Njoftim për konsultim publik- Propozim për shpalljen "Park Natyror Bashkiak" (PNB), Të zonës "Kollagjesh- Mali i Fagut"

Data  e publikimit të njoftimit për konsultim me publikun: 16/02/2024
Nr. Protokolli: 7641
Titulli i projekt-aktit që hapet për konsultim me publikun:  Propozim për shpalljen "Park Natyror Bashkiak" (PNB), Të zonës"Kollagjesh-Mali i Fagut".
Baza ligjore: Ligji 146/2014 “Për njoftim dhe Konsultimin Publik”; Ligji 139/2015 “Për vetëqeverisjen vendore”; Urdhër Nr.33338, datë 22.09.2022 Për miratimin e procedurës standarde të veprimit “Procedura për njoftim dhe konsultim publik në Bashkinë Tiranë”; Urdhër Nr.24752, datë 05.07.2022 “Për caktimin e koordinatorit për njoftimin dhe konsultimin publik”. 
Nënshkruar nga koordinatori i konsultimit publik: Dorian Rexhepi
Projekt-Akti:  PËR MIRATIMIN E PROPOZIMIT PËR SHPALLJEN “PARK NATYROR BASHKIAK” (PNB), TË ZONËS “KOLLOGJESH-MALI I FAGUT”
Relacioni shoqërues: Drejtoria e Përgjithshme e Integrimit, Planifikimit Strategjik dhe Zhvillimit Ekonomik në cilësinë e strukturës përgjegjëse që planifikon dhe menaxhon çështje që lidhen me promovimin e vlerave të territorit me qëllim nxitjen e investitorëve, vendas apo të huaj, paraqet relacionin si më poshtë:

Referuar parashikimeve të vendimit nr. 636/2019, të Këshillit të Ministrave “Për Miratimin e Kritereve dhe të Procedurave të Shpalljes dhe Administrimit të Parqeve Natyrore Bashkiake”, parashikohet shprehimisht se parku natyror bashkiak, krijohet në nivel bashkie duke respektuar proceduren e parashikuar në këtë vendim.
Nisur nga sa më sipër, theksojmë se sipërfaqja objekt i ketij projektvendimi perfshihet në VKM-në nr. 433, datë 08.06.2016 “Për transferimin në pronësi të bashkive, të pyjeve dhe të kullotave publike, sipas listave të inventarit, dhe aktualisht në administrim të Ministrisë së Mjedisit e të ish- komunave/ bashkive”, i ndryshuar, me një sipërfaqe prej 2015.62 ha, dhe ndodhet brenda territorit të Bashkisë Tiranë, dhe është në pronësi të saj dhe aktualisht në peoces regjistrimi pranë Agjencisë Shtetërore të Kadastrës.

Në kuadrin e masave të propozuara në dokumentin e politikave strategjike për mbrojtjen e biodiversitetit dhe habitateve në Shqipëri për zgjerimin e sistemit të zonave të mbrojtura, propozon që një pjesë të ekonomisë pyjore Fag, territori i zones “Kollagjesh-Mali i Fagut” në pronësi të Bashkisë Tiranë, të miratohet propozimi për shpalljen Park Natyror Bashkiak, pasi plotëson kriteret VKM-së 636/2019, “Për Miratimin e Kritereve dhe të Procedurave të Shpalljes dhe Administrimit të Parqeve Natyrore Bashkiake”.  
Në zbatim të detyrimeve që rrjedhin nga vendimi sipërcituar është mbajtur korrespondencë me Agjencinë Kombëtare të Zonave të Mbrojtura, e cila pasi ka shqyrtuar kërkesën e drejtorisë sonë, relacionin dhe dokumentat bashkëlidhur, me anë të shkresës nr. 2435/1, datë 14.09.2023, ka bërë me dije se sipërfaqja e parcelave të propozuara për tu shpallur park natyror bashkiak plotëson kriteret për tu shpallur  (PNB), referuar kritereve të përcaktuara shprehimisht në VKM-në 636/2019, pasi është zonë tërësisht natyrore, e rigjeneruar, që shërben për plotësimin e nevojave të komunitetit për veprimtari ekonomike, sociale dhe tradicionale. Kjo zonë është e pasur me vlera nga pikëpamja floristike dhe faunistike dhe nuk ka habitate me lloje të rrezikuara, të kërcënuara, si specie të rralla dhe endemike të cilat mbrohennë nivel kombëtar e rajonal me një akt të veçantë normativ. Kjo zonë dallohet për larmi të llojeve bimore deri te bimët shumëvjeçare dhe pyje të lartë ku zotëron Ahu dhe Dushqet. Gjithashtu, zona është e pasur edhe me bimë mjekësore, përkatësisht kërpudha të llojeve të ndryshme si dhe me llojshmëri të faunës së egër, duke i dhënë vlera të mëdha të bodiversitetit.
Gjithashtu, Drejtoria e Përgjithshme e Integrimit, Planifikimit Strategjik dhe Zhvillimit Ekonomik, (Drejtoria e Zhvillimit Ekonomik Rural), duke mbajtur në konsideratë vendimin e lartpërmendur si edhe në kuadrin e masave të propozuara në dokumentin e politikave strategjike për mbrojtjen e biodiversitetit dhe habitateve në Shqipëri për zgjerimin e sistemit të zonave të mbrojtura, kreu studimin e zonës së propozuar në terren dhe konkudoi gjithashtu se sipërfaqja e propozuar i plotëson të gjitha kriteret për tu shpallur “Park natyror Bashkiak”, përkatësisht si më poshtë vijon:
- Janë kryesisht zona natyrore, të ripyllëzuara, që shërbejnë për plotësimin e nevojave të komunitetit për veprimtari ekonomike, sociale dhe tradicionale.
- Janë të populluara me lloje të florës dhe faunës, kryesisht të karakterit lokal.
- Nuk janë habitate të llojeve të rrezikuara, të kërcënuara, të rralla dhe endemike, të cilat mbrohen në nivel kombëtar e rajonal me një akt të veçantë normativ.
- Sipërfaqet e propozuara nuk janë përfshirë në rrjetin ekzistues Kombëtar të Zonave të Mbrojtura apo që janë parashikuar për t’u përfshirë, në zbatim të dokumentave strategjikë të ruajtjes së biodiversitetit apo edhe programeve kombëtare. 

