Njoftim për publikim për marrje ambjenti me qira

Kriteret, specifikimet e ambjentit dhe dokumentacioni  që  kërkohet nga ofertuesi  qiradhënës.

1. Bashkia Tiranë kërkon të marrë me qira ambjent  të përshtatshëm për zyra për 77 punonjësit e Bashkisë Tiranë  me këto kritere dhe specifikime si më poshtë  vijon:
•    Të jetë në territorin e Bashkisë  Tiranë.
•    Duhet të  ketë  çertifikatë pronësie.
•    Të  jetë  i përshtatshëm për zhvillimin e aktivitetit për të  cilin kërkohet.
•    Sipërfaqja e ambjentit të  jetë  rreth 800 m2.

2. Oferta e qiradhënësit  duhet të  jetë e shoqëruar me:
•    Kërkesa e subjektit/individit për pjesëmarrje në konkurrim;
•    Deklarata e hollësishme për vënien në   funksionim të  objektit ku  të  përfshihet  përshkrimi i detajuar i ambjentit dhe pajisjeve (nëse ka);
•    Gent-plani  i pasurisë.
•    Fotokopje e noterizuar e çertifikatës së pronësisë dhe  kartelës së pasurisë/ Çertifikata dhe kartelës së pasurisë  të  nxjerrë  nga sistemi e-albania (e vlefshme me originalin)/ Fotokopje e noterizuar e cdo dokumentacioni që  provon posedimin e pronës.
•    Fotokopje e kartës së  identitetit të  ofertuesit  qiradhënës/ Ekstrakt i QKR-së (nëse është  subjekt tregtar).
•    Oferta e qiradhënsit duhet të  specifikojë  çmimin mujor  të   qirasë (lekë/m2/muaj).
•    Të  interesuarit (ofertuesit qiradhënës) duhet të  dorëzojnë  të  gjithë  dokumentacionin  brenda datës  03.08.2024, në Drejtorinë  e Arkivit Qëndror dhe Protokollit të  Bashkisë  Tiranë.
•    Kontrata e qiramarrjes quhet e lidhur dhe hyn në fuqi ditën e nënshkrimit të saj nga  Bashkia Tiranë (Qiramarrësi) dhe Ofertuesi (qiradhënës) i shpallur fitues.

3. Oferta fituese do të jetë:
•    Oferta e cila, në bazë  të  kritereve dhe kërkesave të  përcaktuara në  "Njoftimin për  Publikim" ose "Website-in Zyrtar" plotëson  kërkesat e Autoritetit Kontraktor për objektin e kontratës së qiramarrjes me çmimin më  të ulët, ose
•    Oferta ekonomikisht me e favorshme, bazuar në  kriteret dhe kërkesat e përcaktuara në "Njoftimin për Publikim" ose "Website-in Zyrtar" nga Autoriteti Kontraktor për objektin e kontratës së qiramarrjes, të  shpallur pranë  stendave të  institucionit të  Bashkisë Tiranë.