Njoftim për Konsultim Publik - Plani social vendor 2025-2027 - Bashkia Tiranë

Të dashur qytetarë dhe bashkëpunëtorë,
 
Bashkia Tiranës, Drejtoria e Përgjithshme e Shërbimeve Sociale, ka përgatitur Planin Social Vendor 2025-2027, një dokument strategjik i rëndësishëm, që synon të adresojë dhe përmirësojë çështjet sociale në komunitetin tonë. Ky plan përmban një analizë të situatës aktuale, identifikimin e nevojave kryesore dhe një set masash konkrete për të mbështetur grupet më të cënueshme të shoqërisë.

Për të siguruar që ky plan reflekton nevojat dhe shqetësimet tuaja, po bëjmë ndarjen e tij  për konsultim publik. Kjo është një mundësi e shkëlqyer për ju që të ndani mendimet, sugjerimet dhe propozimet tuaja, duke kontribuar drejtpërdrejt në krijimin e një plani që shërben për interesat e të gjithë qytetarëve.
Ne ju inkurajojmë të merrni pjesë aktivisht në këtë proces dhe të bëheni pjesë e zgjidhjeve për një komunitet më të fortë dhe solidar.
 

Ky dokument është hartuar nga Bashkia e Tiranës, Drejtoria e Përgjithshme e Shërbimeve Sociale me asistencën teknike të UNDP-së, si pjesë e Programit të Përbashkët të Kombeve të Bashkuara “Askush të mos mbetet pas” (LNB), që zbatohet në partneritet me Qeverinë Shqiptare dhe mbështetet nga Agjencia Zvicerane për Zhvillim dhe Bashkëpunim (SDC).