Projekti i administratorëve të pallateve gjen zbatim në çdo lagje të njësisë nr.11.

Në takimin e zhvilluar nga Drejtoria Përgjithshme e Bashkëpronësisë, Bashkia Tiranë, gjejmë rastin të falenderojmë administratorët e pallateve në territorin e njesisë nr.11, për angazhimin maksimal në zgjidhjen e problemeve kolektive dhe mirëmbajtjen e hapësirave të përbashkëta për një bashkëjetesë më të mirë në komunitet. Gjithashtu dërgojmë thirrjen tonë për të vijuar këtë proçes me aplikime të reja për administrator pallatesh të liçensuar deri në bllokun e pallateve më në skaj të Tiranës. Përmirësimi i jetesës në komunitet vjen nga qeliza bazë e shoqërisë që është vetë individi dhe përfaqësimi i hallkës më të vogël në nivelin e qeverisjes vendore do të thotë besim, përgjegjësi dhe dëshirë për të ecur para të gjithë bashkë.