Nënkryetari i Bashkisë Tiranë, Sulaj inspekton ndërtimin e shkollës së re “Mersin Duqi” në Bërzhitë: “Gati për të mirëpritur mbi 180 nxënës të zonës vitin e ardhshëm”

  • Kreu
  • Organet e Qeverisjes Vendore
  • Të reja
  • Lajme
  • Nënkryetari i Bashkisë Tiranë, Sulaj inspekton ndërtimin e shkollës së re “Mersin Duqi” në Bërzhitë: “Gati për të mirëpritur mbi 180 nxënës të zonës vitin e ardhshëm”
Text size
Aa Aa
Nënkryetari i Bashkisë së Tiranës për territorin dhe zona rurale Blendi Sulaj ka inspektuar nga afër punimet për ndërtimin e shkollës “Mersin Duqi” ne Bërzhitë. Ai tha se shkolla e re do të jetë gati sa më shpejt për të mirëpritur nxënësit e zonës, si dhe theksoi që do shërbejë edhe si hapësirë rekreative për komunitetin pas orarit zyrtar të shkollës.

“Po bëhet një punë shumë e mirë. Bashkia e Tiranës do të jetë shumë e vëmendshme ndaj të gjitha investimeve që do të bëhen në zonat rurale sepse do t’i shërbejnë komunitetit, por mbi të gjitha kjo shkollë do t’i shërbejë mbi 180 nxënësve dhe shkolla të shihet të paktën edhe pas orarit shkollor të jetë një pjesë që e gjithë zona ta shfrytëzojë për ambientet rekreative që do të krijohen dhe që është bërë e mundur. Ju shkoftë mbarë dhe mbaroni sa më shpejt”, u shpreh Sulaj.

Ndërtimi i kësaj shkolle është një investim i rëndësishëm për komunitetin, që do t’i shërbejë mbi 180 nxënësve të zonës. Nënkryetari Sulaj inspektoi edhe shkollën “Selman Meta”, për të cilën tha se Bashkia Tiranë do të jetë në gatishmëri për çdo nevojë që do të kenë shkollat e këtyre zonave . Gjatë këtyre viteve, Bashkia e Tiranës ka investuar në ndërtimin dhe rikonstruksionin e dhjetëra shkollave të reja, duke sjellë kushte më të mira mësimi për mijëra nxënës në kryeqytet dhe zonat rurale.