Hapen aplikimet për ide-biznesi në kuadër të projektit "Fuqizimi i Grave dhe Nxitja e Sipërmarrjes"

Drejtoria e Përgjithshme e Shërbimeve Sociale, nëpërmjet Drejtorisë të Nxitjes së Punësimit, bazuar në Vendimin e Këshillit Bashkiak, nr 40, datë 03.05.2019, si dhe miratimin e Vendimit të Komisionit të Ndihmës Shtetërore nr 103, datë 19.07.2021, i ndryshuar, për zbatimin e projektit “Fuqizimi i Grave dhe Nxitja e Sipërmarrjes” shpall thirrjen për dorëzimin e aplikimeve për ide-biznesi nga data 13 prill 2023 deri më 8 maj 2023. Gratë do të mbështeten me grante nga Bashkia Tiranë për krijimin ose zgjerimin e aktiviteteve të bizneseve të suksesshme nga gra të afta për të qenë të qëndrueshme në një treg konkurues.