Hapen aplikimet për programin " Fondi i Komuniteteve" për muajin Prill

Bazuar në Vendimin e Këshillit Bashkiak nr.14, datë 20.02.2017 për "Miratimin dhe zbatimin e programit "Fondi i komuniteteve", hartuar sipas udhëzuesit operacional për zbatimin e projektit "Fondi i Komuniteteve" , hapen aplikimet për administratorët që dëshirojnë të aplikojnë për programin "Fondi i Komuniteteve" për llojet e projekteve të kualifikueshme për bashkëfinancim si më poshtë:

1. Mirëmbajtje Fasadash : Këtu përfshihen lyerje dhe suvatim fasadash etj. (Neni 6, VKM 608).
2. Punimet për eleminimin e barrierave arkitektonike  dhe përshtatjen e ndërtesave për personat me aftësi të kufizuara (Neni 7, VKM 408).
3. Projekte ruajtje /eficence energjie apo impakt pozitiv mjedisor: Këtu përfshihet termoizolimi i fasadave, vendosja e paneleve diellore, etj. (Neni 7, VKM 408).
4. Mirëmbajtje Taracash: Këtu përfshihet punime hidroizolimi dhe termoizolimi të tarracave, etj. (Neni 7, VKM 408).
5. Mirëmbajtje e shesheve (Hapësirave publike dhe/ ose në bashkëpronësi në funksion të blloqeve të banimit, këndeve të lojërave dhe fushave sportive ekzistuese).  Këtu përfshihen: rehabilitimi i shtresave të shesheve (pllaka trotuaresh, riparim asfalti apo shtresash të ndryshme), mbjellje bari/ shkurresh/ pemësh dekorative, intsalime stolash/ hapësirash pushimi,  vijëzim vendparkimesh dhe sinjalistike brenda bllokut të banimit, riparime të ndriçimit publik ekzistues, etj. (neni 7, VKM 408).