29 Shtator - Muzika popullore dhe qytetare e Tiranës në ditën Kombëtare të Trashëgimisë

Në kuadër të Ditës Kombëtare të Trashëgimisë Kulturore, 29 Shtator 2020, si edhe në kuadër të 100 – vjetorit të Tiranës, kryeqytet i Shqipërisë, u zhvillua një aktivitet në përkujtim dhe nderim  të kontibutit që artistë e studiues kanë dhënë në muzikën qytetare dhe popullore të Tiranës ndër vite. Në aktivitet  morën pjesë artistë, trashëgimtarë apo përfaqësues të familjeve me kontribut të veçantë në muzikë të cilëve u dha një vlerësim simbolik për kontributin që kanë dhënë në zhvillimin e promovimin e trashëgimisë kulturore jo materiale.

Artistët që u vlerësuan janë:
Abdullah (Dull) Dërhemi, këngëtar
Familja Zyberi
Familja Lela
Fitnete Rexha, këngëtare; Skënder Reka krijues dhe këngëtar
Xhavit Xhepa, këngëtar
Edi Balili, kompozitor
Muharrem Gurra, krijues dhe interpretues
Kasem Hallulli, këngëtar
Hekuran Xhambali, klarinetist
Sabri Reka, këngëtar
Gjithashtu pjesë e aktivitetit ishin edhe studiues dhe drejtues të institucioneve që lidhen ngushtësisht me  trashëgiminë kulturore.