Si të bësh një kërkim tregu

Text size
Aa Aa

Kërkimi i tregut

Shumë biznese të reja nuk arrijnë të kryejnë hulumtime bazë të tregut përpara se të fillojnë, duke rritur mundësinë e dështimit. Hulumtimi i tregut është i domosdoshëm për të ndihmuar sipërmarrësit që të zbulojnë nëse do të ketë kërkesa të mjaftueshme për produktet ose shërbimet që planifikojnë të ofrojnë, pas fillimit të tregtimit.

Nëse jeni një biznes fillestar, sa më shumë kërkime të kryeni fillimisht, do të jeni të  avantazhuar përsa i përket marrjes së vendimeve të ardhshme të biznesit. Për të filluar një biznes, është e rëndësishme t'u përgjigjeni pyetjeve të mëposhtme:

Kur hulumtoni tregun tuaj, duhet të keni parasysh:

1.Madhësia dhe performanca e sektorit tuaj të tregut

  •     Cfarë vlere të tregut duhet te synoni?
  •     A ka kërkesë të mjaftueshme për produktin ose shërbimin tuaj?
  •     A po zgjerohet tregu juaj apo është drejt rënies ?
  •     Cilat tendenca kulturore, ekonomike apo shoqërore mund të ndikojnë në tregun tuaj?
  •     Cilat zhvillime të tregut ekzistojnë aktualisht apo çfarë mund të lindin në të ardhmen?
  •     A ka ndonjë mangësi në treg?
  •     Cilat janë tendencat aktuale?
  •     Cili është perspektiva në tregun tuaj për dy apo tre vitet e ardhshme?
  •     Cilat rregulla të tregut apo të biznesit duhet të përmbushni?
  •     A ekzistojnë raporte të publikuara të tregut?
  •     Cili është opinioni i përgjithshëm i tregut, zakonisht i disponueshëm nëpërmjet forumeve online?

2.Klientët tuaj

  •    Cilat janë karakteristikat e klientëve tuaj të synuar në aspektin e moshës, gjinisë, statusit socio-ekonomik, profesionit, vendndodhjes, përkatësisë etnike, interesave etj?
  •     Cilat janë arsyet pse këto grupe të veçanta të njerëzve (ose bizneseve) do të blejnë nga ju?
  •     Ku janë të vendosur klientët tuaj?
  •     Sa janë të përgatitur për të paguar dhe sa shpesh?
  •     Cilat janë buxhetet e tyre?
  •     Cilat kanale blerëse preferojnë të përdorin? 
  •     Si do të preferojnë të paguajnë?
  •     Sa do të blejnë klientët produktin tuaj ose sa shpesh do ta përdorin shërbimin tuaj?
  •     Kush merr vendimin e blerjes? 

3. Konkurrentët tuaj

  •     Kush janë konkurrentët tuaj?
  •     Ku ndodhen?
  •     Sa kohë kanë në  treg?
  •     Si i promovojnë ata produktet ose shërbimet e tyre?
  •     Ku e blejnë stokun e tyre?
  •     Cilën pjesë  të tregut furnizojnë ata? Për shembull, a ofrojnë produkte të cilësisë së lartë dhe të shtrenjtë në një treg më të vogël apo linja më të lira në sasi më të mëdha për një treg më të gjerë?
  •     Kush janë klientët e tyre të synuar?
  •     Cilat kanale shpërndarje përdorin konkurrentët tuaj? 
  •     Cilat janë pikat e forta dhe të dobëta të konkurrentëve tuaj dhe si mund ta bëni biznesin tuaj të ndryshëm nga të tyret?
  •     Çfarë imazhi kanë konkurrentët tuaj në treg (në lidhje me cilësinë, besueshmërinë, si dhe logot që përdorin për të përforcuar mesazhin e tyre të marketingut)?
  •     Cilat metoda marketingu përdorin konkurrentët tuaj?
  •     Kush janë partnerët tuaj tregtarë të konkurrentëve tuaj?
  •     A do të hyjnë konkurrentë të  tjerë në tregun tuaj në të ardhmen e afërt?

4. Hulumtimit të tregut 

  •    Kërkoni sa më  shumë  për tregun tuaj duke lexuar raporte të tregut, gazeta dhe duke kërkuar në internet.
  •     Bëni një listë të pikave të  forta dhe të  dobta të konkurrentëve tuaj dhe vlerësoni se si mund të konkuroni me ta.
  •     Listoni dallimet midis produkteve dhe shërbimeve tuaja dhe produkteve dhe shërbimeve të konkurrentëve tuaj.
  •     Organizoni kërkimin tuaj dhe të gjeni burime të besueshme dhe të përditësuara të informacionit.
  •     Bëni një hulumtim të drejtpërdrejtë të tregut duke biseduar me klientët e mundshëm për të ndërtuar një ide të tregut lokal dhe kërkesave të tij. 

5.Këshilla 

  •    Hulumtimi i tregut do të përbëjë një pjesë të madhe të planit të biznesit tuaj dhe marketingut, kështu duhet të  mbani një rekord të hulumtimit tuaj për t'ju referuar kur jeni duke shqyrtuar ose duke zhvilluar planet tuaja në të ardhmen.
  •     Shpenzoni kohë për të bërë hulumtimin tuaj si duhet. Kjo është një nga gjërat më të rëndësishme që ju do të duhet ndonjëherë të bëni dhe marrja e informacionit të duhur tani, do të ndihmojë në shmangien e problemeve më vonë.
  •     Bëni kërkime si një pjesë e vazhdueshme e aktivitetit tuaj të rregullt të biznesit për të siguruar që ju të mbeteni të vetëdijshëm për atë që po ndodh në sektorin tuaj dhe mund të mbani një avantazh konkurrues.
  •     Jini realistë me gjetjet tuaja të kërkimit dhe jini të ndjeshëm me supozimet tuaja dhe parashikimet e tregut.