Si të prezantosh një ide biznesi

1.Si mund të bëni një prezantim sa me efektiv ?

Ky material ju jep mundësinë të merrni disa keshilla, të cilat do t’ju ndihmojnë që  prezantimi i idesw suaj të kalojë nga “Mirë” në “Shumë mirë”.

Qëllimi kryesor është që të mbulohen një sërë fushash, prandaj janw marrw në konsideratë këshilla nga njerëz dhe ekspertw të ndryshëm. Gjithashtu, këtu do të gjeni ide që do t’ju ndihmojnë për të zhvilluar sa më shumë kreativitetin tuaj .

1.1 Tregoni pasionin tuaj dhe lidhuni me audiencën.

është e vështirë që të jesh i relaksuar kur je i nervozuar. Por sipas disa prezantuesve të mëdhenj, gjëja më e rëndësishme është lidhja me audiencën, dhe mënyra më e mirw për ta bërë këtë është që të lejosh pasionin tuaj për subjektin që të shkëlqejë. 

Duhet të jesh entuziast dhe i ndershëm në mënyre që audienca të përgjigjet.

1.2 Fokusohuni në nevojat e audiencës tuaj

Prezantimi juaj duhet të ndërtohet rreth informacionit që audienca  pritet të marrë nga ky prezantim. Në momentin që përgatisni prezantimin, gjithmonë duhet të keni në mendje atë që audienca ka nevojë dhe do të dijë, jo atë që ju mund ti tregoni. Gjithashtu, në momentin që ju prezantoni, duhet te rrini të fokusuar në pwrgjigjen e audiencës dhe të reagoni ndaj saj.

Ju duhet ta bëni të lehtë, në mënyre që audienca  ta kuptojë dhe të pwrgjigjet .

1.3 Merreni lehtë - Përqendrohuni në mesazhin kryesor

Në momentin që planifikoni prezantimin tuaj, duhet të mbani gjithmonë në mendje pyetjen :Cili është mesazhi kryesor ose tre pikat kyçe që audienca ime do të marrë me vete ?

Ju duhet të jeni në gjendje që të komunikoni atë mesazh kyç shumë shkurtimisht. Disa ekspertë rekomandojnë një 30 sekondësh “përmbledhje të përqëndruar”, të tjerë thonë që ju mund ta shkruani në anën e pasme të një karte biznesi, ose ta thoni atë në jo më shumë se 15 fjalë . Pavarsisht rregullit që ju  zgjidhni, gjëja më e rëndësishme është që të mbani mesazhin kryesor të fokusuar dhe të shkurtër. Dhe në qoftë se ajo që planifikoni të thoni nuk kontribuon në mesazhin kryesor, mos e thoni.

1.4 Buzëqeshni dhe bëni kontakt me sy me audiencën tuaj

Kjo duket shumë e lehtë, por pjesa më e madhe e prezantuesve dështojnë. Në qoftë se ju buzëqeshni dhe bëni kontakt me sy, ju ndërtoni një raport që ndihmon audiencën për t’u lidhur me ju dhe subjektin tuaj. Gjithashtu, ju ndihmon që tw ndiheni më pak nervoz, sepse jeni duke i folur individëve dhe  jo një mase të madhe njërëzish të panjohur. Për t’ju ndihmuar me këtë,  duhet të siguroheni që të mos jetë i dukshëm vetem ekrani, pasi audienca juaj ka nevojë t’ju shikojë juve aq sa edhe prezantimin.

1.5 Filloni fuqishëm

Fillimi i prezantimit tuaj është vendimtar . Ju duhet të kapni vëmendjen e audiences tuaj dhe ta mbani atë. Ata do t’ju japin disa minuta për t’i argëtuar përpara se të fillojnë të mërziten.
Pra, mos humbisni kohë duke shpjeguar se kush jeni. Filloni zbavisni audiencën.  Provoni një histori, ose të twrhiqni vëmendjen duke marrë një imazh nga prezantimi.

1.6 Kujtoni rregullin 10 - 20- 30 për Prezantimin 

Ky është nje truk nga Guy Kaëasaki i Apple. Ai sygjeron se prezantimet duhet :

• Të përmbajnë jo me shumë se 10 faqe ;
• Të zgjasin jo më shumë se 20  minuta ;
• Të përdoret e njëjta madhësi shkrimi jo më pak se 30 pika .

Kjo e fundit është shume e rëndësishme pasi të pengon që të futësh shumë informacion në një faqe. E gjitha kjo qasje shmang frikën e “Vdekjes nga PoëerPoint”. Si një rregull i përgjithshëm, faqet duhet të paraqiten në anë të prezantuesit . Një set i mire faqesh do të ishte pa dobi pa një prezantues, dhe ato duhet të përmbajnë pak informacion të shprehur thjeshtë. Në qoftë se dwshironi të jepni më shumë informacion, krijoni një fletëpalosje në menyrë që t’ja jepni audiencës  pas prezantimit.

