Informacion mbi tregun e pasurive të paluajtshme në qytetin e Tiranës

Në qarkun e Tiranës për periudhën 2011 – 2016 janë ndërtuar 707 ndërtesa të reja me një sipërfaqe 3,048,000 m2, nga të cilat rreth 78% kanë qenë ndërtesa për banim.

Sipas Instat, në qytetin e Tiranës rreth 17.5% e ndërtesave të reja janë ndërtuar për qëllime banimi në harkun kohor 2001-2011. Ndërtimet për qëllime banimi janë përqëndruar në nivele të ndryshme në ish-komunat, të cilat me reformën administrative territoriale janë bërë pjesë e Bashkisë Tiranë. Gjatë kësaj periudhe, ndërtimet më të shumta me qëllime banimi i përkasin Njësisë Administrative Farkë me rreth 43% dhe Kasharit me 32.7%, kjo për arsye se këto dy njësi shtrihen në periferi të zonës urbane dhe gjatë këtij 10 vjeçari çmimi i tokës ka qenë i ulët (konsideroheshin më së shumti si toka bujqësore) dhe hapësira për ndërtim ka qenë e disponueshme dhe mund të përballonin kërkesat e vazhdueshme për ndërtesa banimi, duke u bërë tërheqëse për kompanitë e ndërtimit. Shëngjergji ka përqëndrimin më të ulët me 2.5% të ndërtesave për qëllime banimi, kjo për shkak të terrenit, largësisë nga zona urbane dhe kërkesave për banim. 

Pjesa më e madhe e ndërtesave të banimit në këto Nj.A. janë shtëpi (ndërtesa private) ndërsa pjesa që janë apartamente është ndjeshëm më e vogël. Në Tiranë ndodhet numri më i madh i apartamenteve të banimit me rreth 12% e ndërtesave të banimit, në Farkë rreth 9.8%, në Kashar rreth 8.2% dhe në Dajt rreth 5.3%. Këto njësi administrative zënë përqindjen më të lartë të ndërtimeve të pallateve shumëkatëshe si rezultat edhe i përqëndrimit më të madh të banorëve në këto zona. Në Njësitë Administrative rurale ka një numër shumë të vogël apartamentesh banimi dhe pjesën më të madhe të ndërtesave të banimit e zënë shtëpitë private. 

Njësitë Administrative me përqendrim më të lartë të apartamenteve të banimit janë dhe ato të cilat kanë më shumë familje që jetojnë me qira. Në Kashar është numri më i madh i tyre, rreth 15.8% e familjeve, në Tiranë rreth 13.5% e familjeve, në Farkë rreth 9.9% e familjeve dhe në Dajt rreth 9.4%. Në njësitë e mbetura, numri i familjeve që jetojnë me qira është në nivele shumë të ulta. 
Në Tiranë rreth 18.7% e fondit të banesave është boshe dhe 3.3% përdoret për qëllime dytësore. Njësitë Administrative të Bashkisë së Tiranës kanë një numër të konsiderueshëm banesash boshe, të cilat janë shtëpi ose apartamente të pa shitura. Në Kashar, një nga njësitë me numrin më të madh të apartamenteve, rreth 43% e banesave janë boshe; në Dajt rreth 39.7% e tyre dhe në Farkë rreth 36.8% e tyre. Në Tiranë, pavarësisht numrit të madh të apartamenteve të banimit, numri i banesave boshe është 15.2%, më i moderuar krahasuar me nivelet më të larta të mësipërme. Njësitë Shëngjergj, Petrelë, Vaqarr dhe Zall-Herr kanë nivelet më të ulta të banesave boshe në Bashkinë Tiranë.

Çmimet e shitjes dhe qirasë për banesat-apartamentet në zonat kryesore të qytetit të Tiranës

Në tabelën më poshtë paraqitet gjendja e tregut të shitjes dhe qirasë së banesave-apartamenteve, të moduleve 1+1 dhe 2+1, në Bashkinë e Tiranës, ku përfshihen disa zona të qytetit dhe njësitë administrative me përqendrimin më të lartë të ndërtimeve dhe apartamenteve të banimit. 

Zona lindore e qytetit, ku përfshihet njësia rajonale Shkozë është ndër zonat më të lira për shitje të apartamenteve të banimit, së bashku me zonën perëndimore, e përfaqësuar me ndërtesat Misto Mame, Pallatet Malajziane dhe Unazës së Re. 

Në mënyrë të përgjithshme, vërehet se banesat e modulit 2+1 shiten më lirë se ato të modulit 1+1 dhe e kundërta vërehet për qiradhënien, në këtë rast qiraja është më e shtrenjtë për modulin 2+1 dhe më e lirë për 1+1.

