorëve dhe forcave realizuese të përfshira në të, projekti mblodhi rreth vetes një audiencë të konsiderueshme.

Objektiv tjetër i rëndësishëm i këtij projekti është të edukojë nëpërmjet artit dhe kulturës brezin e ri, artistët dhe publikun e së ardhmes, edukim që  përcillet nëpërmjet workshop-eve dhe masterclass-eve që u zhvilluan përgjatë sezonit të koncerteve të edicionit Jazz 2023.

Njëkohësisht “Jazz International Festival” mbështet krijimtarinë e Jazz-it në Shqipëri, duke ftuar jazz band-at shqiptare me krijimtari të reja në zhanrin e muzikës jazz, si një alternativë muzikore shumë e përhapur dhe mjeshtërisht e evoluar në fizionominë artistike krijuese të artistëve kudo në botë.

Disa nga emrat e ftuar në këtë edicion ishin Gypsy Program- Shqipëri, Tal Gamlieli-Israel, Green Dolfin - Gjermani, Jakub Quartet - Poloni, Preveza Trio- Greqi, Tirana, Miranda Fernandez - Spanjë, Marco Zappa- Zvicër, etj  .