Shtrirja e bizneseve në Tiranë

Parathënie

Materiali i mëposhtëm paraqet një informacion mbi numrin e bizneseve në qytetin e Tiranës sipas kategorisë dhe fushës së veprimtarisë dhe vijon me një analizë të detajuar të bizneseve në Tiranë, të klasifikuara sipas kategorive, aktivitetit dhe vendndodhjes, duke n’a dhënë kështu një kuadër të qartë të bizneseve që operojnë në Tiranë

Identifikimi i zonave dhe rrugëve me biznesin më të përqëndruar ndihmon në ofrimin e një informacioni të detajuar për sipërmarrësit e rinj dhe ata ekzistues.

Me anë të këtij studimi jepet një vizion për të ardhmen e biznesit si dhe nxirret në pah nevoja per nxitjen e bizneseve në zona të caktuara.

Bizneset në Tiranë

Me reformën e re administrative territoriale dhe kalimin e disa komunave në varësi të Bashkisë, numri i bizneseve të reja në qytetin e Tiranës, është rritur ndjeshëm.  

Kryeqyteti është më i lakmuari ndër qytetet e tjera për të zhvilluar biznes, kjo për shkak të numrit të lartë të popullsisë, i cili ka ardhur në rritje të përvitshme, të përqendrimit të shërbimeve dhe institucioneve shtetërore. Në 24 njësitë administrative të Tiranës zhvillojnë aktivitetin 45.912 subjekte kryesore, ku 11 Njësitë administrative urbane kanë edhe përqëndrimin më të lartë. Por ajo që vihet re është shifra e lartë edhe e bizneseve sekondare, pra që janë në pronësi të individëve që kanë edhe një biznes kryesor. Numri i subjekteve sekondare në 24 Njësitë Administrative të Tiranës që zhvillojnë aktivitetin ekonomik janë 9.270 subjekte sekondare. 

Biznesi i vogël ka pasur një rritje të qëndrueshme përgjatë viteve 2010-2016, dhe vitin e fundit numri i tyre është rritur ndjeshëm, kjo lidhur edhe me përpjekjet e qeverisë qëndrore dhe vendore për uljen e informalitetit. Kategoritë e tjera vazhdojnë të kenë një stabilitet ekonomik. 

Shitja me pakicë dhe njësitë e shërbimit vazhdojnë të jenë kategoritë e biznesit që vazhdojnë të rriten dhe të zhvillohen në Tiranë përgjatë 5 viteve të fundit. Bashkia e Tiranës, i ka kushtuar veçanërisht vëmendje bashkëpunimit me bizneset për të ndihmuar zhvillimin e tyre si edhe për të lehtësuar procedurat administrative me të cilat përballen bizneset në nivel vendor. 

Shtrirja e biznesit sipas rrugëve kryesore në Tiranë

Metodologjia e përdorur në  grafikët e mëposhtëm është gjetja e mesores aritmetike të njësive (bizneseve) për rrugë. Rrugët e përzgjedhura janë ato me më shumë njësi se mesorja aritmetike. Bulevardët janë vendosur të gjithë për shkak të rëndësisë së tyre. Burimi i informacionit për materialin më poshtë është Drejtoria e Përgjithsme e Taksave dhe Tarifave Vendore, Bashkia Tiranë.

Mesorja aritmetike e numrit të bizneseve në rrugët kryesore të Tiranës është 396 njësi për rrugë. Rrugët me intensitet më të lartë renditen në grafikun e mësipërm, ku dendësinë më të lartë e gjejmë në Rrugën e “Kavajës” (1875 njësi), ndërsa dendësia më e ulët shënohet në Bulevardin “Dëshmorët e Kombit “(328 njësi).

Në grafikun e mëposhtëm, vihet re se Rruga e Kavajës gjithashtu kryeson në përqëndrimin e bizneseve sipas madhësisë, duke mbartur numrin më të lartë të bizneseve të vogla (1138 njësi), biznesit të madh (533 njësi) dhe Biznesit VIP (135 njësi).

Përsa i përket numrit të bizneseve që kaegorizohen si Njësi Shërbimi, mesorja aritmetike e rrugëve kryesore në total është 128.5 njësi. Njësitë e Shërbimit janë të vendosura më së shumti në Rrugën e Kavajës (548 njësi) dhe në vlerën më të ulët në Rrugën e Elbasanit dhe në Bulevardin Dëshmorët e Kombit (162 njësi).

Mesorja aritmetike e rrugëve në total për njësitë e prodhimi është 11 njësi. Njësitë e prodhimit janë të vendosura më së shumti në Rrugën e Kavajës (90 njësi), dhe në vlerën më të ulët në rrugën “Sami Frashëri” (13 njësi).

Mesorja aritmetike e rrugëve në total për bizneset që kategorizohen si Njësitë të shitjes me pakicë është 131.5 njësi. Njësitë e shitjes me pakicë janë të vendosura më së shumti në Rrugën Ferit Xhajko (728 njësi), dhe në vlerën më të ulët në rrugën Bardhyl (132 njësi).

Për bizneset të kategorizuara si Profesione të lira, mesorja aritmetike e rrugëve në total  është 24 njësi për rrugë. Njësitë e profesioneve të lira janë të vendosura më së shumti në Rrugën Gjergj Fishta (120 njësi), dhe në vlerën më të ulët në rrugën e Elbasanit, Pjetër Bogdani dhe Sulejman Delvina (25 njësi).

Ndërsa për Njësitë e shitjes me shumicë, mesorja aritmetike e rrugëve në total është 44 njësi. Këto njësi janë të vendosura më së shumti në Rrugën e Kavajës (311 njësi) dhe në vlerën më të ulët në Rrugën e Elbasanit (45 njësi).

Mesorja aritmetike e rrugëve në total për njësitë e të kategorizuara si Shoqata, Fondacione, Ente, Organizata është 15 njësi. Njësitë e tilla  janë të vendosura më së shumti në Rrugën e Kavajës (66 njësi), dhe në vlerën më të ulët në Rrugën Sulejman Delvina  (17 njësi). 

Përsa i përket bizneseve që ushtorjnë aktivitet në fushnë e ndërtimit vihet re se, mesorja aritmetike e rrugëve në total është 10 njësi për rrugë. Njësitë e tilla  janë të vendosura më së shumti në Rrugën e Kavajës (51 njësi), dhe në vlerën më të ulët në Rrugën Qemal Stafa  (11 njësi). 

Për bizneset që ushtrojnë veprimtari në fushën  e Transportit në qytetin e Tiranës mesorja aritmetike e rrugëve në total është 6 njësi për rrugë. Këto Njësi  janë të vendosura më së shumti në Rrugën Komuna e Parisit (48 njësi), dhe në vlerën më të ulët në Rrugën Ferit Xhajko si dhe në Bulevardin Zog i I  (7 njësi).