Ky propozim përcakton gjithashtu:

-Qëllimin që synohet të shpallet “Park Natyror Bashkiak”,
-Objektivat e menaxhimit të tij.
-Vendndodhjen, 
-Kufijtë orientues 

Qëllimi.
Qëllimi i marrjes së kësaj nisme, është të japë orientimet strategjike të nevojshme përmes një vlerësimi të burimeve natyrore dhe potencialeve të tyre për zhvillimin ekonomiko-social të zonës, për plotësimin e programeve dhe aktiviteteve që marrin parasysh përdorimin e qëndrueshëm të burimeve natyrore ekzistuese, të pyjeve, kullotave, florës dhe faunës, veprimtarive turistike, bimëve mjekësore dhe vlera të tjera natyrore dhe të japë rekomandimet për zhvillimin, përdorimin dhe shfrytëzimin e resurseve të kësaj zone.

Objektivat kryesore të menaxhimit të PNB  “Kollogjesh-Mali i Fagut”, do të jenë:
-Evidentimi i vlerave natyrore, kulturore, historike, shoqërore, rekreative, turistike të zonës.
-Promovimi i këtyre vlerave në nivel lokal, kombëtar dhe ndërkombëtar.
-Ndërthurja e këtyre vlerave dhe ofrimi i një pakete të integruar turistike.
-Zhvillimi i qëndrueshëm i zonës si elementi jetësor bazë që garanton evidentimin, ruajtjen dhe zhvillimin e të gjitha  vlerave aktuale që ka zona.
Afati për dërgimin e rekomandimeve dhe forma e pranimit të rekomandimeve:
Pranohen rekomandime deri në datën 15.03.2024.
Rekomandimet lutemi të dërgohen përmes e-mailt në adresat: 
[email protected] 
kë[email protected] 
Struktura përgjegjëse për mbledhjen e komenteve/rekomandimeve për projektaktin: Koordinatori për njoftimin dhe konsultimin publik, Sektori i Konsultimit Publik dhe Opinioneve Qytetare
Informacion mbi procedurat që do të ndjekë Bashkia nga marrja e rekomandimeve deri në miratimin përfundimtar të aktit:  Rekomandimet e ardhura në adresën e Koordinatorit për Njoftimin dhe Konsultimin Publik do të mblidhen dhe do të dërgohen për shqyrtim pranë Sekretarit të Këshillit Bsahkiak, për të ndjekur më tej procesin me drejtorinë përgjegjëse për hartimin e aktit. 
Në rastin e mospranimit të rekomandimeve do të paraqitet përgjigje me arsyet e refuzimit, ndërsa për rekomandimet dhe komentet që do të pranohen pjesërisht apo plotësisht, do të hartohet një përmbledhje e cila do t’i bashkëlidhet aktit të miratuar.