Shërbime ditore Bashkiake

Qendra Komunitare të Bashkisë 

Aktiviteti  i qendrave komunitare bashkiake ka mundësuar shërbime për qytetarët në nevojë, por kryesisht ato të nevojës bazë, si: Mbështetje psiko-sociale, shërbime për nxitjen e punësimit, shërbime të parandalimit të riskut, terapi për fëmijët me probleme zhvillimi, këshillim dhe konsultim të prindërve dhe fëmijëve me problem zhvillimi, shërbime ditore për të moshuarit, shërbime të strehimit për persona të pastrehë, (Qëndra Streha), kujdes shëndetësor, vizita në familje si edhe aktivitete social- kulturore, etj.

Shërbimet e ofruara janë si më poshtë:
•    Identifikim, vlerësim, informim dhe këshillim psiko-mediko-social për fëmijët, të rinjtë, individët dhe familjet në nevojë;
•    Shërbime sociale bazë përmes ndërmjetësve të komunitetit duke përfshirë lehtësimin e regjistrimit të statusit civil, qasjen në shërbimet shëndetësore bazë, regjistrimin dhe ndjekjen e mbështetjes në arsimin parashkollor dhe fillor, lehtësimin e trajnimit profesional dhe stërvitje punësimi, përfshirjen e fëmijëve në klasa arti, sporti dhe muzike, në gamën e lojërave në natyrë dhe ngjarjet relevante kulturore; 
•    Shërbime këshilluese, ndërmjetësuese lidhur me strehim social, punësimin dhe aspektet ligjore;
•    Parandalim i braktisjes, institucionalizimit dhe trafikimit të fëmijëve;
•    Parandalimi i formave të rënda të punës së fëmijëve;
•    Integrimi i individëve  me probleme sociale dhe të zhvillimit;
•    Ofrimi i programeve të fuqizimit të familjes dhe i individit;
•    Ofrimi i Ndërhyrjes së  hershme për fëmijët me Aftësi të Kufizuar të moshës 0-6 vjeç; 
•    Ofrimi i shërbimeve për krijimin e jetesës së pavarur për individët me Aftësi të Kufizuar të moshës 16- 30 vjeç;
•    Trajnime, workshope, takime me individë, prindër dhe anëtarë të komunitetit për rritjen e kapacitetit të tyre në fushat e mirëqënies sociale;
•    Vizita në familje;
•    Advokaci dhe lobim; 
.
Bashkia Tiranë, ofron shërbime sociale për individë/kategori të ndryshme në nevojë në territorin e saj gjithashtu përmes qendrave sociale të tipologjisë multidisiplinare por edhe gjysmërezidenciale, që janë:

Qendra Komunitare Multidisiplinare
Adresa: Njësia Administrative nr. 9, Rruga “Maliq Muça”
Orari i shërbimit : 8:00-20:00, e Hënë – e Premte
Ditën e Shtunë : 8:00 – 13:00
Kontakte: Besjona Dede  / 0686026035  / [email protected]

Qendra Komunitare Shkozë
Adresa: Njësia Administrative nr. 1, Blloku i Banesave Sociale
Orari i shërbimit : 8:00-20:00, e Hënë – e Premte
Ditën e Shtunë : 8:00 – 13:00
Kontakte: Ervis Rahmani  / 0672170092  /  [email protected]

Qendra Komunitare  “Të Qëndrojmë Së Bashku”
Adresa: Njësia Administrative nr. 6   Pas ish-Kombinatit Misto Mame
Orari i shërbimit : 8:00-20:00, e Hënë – e Premte
Ditën e Shtunë : 8:00 – 13:00
Kontakte: Egla Laze  /  0693493213  / [email protected] [email protected]

Qendra Komunitare “Gonxhe Bojaxhi”
Adresa: Njësia Administrative nr. 4, Rruga “Selaudin Bekteshi”
Pranë Shkollës “Ardian Klosi”
Orari i shërbimit : 8:00-20:00, e Hënë - e Premte
Ditën e Shtunë : 8:00 – 13:00
Kontakte: Elta Islami  /  0672003696  / [email protected]

Qendra Komunitare e Terrenit
Qendra Komunitare e Terrenit merret me identifikim në terren të individëve  në nevojë dhe risk,  dhe të individëve në situatë rruge në mbarë territorin e Bashkisë Tiranë
Adresa: Njësia Administrative nr. 2.
Orari i shërbimit : 24 orë, e Hënë - e Dielë
Kontakte: Aida Pambuku/ Isaraj /  0693130288  / [email protected]

Qendra Sociale "Streha Tiranë"
Qender pritese per emergjencat
Adresa: Njësia Administrative nr. 1, Ndërmarja e pjesëve të ndërrimit të Automjeteve, Shkozë, Tiranë 
Orari i shërbimit : Në 7 ditë të javës prej ores 20:00 – 08:00
Kontakte: Arlinda Bilali  /  0692203490  / [email protected]
Qendra Sociale “Streha Tiranë”, ka si vizion të saj mundësimin e një  strehe emergjente për të  pastrehët e evidentuar në  situatë  rruge në  Qytetin e Tiranës. Risia e kësaj Qendre, në dallim me administrimin e pesë  qendrave të tjera sociale në varësi të Bashkisë Tiranë, është se  shërben si një  strehë  për të  kaluar natën për personat e pastrehë  të  evidentuar në  situatë  rruge. Gjithashtu duke përfshirë : Higjenizim, ushqim, ngrenie, fjetje, kujdes shëndetësor, referim për shërbime të kujdesit shoqëror, informim, këshillim, orientim, negocim për punësim, etj 
Përfitues të  shërbimeve në Qendrat Komunitare janë individë që kanë nevojë për një apo disa shërbime që ofrohen në qendrën komunitare sipas nevojës së identifikuar gjatë procesit të menaxhimit të rastit nga Njësia e Vlerësimit të nevojave dhe referimit të rastit.