PLANI LOKAL I VEPRIMIT PËR RININË

Tirana është jo vetëm kryeqyteti i Shqipërisë, por një ndër qendrat më të rëndësishme të jetës ekonomike, sociale dhe politike. Ky qytet ka edhe numrin më të lartë të studentëve, që vijnë nga vende dhe qytete të tjera për të kryer studimet universitare. Parë nga ky këndvështrim, Plani Lokal i Veprimit për Rininë 2018-2020 synon përparimin e të gjithë të rinjve dhe të rejave që jetojnë në Tiranë, në mëyrë që të përfshihen në jetën sociale, politike, ekonomike dhe vendimmarrëse. Ky plan synon t’i vendosë të rinjtë dhe të rejat në qendër të vëmendjes së punës dhe përpjekjeve të Bashkisë Tiranë përgjatë 3 viteve të ardhshme, duke i konsideruar ata një komponent të rëndësishëm në përparimin qytetar.