Shpërndaje
Bashkia e Tiranës mban premtimin për rindërtimin shtëpive të dëmtuara rëndë nga
tërmeti i shtatorit. Kryebashkiaku i Tiranës, Erion Veliaj i dorëzoi çelësat e banesës së
re familjes Rrushi në Zall-Herr, derën e së cilës e hapi djali i vogël i shtëpisë.
“Jam shumë krenar për skuadrën që ka punuar këtu. E di, ata që po na shohin në
televizor po thonë: ‘Mirë Lymi dhe Vera u gëzuan, po ne kur do të gëzohemi?’. Kam
lajme edhe për ta: për 3000 vetë kemi kaluar pagesat cash, të cilat mund t’i përdorin për
ta rregulluar vetë shtëpinë; kurse për kategoritë DS4 dhe DS5, që përfshin shtëpitë e
dëmtuara rëndë, do kontraktojmë kompani që do t’i rindërtojnë. Kemi kaluar 200
shtëpitë e para”, u shpreh Veliaj.Ai tha se pa kaluar as 10 muaj nga tërmeti i shtatorit dhe pothuajse të gjitha familjet,
shtëpitë e të cilave u dëmtuan nga tërmeti i shtatorit, kanë marrë zgjidhje. Veliaj solli në
vëmendje rastin e përmbytjeve në Shkodër, ku familjet e prekura nuk mundën të
merrnin asnjë ndihmë nga qeveria e mëparshme. “Kaluan 10 vite nga përmbytjet në
Shkodër dhe banorët nuk i morën dot lekët nga qeveria e mëparshme. Ndërkohë, sot
jemi dita me natën. Për më pak se 10 muaj mbyllëm të gjitha shtëpitë e shtatorit. Na
dhëntë Zoti kohë të mirë, vullnet, zemër të madhe, që gjatë gjithë verës të punojmë non-
stop. Kur qytetarët të ikin me pushime, të rikuperojmë edhe një pjesë të madhe të
shtëpive të nëntorit dhe sa më shumë familje të futen në banesë para datës 26 nëntor.
Më pas do fillojmë me pallatet, që sigurisht do marrin pak më shumë kohë”, tha ai.
Sakaq, kryebashkiaku u bëri thirrje të gjithë qytetarëve që u ka dalë emri në listën me 3
mijë familje, që të paraqiten tek njësitë administrative apo në postë për të tërhequr
çekun me para. “Dua të ftoj qytetarët që u ka dalë emri në listë, të paraqiten tek njësitë
administrative ose në postë për të tërhequr çekun. Besoj se do vijojmë me këtë ritëm
nga 3000 e nga 3000, deri sa të kemi mbi 10 mijë familje që do marrin pagesën cash për
apartamentet dhe shtëpitë e dëmtuara në Tiranë. Janë mbi 800 shtëpi, ku çdo javë, nga
200 e 200, do lidhim kontratat me kompanitë për rindërtimin e tyre”, tha Veliaj.
Veliaj falenderoi të gjithë ata që u solidarizuan dhe adoptuan nga një shtëpi, teksa shteti
përgatitet për banesat e tjera që do të rindërtohen së shpejti. Për rindërtimin e banesës,
një ndihmë të çmuar dha kompania Kupa shpk, e cila iu përgjigj menjëherë thirrjes së
kryebashkaikut Veliaj për të ndihmuar familjet e prekura nga tërmeti.
Shpërndaje