Shpërndaje
Kejsi Rakip Harizi
Kejsi Harizi ka lindur në Tiranë, në vitin 2001 dhe studion në klasën e 11-të, në gjimnazin “Sandër Prosi”. Ajo shfaq prirjet e saj në lëndë si fizikë, kimi, biologji apo matematikë, prirje të cilat kërkon po ashtu t’i konkretizojë në të ardhmen, përmes studimeve që do të vijojë.Pasionet e saj janë fotografia, dizajni,teatri, aktiviteti sportiv, ndërkohë që muzika është pasioni i saj më i madh. Në të ardhmen ajo shpreson të jetë një qytetare e denjë për vendin e saj si dhe të japë kontributin e saj , duke sensibilizuar në çështje të ndryshme sociale e mjedisore.
Rudina Hysen Haxhiu
Rudina Haxhiu ka lindur në Tiranë, në vitin 1999 dhe studion në klasën e 12-të, në gjimnazin “Sandër Prosi”. Lëndët ku Rudina ka më shumë prirje janë biologjia dhe kimia, ndërkohë që dëshiron që zgjedhjet e saj të orientohen drejt degëve të mjekësisë si, imazheria dhe fizioterapia. Po ashtu, Rudinës i pëlqen të shkruaj në lidhje me tema të ndryshme si dhe të merret aktivitet sportiv.Gjithashtu, ajo është pjesë e klubeve të shkollës që përfshihen në projektin ”Shkolla, qendër komunitare” si dhe pjesëmarrëse e rregullt në aktivitete kryesisht sociale që organizohen brenda dhe jashtë shkollës.
Sindi Misret Sahiti
Sindi Sahiti ka lindur në Tiranë, në vitin 1999 dhe studion në klasën e 12-të, në gjimnazin “Sandër Prosi”.Sindi priret drejt fushave kryesisht sociale, si letersi- sociologji dhe në të ardhmen synon t’i përkushtohet gazetarisë. Ajo merr pjesë në klubin letrar të shkollës dhe skenariste e një dokumentari, në kuadër të projektit “Të luftojmë bullizmin në shkollat tona“. Kënga, sfilimi, krijmtaria janë disa nga pasionet e saj.
Shpërndaje