Shpërndaje
Akil Gani Dëzhgiu
Akil Dezhgiu ka lindur në Burrel, në vitin 2000. Ai studion në gjimnazin "Ismail Qemali" dhe prirjet e tij janë drejt shkencave ekzakte, matematika,fizika,kimia. Në të ardhmen, Akili synon t’i dedikohet mjekësisë. Pasionet e tij janë sportet, veçanërisht futbolli, kinematografia dhe kampingu në natyrë, ndërkohë që në fundjava merr pjesë në aktivitete vullnetare për pastrimin e mjedisit dhe përmirësimin e jetës në komunitet.
Aldi Sokolo Pollozhani
Aldi Pollozhani ka lindur në Tiranë, në vitin 1999 dhe studion në gjimnazin "Ismail Qemali". Lëndët në të cilat ka më shumë prirje janë matematika, fizika, kimia ndërkohë që sporti dhe konkretisht praktikimi i arteve marciale është një ndër pasionet e tij. Aldi synon të kryejë studimet e larta në një nga universitetet e vendeve të Bashkimit Europian, me orientim në financë.
Armir Dajlan Shehaj
Armir Shehaj ka lindur në Ballsh, Mallakastër, në vitin 2000 dhe studion në klasën e 12, në gjimnazin "Ismail Qemali". Shkencat natyrore e konkretisht matematika, fizika, kimia, biologjia janë prirjet e tij, ndërkohë që objektivi i tij për të ardhmen është mjekësia. Në kohën e lirë, Armiri i përkushtohet futbollit, muzikës dhe aktrimit, duke synuar gjithashtu të ketë një angazhim sa më të gjerë social në të ardhmen.
Eva Katriot Shkëmbi
Eva Shkëmbi ka lindur në Tiranë, në vitin 2000 dhe studion në klasën e 12, në gjimnazin "Ismail Qemali". Lëndët shoqërore janë prirjet e saj, ndërkohë që në të ardhmen interesi i saj orientohet drejt fushës së drejtësisë dhe politikës. Objektivat e saj për të ardhmen lidhen me një karrierë të sukseshme në fushën e jurisprudencës dhe atë të letërsisë. Eva ka qenë gjithmonë e përfshirë në aktivitete të shumta të organizuara nga shkolla dhe më gjerë, ndërkohë që pasionet e saj lidhen me leximin, krijmtarinë, udhëtimet, ndërkohë që vlen të përmendet edhe sensi i saj altruist për personat në nevojë.
Flavio Çajup Hysenllari
Flavio Hysenllari ka lindur në Tiranë, në vitin 1999 dhe studion në klasën e 12, në gjimnazin "Ismail Qemali". Lëndët ku ai shfaq prirjet e tij janë matematika e fizika. Në të ardhmen, ai synon të përfundojë shkollën me rezultate të shkëlqyera shkollën por ëndrra e tij është të vijojë studimet jashtë vendit, në një nga degët e inxhinierisë. Angazhimi me sport është një nga pasionet e tij.
Florida Gëzim Goçi
Florida Goçi ka lindur në Tiranë, në vitin 2000 dhe studion në klasën e 12, në gjimnazin "Ismail Qemali". Florida synon që në të ardhmen t’i dedikohet mjekësisë, ndërkohë që nga pasionet e saj, vlen të përmenden udhëtimi, fotografia, leximi dhe volejbolli.
Indira Fatmir Kurti
Indira Kurti ka lindur në Librazhd, në vitin 2000 dhe studion në klasën e 11, në gjimnazin "Ismail Qemali".Lëndët ku Indira shfaq prirjet e saj janë kimia, biologjia, letërsia, gjuhët e huaja, ndërkohë që në të ardhmen synon t’i përkushtohet mjekësisë.Një nga dëshirat e saj lidhet gjithashtu me politikën, pasi siç shprehet ajo, këtij vendi i nevojitet dora e një femre në politikë.
Kleanso Shkëlzen Dervishi
Nxënës i shkollës “Ismail Qemali” në klasën e XII. Interesohet për tu aftësuar në Financë/Menaxhim. Dëshiron të bëhet sipërmarrës i sukseshëm në një të ardhme.
Krisel Agim Alla
Krisel Alla ka lindur në Tiranë, në vitin 2000 dhe studion në klasën e 12, në gjimnazin "Ismail Qemali". Në të ardhmen, ai dëshiron të ndjekë studimet e larta në degën e inxhinierisë, ndërkohë që një ndër pasionet është noti, sport të cilit i dedikohet prej 5 vitesh. Po ashtu, udhëtimet janë një pasion, ndërkohë që i dedikohet edhe vullnetarizmit.
Manila Bashkim Muça
Manila Muça ka lindur në Kukës, në vitin 1999 dhe studion në klasën e 11, në gjimnazin "Ismail Qemali". Matematika dhe anglishtja janë lëndët ku ajo ka më shumë prirje, ndërkohë që në të ardhmen shpreson të vazhdojë studimet e larta në degën e ekonomisë. Piktura dhe sporti janë dy nga pasionet e saj, ndërkohë që i dedikohet po ashtu punëve vullnetare, në shërbim të komunitetit.
Marsia Ismet Shkreta
Marsia Shkreta ka lindur në Tiranë, në vitin 1999 dhe studion në klasën e 12, në gjimnazin "Ismail Qemali".Në të ardhmen, Marsia synon të vazhdojë studimet e larta për mjekësi. Piktura është një pasion i saj por gjithashtu vlen të theksohet edhe përfshirja e saj në punë vullnetare, në shërbim të komunitetit.
Megi Ilir Menga
Megi Menga ka lindur në Tiranë, në vitin 1999 dhe studion në klasën e 12, në gjimnazin "Ismail Qemali" dhe përfundimi i shkollës me rezultate shumë të mira është një objektiv që ajo i ka vendosur vetes.Në të ardhmen, interesat e saj janë përqendruar në fusha si, ekonomi, administrim biznesi, informatikë. Pasionet e saj përfshijnë udhëtimet, leximin, gjuhët e huaja dhe kulturat e vendeve të ndryshme.
Milena Rabi Memelli
Milena Memelli ka lindur në Pogradec, në vitin 2000 dhe studion në klasën e 12, në gjimnazin "Ismail Qemali" . Në të ardhmen, ajo synon t’i dedikohet mjekësisë. Milenën e karakterizon dëshira për t’u shprehur dhe folur me talent dhe letërsia me të gjithë dimensionin e saj mbetet pasioni i saj madh . Milena ka zgjedhur me dëshirë, vetëdije e vullnet të plotë që studimet e larta t’i kryejë në Shqipëri, si një shembull frymëzues për të rinjtë e tjerë.
Oresti Gëzim Çaça
Oresti Çaça ka lindur në Tiranë, në vitin 2000 dhe studion në klasën e 12, në gjimnazin "Ismail Qemali". Fushat ku ai shfaq prirjet e tij janë lëndë si biologjia, fizika e matematika por edhe arti e konkretisht letërsia.Në të ardhmen Oresti dëshiron t’i përkushtohet mjekësisë së cilën, ai e konsideron edhe si një pasion, megjithatë ai nuk përjashton mundësinë e vijimit të studimeve edhe në ekonomi (administrim biznesi), pa përjashtuar siç thotë ai, edhe ndonje degë te inxhinierisë.
Shpërndaje