Historia e Tiranës së vjetër përmes fotografive

Text size
Aa Aa
Me rastin e 104 Vjetorit të shpalljes së Tiranës Kryeqytet,  Bashkia Tiranë, në bashkëpunim me Drejtorinë e Përgjithshme të Arkivave organizoi ekspozitën “Historia e Tiranës së vjetër përmes fotografive”, përgjatë rrugës "Myslym Shyri".
Është viti i disatë radhazi që vijon ky bashkëpunim i suksesshëm midis dy  institucioneve nga i cili, tashmë është krijuar një traditë e mirë.

Këtë vit, kjo eskpozitë ishte pjesë e programit të aktiviteteve të shumta kulturore e sportive, organizuar në kuadrin e "Ditës pa Makina", në datën 10 shkurt 2024, në kryeqytet.

Ekspozita u ndoq nga shumë qytetarë tiranas të moshave të ndryshme, turistë të huaj, kalimtarë të rastit, si dhe profesionistë të fushës .
 
Me rastin e kësaj dite të shënuar, Kryetari i Bashkisë Tiranë,  zoti Erion Veliaj u shpreh:

Dëshira ime në këtë 104 Vjetor, është të vazhdojmë të punojmë së bashku , të mbështesim njëri tjetrin dhe të ecim përpara pa u ndalur për ta kthyer Tiranën në pjesën më Europiane të Shqipërisë tonë Europiane në Ballkan. Kur jemi bashkë bëjmë gjëra të mrekullueshme dhe të gjithë së bashku do vazhdojmë ta çojmë Tiranën përpara.
Mirënjohje për të gjithë që kanë dhënë kontributin e tyre për Tiranën, për të arritur këtu ku jemi. Faleminderit!