Njoftim-Shtyhet afati për pranimin e praktikave për “Linjën e Gjelbërt”

Mbështetur në Vendimin e Këshillit Bashkiak Nr.39, datë 23.05.2016, për “Përcaktimin e linjave të transportit qytetës dhe rrethqytetës të udhëtarëve në Bashkinë e Tiranës, mënyrën e organizimit të shërbimit dhe përcaktimin e stacioneve të qëndrimit të autobusëve të shërbimit në këto linja”,( i ndryshuar), në Urdhëresën e Kryetarit të Bashkisë së Tiranës nr.27514, datë 13.09.2016 për “Procedurat dhe kriteret e përzgjedhjes së operatorëve për linjat e transportit qytetas të udhëtarëve, si dhe rinovimin e licencave për këto linja” (i ndryshuar), në Urdhërin e Kryetarit të Bashkisë së Tiranës nr.27951, datë 16.09.2016, për “Caktimin e sistemit të pikëzimit për përzgjedhjen për operim në linjë të rregullt udhëtarësh qytetëse” (i ndryshuar), në Urdhërin e Kryetarit të Bashkisë së Tiranës nr.27309, datë 13.09.2016, për “Kushtet e përgjithshme të ofrimit të shërbimit publik të transportit qytetas të udhëtarëve në zbatim të  Vendimit të Këshillit Bashkiak Nr.39, datë 23.05.2016 “Për përcaktimin e linjave të transportit qytetës dhe rrethqytetës të udhëtarëve në Bashkinë e Tiranës, mënyrën e organizimit të shërbimit dhe përcaktimin e stacioneve të qëndrimit të autobusëve të shërbimit në këto linja”( i ndryshuar) dhe në Urdhërin e Kryetarit të Bashkisë së Tiranës Nr. 7173/1 datë 14.02.2020, për “Kushtet e posaçme të shërbimit në Linjën Nr. 16 “Linja e Gjelbërt”, njoftohen të gjithë subjektet e interesuar, se Bashkia e Tiranës, ka filluar proçedurat për pranimin e praktikave, për të gjithë të interesuarit, të cilët kërkojnë të konkurojnë për të fituar të drejtën e ushtrimit të aktivitetit të transportit të udhëtarëve në linjën: "Linja e gjelbërt".
Standardet teknike dhe standardet minimale të detyrueshme të linjës do t’i gjeni në faqet 6,7 të njoftimit.
Proçesi i konkurimit do të kryhet sikurse është përcaktuar në Urdhëresën e Kryetarit të Bashkisë së Tiranës nr. 27514, datë 13.09.2016 (i ndryshuar) të cituar më lart, nëpërmjet sistemit të pikëve që do të grumbullohen, mbështetur në dokumentacionin e paraqitur.
PERIUDHA E PRANIMIT TË DOKUMENTACIONIT PRANË BASHKISË TIRANË DO TË JETË: 19.02.2020   deri më    02.05.2020  
ORARET E PRANIMIT TË DOKUMENTACIONIT PRANË BASHKISË TIRANË, JANË: 08:00 – 16:00 (Gjatë ditëve të punës)

DOKUMENTACIONI, PROJEKT IDETË DHE SKICAT PËRKATËSE SHTESË, DUHET TË PARAQITEN TË PLOTA SIPAS FORMATIT TË KËRKUAR TË MBYLLUR NË ZARF JO TRANSPARENT, TË VULOSUR DHE FIRMOSUR ME EMRIN DHE ADRESËN E SHOQËRISË. MUNGESA E NJËRES PREJ TYRE PËRBEN KUSHT PËR MOS PËRZGJEDHJEN NË FAZËN E DYTË.`

TË GJITHA APLIKIMET E KRYERA PAS DATËS SË PËRCAKTUAR NË NJOFTIM, NUK MERREN NË SHQYRTIM.
PËR KËTË APLIKIM SUBJEKTET DUHET TË PLOTËSOJNË KUSHTIN E PERSONIT JURIDIK DHE TË KENË SELINË NË QYTETIN E TIRANËS.

Shkarko: Njoftim- "Linja e Gjelbërt"