Shpërndaje
Me vendimin nr. 20, datë 06.04.2022 të Këshillit Bashkiak Tiranë, është miratuar Plani Vendor i Veprimit për Migracionin dhe Diasporën 2022-2026, për Bashkinë Tiranë.
Vizioni i këtij Plani është garantimi i një mjedisi të sigurt për ri-integrimin e qendrueshëm ekonomik dhe social të migrantëve duke respektuar, mbrojtur dhe përmbushur të drejtat e tyre njerëzore dhe në të njëjtën kohë të krijojë kushte të favorshme që i mundëson diasporës përmes kapaciteteve të tyre njerëzore, ekonomike dhe sociale të pasurojë shoqërinë tonë, për të kontribuar në zhvillimin e qendrueshëm në nivel lokal.
Qëllimi i tij është është hartimi i një platforme me objektiva strategjike dhe masa të zbërthyera në projekte konkrete që do të hedhin bazat e sistemeve informuese dhe bashkërenduese, mbi migracionin dhe diasporën duke garantuar, riintegrim të qendrueshëm dhe bashkëpunim frytdhënës me diasporën.
Ky dokument mbështetet në disa analiza të thella paraprake të kuadrit ligjor, në harmonizimin e objektivave me kuadrin strategjik qendror dhe vendor, në hartëzimin e aktorëve të interesit kombëtarë dhe ndërkombëtarë në fushën e migracionit dhe diasporës. Analizat dhe vlerësimet e kryera kanë evidentuar disa sfida të tipologjive si: strukturore e funksionale, ndërinstitucionale, strategjike e studimore, si dhe informuese e ndërgjegjësuese.
Sfidat e evidentuara kërkojnë zgjidhje dhe për rrjedhojë në këtë plan është parashikur realizimi i pesë objektivave strategjikë si më poshtë.
1. Fuqizimi dhe funksionimi i strukturave vendore për migracionin dhe diasporën;
2. Përmbushja e funksioneve për migracionin dhe diasporën sipas kuadrit ligjor;
3. Ngritja e Sistemit të të Dhënave, Vlerësimit të Nevojave dhe Referimit të të Rikthyerve nga Grupet Vulnerabël;
4. Ri-Integrimi i qendrueshëm social dhe ekonomik i migranteve;
5. Fuqizimi i rolit të diasporës shqiptare dhe forcimi i bashkëpunimit në zhvillimin social dhe ekonomik lokal.
Planin e sipërcituar mund ta shkarkoni duke klikuar në opsionin e download:
Shpërndaje