Shpallen fituesit e programit “Subvencionimi i interesave të kredisë”

Në zbatim të Vendimit të Këshillit Bashkiak me Nr. 173 datë 21.12.2020 “Për miratimin e familjeve që përfitojnë nga programi social “Subvencionimi i interesave të kredisë” i financuar me fondet e buxhetit të shtetit, për vitin 2020 njofton qytetarët të cilët kanë paraqitur aplikimet e tyre për këtë program social, si më poshtë:

· Fitues 354 aplikime, sipas Aneksi 1 bashkëngjitur

· Fitues me kusht 494 aplikime, sipas Aneksi 2 bashkëngjitur

Individët/familjet e përcaktuara në Aneksin nr. 1 të këtij vendimi, të paraqiten pranë institucionit bankar, brenda 6 (gjashtë) muajve nga ky njoftim.

Individët/familjet të shpallur përfitues me kusht sipas Aneksit nr. 2, depozitojnë plotësimin e dokumentacionin plotësues brenda 30 ditëve pune.

Drejtoria e Përgjithshme e Shërbimeve Sociale koordinon punën me Njësitë Administrative/Lagjet përkatëse me qëllim njoftimin e secilit individ/familje për dokumentacionit që duhet të dorëzojnë.

Dokumentacioni shtesë duhet të dorëzohet pranë Sektorit të Informimit dhe Shërbimeve për Qytetarët, Bashkia Tiranë dhe duhet të jetë lëshuar nga institucionet përgjegjëse, sipas formës së kërkuar nga aktet ligjore dhe nënligjore, jo më vonë se 3 muaj nga data e lëshimit të dokumentit.

Për efekt të zbatimit të këtij vendimi, dokumentacioni ka vlefshmëri ligjore nëse dorëzohen:

· Dokumentacion origjinal ose dokumentacion i njëhësuar me origjinalin (me vulë të thatë)

· Dokumentacion që gjenerohet përmes portalit e-Albania (vulë elektronike)

Individët/familjet sipas Aneksit nr. 2 të cilët nuk depozitojnë dokumentacionin shtesë, humbasin të drejtën për të përfituar nga ky program strehimi,

Individët/familjet që nuk janë shpallur përfitues nga programi social “Subvencionimi i interesave të kredisë”, kanë të drejtën e ankimit administrativ, pranë Kryetarit të Bashkisë ose personit të autorizuar prej tij, brenda 5 ditëve pune nga momenti i shpalljes publike të listës së përfituesve.