Njoftim për zhvillimin e procedurës për marrje ambienti me qira për akomodimin dhe sistemimin e punonjësve të Qendrës Komunitare të Terrenit me qëllim përmbushjen e detyrave dhe funksioneve administrative.

Në zbatim të ligjit Nr. 139/2015, datë 17.12.2015 “Për Vetëqeverisjen Vendore”, nenit 7, të ligjit Nr. 162, datë 23.12.2020 “Për prokurimin publik”, (i ndryshuar),ligjit Nr. 68, date 27.04.2017 “Përfinancat e Vetëqeverisjes Vendore”, Vendimit të Këshillit të Ministrave Nr. 510, datë 10.6.2015 “Për miratimin e procedurave për transferimin e të drejtave dhe detyrimeve, personelit, aktiveve të trupëzuara dhe të patrupëzuara, të arkivave dhe çdo dokumentacioni tjetër zyrtar në njësitë e qeverisjes vendore, të prekura nga riorganizimi administrativo-territorial”, Vendimit nr.166 datë 24.12.2021 të Këshillit Bashkiak të Tiranës për “Miratimin e Programit Buxhetor Afatmesëm 2022-2024, i ndryshuar me VKB Nr.18, datë 06.04.2022,Vendimit të Këshillit Bashkiak Nr.66, datë 12.06.2020“Për krijimin, organizimin dhe funksionimin e Qendrës Komunitare të Terrenit”, si institucion në varësi të Bashkisë Tiranë, shkreses Drejtorise Juridike, së Drejtorisë së Përgjithshme Juridike e Aseteve dhe Liçensimit me nr.21496/1. prot. datë 22.06.2022 me lëndë: Kthim Pergjigje“Mbi procedurën e marrjes me qira të ambienteve për nevoja të  Qendra Komunitare  e Terrenit.”,memo-s së  Qendres Komunitare te Terrenit me Nr.54 prot.  datë 15.07.2022, me objekt: “Kërkesë për miratim”, Bashkia Tiranë shpall  njoftimin për zhvillimin e procedurës për marrje ambienti me qira për akomodimin dhe sistemimin e punonjësve të Qendrës Komunitare të Terrenit me qëllim përmbushjen e detyrave dhe funksioneve administrative.

Kriteret, specifikimet e ambientit dhe dokumentacioni që kërkohet nga ofertuesi qiradhënës.

Qendra Komunitare e Terrenit kërkon të marrë me qira ambjent të përshtashëm për akomodimin dhe sistemimin e punonjësve me këto kritere dhe specifikime si më poshtë vijon:
a)    Prona /Ambienti duhet të ketë çertifikatë pronësie.
b)    Duhet të ndodhet në territorin e zonës së Qendrës së Tiranës në mënyrë që punonjësit të kenë aksesin e lehtë me ambientin e institucionit të Bashkisë Tiranë.
c)    Të ketë kushte të plota për të qenë e aksesueshme për qytetarët.
d)    Të ketë tualet, ndricim të përshtatshëm, ujë dhe internet.
e)    Aspirim artificial ose natyral;
f)    Kondicionim;
j)   Sipërfaqja e ambientit të jetë  nga 100 m2 -150m2

    
1.   Oferta e qiradhënësit duhet të jetë e shoqëruar me:

•    Kërkesa e subjektit/individit për pjesëmarrje në konkurrim;
•    Deklarata e hollësishme për vënien në funksionim të objektit;
•    Gent-plani i pasurisë;
•    Fotokopje e noterizuar e çertifikatës së pronësisë dhe kartelës së pasurisë;
•    Përshkrim i gjendjes së ambientit.
•    Përshkrim i gjendjes së paisjeve të tij, nëse ka brenda ambjentit objekt i qiradhënies.
•    Fotokopje e kartës së identitetitt të ofertuesit qiradhënës.
•    Ekstrakti  QKR-së (nëqoftëse është subjekt tregtar).
•    Të mos ketë detyrime të prapambetura (të energjis elektrike,ujë)
•    Oferta e qiradhënësit duhet të specifikojë çmimin mujor të qirasë.
•    Kontrata e qiramarrjes quhet e lidhur dhe hyn në fuqi ditën e nën shkrimit të saj nga Qendra Komunitare e Terrenit Tiranë (Qiramarrësi) dhe Ofertuesi (qiradhënës) i shpallur fitues.
•    Kohezgjatja e qerase do tejete nje vit ng amomenti i lidhjes se qerase.
•    Të interesuarit (ofertuesitqiradhënës) duhet të dorëzojnë të gjithë dokumentacionin Brenda dates 29.07.2022 në Drejtorinë e Arkivit Qëndror dhe Protokollit të BashkisëTiranë.


Dokumentacioni i kërkuar mësipër duhet të jetë i futur në një zarf jo transparent, të mbyllur, të vulosur dhe të firmosur me emrin dhe adresën tuaj. Mbi zarf duhet të jetë shënuar ofertë për marrje me qira, ambjent zyrash për Qendrën Komunitare te Terrenit, Bashkia Tirane.



2.   Oferta fituese  do të jetë:

•    Oferta e cila ,në bazë të kritereve dhe kërkesave të përcaktuara në “Njoftimin për Publikim ”ose “Website-in Zyrtar” plotëson kërkesat e Autoritetit Kontraktor për objektin e kontratës së qiramarrjes  me cmimin më të ulët.
•    Oferta ekonomikisht më e favorshme, bazuar në kriteret dhe kërkesat e përcaktuara në “Njoftimin për Publikim” ose "Website-in Zyrtar” nga Autoriteti Kontraktor për objektin e kontratës së qiramarrjes, të shpallur pranës te stendave të institucionit të BashkisëTiranë.