1.7  Tregoni histori

Qëniet njërëzore janë të programuara për t’ju pergjigjur historive. Historitë na ndihmojnë për të kushtuar vëmendje  dhe gjithashtu për të kujtuar gjëra. Në qoftë se ju përdorni historitë në prezantim, audienca juaj ka më shumë gjasa që të angazhohet dhe të kujtojë pikat tuaja  më pas. Eshtë një ide e mirë që të filloni me një histori, por duhet të merrni parasysh  që prezantimi juaj duhet  të vazhdojë si një histori. Mendoni se çfarë historie duhet ti tregoni audiencës, dhe krijoni prezantimin për ta treguar atë.

2. Të ndërtosh Historinë që përbën Prezantimin

Për të treguar një histori në mënyrë efektive, duhet fokus në përdorimin e të paktën njërës nga dy mekanizmat bazë të të treguarit një histori në power point:

1.Përqëndrimi tek personazhet – Njerëzit kanë historitë e tyre si gjërat të dhënat ndersa objektet nuk kanë. Kështu, duhet të pyesni veten “kush” është i përfshirë në mënyrë të drejtpërdrejtë në temën tuaj, në mënyrë që të përdoret si pikë referimi gjatë historisë që do të tregoni.

Për shembull, në vend që të flisni për makinat tuaja (produktet e kompanisë tuaj), ju mund të përqëndroheni në personazhe specifikë si:

- Shoferët që do të ngasin këto makina – njerëz që ju pëlqen shpejtësia dhe aventura;

- Inxhinierët që kanë menduar jashtë mënyrave tradicionale për të dizenjuar makinat më efiçente deri më sot.

2.Dinamikë në zhvillim – Një histori ka nevojë për variacion. Kështu, duhet të pyesni veten “Çfarë nuk është siç duhet të ishte?” dhe gjeni një përgjigje që do të ishte zgjidhje, si për shembull:

- A ishin kushtet rrugore një frymëzim për të konceptuar një jeep të përshtatshëm për çdo lloj terreni, të cilin mund ta përballoje çdo familje?
- A ka qenë sistemi i komplikuar i etiketimit të produkteve ushqimore një shtysë për krijimin e indeksit ushqimor me kodimin nëpërmjet ngjyrave?

2.1    8. Përdoreni zërin tuaj në mënyrë efektive

Fjala e artikuluar nuk është mjet i plotë i komunikimit, duke qenë se përfshin vetëm një nga pesë senset e audiencës tuaj. Kjo është arsyeja pse prezantuesit përdorin edhe materiale vizuale. Por ju mund të përmirwsoni prezantimin duke përdorur zërin tuaj në mënyrë efektive. Në varësi të shpejtësisë me të cilin flisni, duhet ngritur toni pikërisht në fazat që janë të një rëndësie të veçantë. Kjo do e bëjë zërin tuaj më interesant dhe do të tërheqë vëmendjen e audiencës tuaj.

2.2    9. Përdorni edhe trupin tuaj

Sipas përllogaritjeve, më shumë se tre të katërtat e komunikimit është jo-verbal. Kjo do të thotë se ashtu si toni i zërit tuaj, gjuha e trupit është shumë e rëndësishme për përçimin e mesazhit. Sigurohuni që po përçoni mesazhin e duhur: duhet të shmangni kryqëzimin e krahëve, kapja e duarve mbrapa kurrizit ose në xhepa, si dhe lëkundja në skenë,
Sigurohuni që gjestikulacioni të jetë i hapur dhe i bindur, dhe lëvizni në mënyrë sa më natyrale rreth skenës dhe audiencës, në rastet kur është e mundur.

2.3 Relaksohuni, mbushuni me frymë dhe shijojeni

Nëse prezantimet ju duken të vështira, mund të jetë e vështirë të jesh i qetë gjatë procesit. Një mundësi është të filloni duke u përqëndruar në frymëmarrjen tuaj. Ngadalësoni ritmin, dhe sigurohuni që po mbusheni  plotësisht me frymë. Gjithashtu, duhet të siguroheni që po bëni pushime të shkurtra për frymëmarrje të plotë gjatë prezantimit.

Nëse arrini të jeni i qetë në skenë, performanca juaj do të jetë më e mirë. E nëse do të arrinit ta shijonit procesin e prezantimit të punës tuaj, audienca juaj do të përfshihet edhe më shumë. Aftësitë tuaja të prezantimit do të jenë në përmirësim të vazhdueshëm, po ashtu si dhe konfidenca juaj. Duhet ta provoni!