Njoftim mbi projektin "Të rinj dhe të reja drejt një profesioni"

Procesverbal për Vlerësimin e Aplikantëve (të rinjtë)

Në datë 10 Maj 2024, ora 10:00, sipas Udhëzuesit Operacional me VKB nr.9 datë 31.01.2024 të Projektit “Të rinj dhe të reja drejt një profesioni” pranë zyrës së Drejtorisë së Nxitjes së Punësimit (Torre Drini Kati  I i-të) u mblodh Komisioni i Vlerësimit, i përbërë nga tre anëtarë sipas Urdhrit të Kryetarit nr.787, datë 11.03.2024, për shqyrtimin e aplikimeve që janë dorëzuar për përfshirje në këtë projekt dhe në vijim të zbatimit të vendimit të Këshillit Bashkiak, nr.9, datë 31.01.2024 për Projektin “Të rinj dhe te reja drejt një profesioni” si dhe miratimin e vendimit të Komisionit të Ndihmës Shtetërore nr. 112, datë 17.11.2023, Autorizim i ndihmës shtetërore “Të rinj dhe të reja drejt një profesioni” si dhe buxhetit të miratuar të Bashkisë së Tiranës 2024-2026  në vlerën 11.763.360 lekë, përfitues direkt të skemës, të rinj/të reja deri në 29 vjeç, që janë banorë rezidentë në Bashkinë Tiranë, që kanë më pak se 12 muaj që kanë përfunduar studimet universitare brenda apo jashtë vendit, që rezultojnë të papunë dhe që kanë përfunduar studimet universitare me rezultate të larta. Vlera e ndihmës është për 42 përfitues në total, në nivelin e pagës minimale bruto, duke përfshirë sigurimet shoqërore dhe shëndetësore, sipas kuadrit ligjor të përcaktuar deri në përfundimin e projektit.

Në zbatim të Udhëzuesit Operacional pika 3.1, Komisioni për Vlerësim, vlerësoi:

1. Verifikimin administrativ të 21(njëzet e një) aplikime të paraqitur nga të rinj/të reja dhe 1 (një) subjekt pjesmarrës.

2. U shqyrtua, u vlerësua dhe u vendosën pikët për secilin aplikim.
3. U renditën aplikantët në bazë të mesatares së përgjithshme të pikëve të vendosura nga secili anëtarë.
4. U shqyrtua subjekti aplikues.
I gjithë procesi u zhvillua në mënyrë të pavarur, bazuar në kriteret e përcaktuara sipas Udhëzuesit Operacional të projektit “Të rinj dhe të reja drejt një profesioni”.
Komisioni pasi analizoi të gjitha aplikimet e dorëzuara si nga studentët dhe nga subjekti aplikues arriti në përfundimin se:

1. 8 (tetë) aplikantët e mëposhtme rezultuan me dokumentacion të rregullt.

2. 13 (trembëdhjetë) aplikantë e mëposhtëm rezultuan me dokumentacion jo të rregullt.

3. 1 (një) subjekt aplikues me dokumentacion të rregullt i cili rezulton  OJF.
Sipas Udhëzuesit Operacional me VKB nr.9 datë 31.01.2024, të Projektit “Të rinj dhe të reja drejt një profesioni” pika 4.2 Subjektet që do të përzgjidhen në projekt do të jenë, subjekte tregtare që ushtrojnë aktivitetin ekonomik në territorin e Bashkisë Tiranë. 
Rrjedhimisht, bazuar në Ligjin nr. 9901, datë 14.04.2008 “Për tregtarët dhe shoqëritë tregtare”, i ndryshuar, ka për objekt të tij statusin tregtar, themelimin dhe administrimin e shoqërisë tregtare, të drejtat dhe detyrimet themelore të ortakëve dhe aksionerëve, riorganizimin dhe likujdimin e shoqërisë tregtare. Shoqëritë tregtare janë shoqëritë kolektive, shoqëritë komandite, shoqëritë me përgjegjësi të kufizuar dhe shoqëritë aksionere.
Ndodhur në këto kushte OJF-të nuk bëjnë pjesë në Subjekte tregëtare dhe Komisioni i Vlerësimit doli në përfundimin se:
Në mungesë të aplikimeve nga ana e subjekteve që sjell mungesë të konkurrencës për këtë projekt, komisioni del në përfundimin që nuk është e mundur që projekti të zbatohet siç ishte synuar në strategjinë e tij.
Falenderojmë të gjithë aplikantët pjesëmarrës.

Gjithashtu, theksojmë që të gjithë aplikantët do të kontaktohen nga Drejtoria e Nxitjes së Punësimit për ndërmjetësim për punësim në sektorin privat edhe aplikantët fitues do të mbahen në vëmendje për projekte të tjera në vazhdim të zbatuar nga Drejtoria e Nxitjes së Punësimit, Bashkia Tiranë.