Udhëzimi Nr. 3, datë 28.12.2016 I Këshillit të Ministrave “Për miratimin e kostos mesatare të ndërtimit të banesave për vitin 2016” solli ndryshime të çmimeve fiskale të tregut të shitblerjeve edhe për apartamentet në 32 zonat kadastrale të Tiranës.
Për çdo transaksion për shitblerjen e banesave, Zyra e Regjistrimit të Pasurive të paluajtshme do t’u referohet tabelave të miratuara nga qeveria për 32 zonat e Tiranës. Sipas udhëzimit, shitblerjet në tregun e banesave do të kenë në çdo rast si referencë vlerat mesatare të përcaktuara nga udhëzimi i qeverisë.
Vlera shërben për t’i orientuar shitësit apo blerësit e apartamenteve drejt çmimeve reale. Referuar tabelave, çmimi fiskal për shitblerjen e apartamenteve në zonën e ish– Bllokut ka mbetur i pandryshuar.
Çmimi i apartamenteve për këtë zonë do të vazhdojë të jetë 190 mijë lekë për metër katror. Sipas tabelave, rritje të çmimit fiskal për shitblerjen e apartamenteve ka shënuar në rrugën “Bardhyl”, Xhamlliku, Profarma, rruga “Kongresi i Manastirit” dhe bulevardi “Zhan Dark”.
Janë  shtrenjtuar gjithashtu edhe çmimet e shitblerjeve të apartamenteve për Rrugën e Durrësit e cila në tabelë përkon me zonën kadastrale 3/1, ku çmimi më parë ishte 75 mijë lekë për metër katror, ndërsa sot bëhet 77 mijë lekë për metër katror me një rritje prej 2 mijë lekë për metër katror. Çmimi i referencës për këtë zonë më parë ishte 100 mijë lekë për metër katror, ndërsa bëhet 102 mijë lekë për metër katror, pra rritet 2 mijë lekë.
Ulje modeste ka shënuar edhe çmimi i tregut të apartamenteve në zonën e 9 ¬Katësheve prej 500 lekësh për metër katror.
 

Ndarja sipas zonave:

ZONA 1
1/1 Kinema “Ali Demi”, fusha e sportit, fshati Shkozë, depo e ujit
1/2 Poligrafiku, Shkoza, Autotraktorët, Lanabregas, Linzë, Sauk

ZONA 2
2/1 Piramida, Stadiumi “Qemal Stafa”
2/2 Pazari Ri, 9 katëshet, sheshi “Avni Rustemi”
2/3 Ministria e Jashtme, Brryli
2/4 Shkolla e Baletit, Ambasada Amerikane
2/5 Qyteti “Studenti”, Fakulteti Ekonomik, Varrezat e Dëshmorëve, Sauk, Selitë

ZONA 3
3/1 Xhamlliku, Profarma, Rruga “Bardhyl”, Rruga “Kongresi I Manastirit”, Bulevardi “Zhan D’Ark”
3/2 Porcelani, IKV, Kinostudio, Rruga “Hoxha Tahsin”, Lana e vjetër, fshati Linzë

ZONA 4 
4/1 Kompleksi I spitaleve, SHIK, Oxhaku, Allias I Ri, Tufinë, 
4/2 Allias, rruga “Njazi Meka”, Bregu I Lumit, Rruga “Myslym Keta”, 5 Maji

ZONA 5
5/1 Ish- blloku, Libri Universitar, Vodafone
5/2 Stadiumi “Selman Stermasi”, Shushica, Liqeni Artificial
5/3 Kopshti Botanik, rruga “Komuna e Parisit”, Liqeni Artificial
5/4 Hotel “Diplomat”, blloku “Vasil Shanto”, Selitë e Vogël

ZONA 6
Shkolla Teknologjike, Kombinat, Vaqarr, Selitë, Yzberisht, Sharrë

ZONA 7 
7/1 Gjykata e Rrethit Tiranë, Ish ekspozita “Shqipëria Sot”
7/2 Blloku I ambasadave, Fakulteti I Inxhinierisë së Ndërtimit
7/3 NSHRAK, Parku I Min se Brendshme, Fabrika e bukës
7/4 Unaza e Re, Fabrika e Miellit, ish Fusha e Aviacionit, Yzberisht

ZONA 8 
8/1 Selvia, Gjimnazi Partizani, rruga “Tafaj”
8/2 medreseja, Farmacia Nr.10, Tregu Industrial, Uzina Dinamo, Bregu I Lumit

ZONA 9 
9/1 Bar “Piazza”, Pergjate Bulevardit Zogu I Pare, Rruga e Barrikadave, Rruga Fortuzi, “Sulejman Pasha” deri tek “Mine Peza”
9/2 Stacioni I Trenit, Hipoteka, Politeknikumi
9/3 “Don Bosko”, Fabrika e Këpuvëve, “Siri Kodra”

ZONA 10
10/1 Telekomi, Ish Lidhja e Shrimtarëve
10/2 Ruga “Myslym Shyri”, Drejtoria e Policisë, kisha Katolike
10/3 Blloku I ambasadave, prokuroria e Tiranes, Rruga e Durrësit

ZONA 11
11/1 Zogu I Zi, Ish shkolla e parties
11/2 Ferlut, ish Uzina Tirana
11/3 Laprakë, Drejtoria e Doganave, Spitali Ushtarak, Bregu i Lumit, Fushe-Mezez.
 

Në grafikun e mëposhtëm pasqyrohet ecuria e çmimeve mesatare të apartamenteve në qytetin e Tiranës në vite: