Takim me shkrimtarin Rudolf Marku

Rudolf Marku është një poet, romancier, publicist dhe përkthyes i mirënjohur. Me organizimin e Drejtorisë së Kulturës dhe Trashëgimisë Kulturore, ai zhvilloi një takim me studentë të Fakultetit të Letërsisë të Universitetit të Tiranës, me të cilët zhvilloi një bashkëbisedim të ngrohtë. 

Z. Marku është fitues i çmimit "Kadare" për vitin 2015, për romanin e tij "Tre divorcet e zotit Viktor N." Në vitin 2020, ai është shpallur Poeti i Parë Laureat i Letërsisë Shqipe.
Ka botuar rreth 10 vëllime poetike. Vëllimet poetike e kanë renditur si njerin nga poetet me te talentuar te gjuhës shqipe. Ka përkthyer në shqip T.S. Eliot, Ezra Pound, W. Oden, K. Kavafis, Xh. Ungaretin dhe shume autorë të tjerë të njohur te shekullit XX. Ka meriten t'i kete prezantuar për herë të parë lexuesit shqiptarë me shumë autorë të huaj të konsideruar të ndaluar.
Ne vitet e fundit, Rudolf Marku ka botuar romanet "Allahland" dhe "Kësulëkuqja vjen me trenin e dhjetës". Për "Allahland" ka shkruar një review  tepër pozitive revista e mirënjohur akademike që botohet ne Texas, Dallas “Translation Magazine”... "Allahland" është një roman satirik konician; karikatura e politikës dhe gazetarisë shqiptare të tranzicionit. Ndërsa romani Kësulëkuqja vjen me trenin e dhjetës,, është pritur me entuziazëm ne shtypin letrar te Tiranes. Romani është nderuar me çmimin PEN,, si romani më i mirë  për vitin 2012. Përmbledhja e fundit poetike “Një ballkanas në Londër” ka fituar çmimin Penda e Argjendtë, si libri me i mire poetik për vitin 2012. Ne vitin 2014, boton përmbledhjen me Ese “Një letër qe na vjen pas vdekjes” -njeri prej librave eseistike me te realizuar artistikisht- botuar ndonjehere ne gjuhen shqipe, nje liber qe shquhet nga erudicioni i thellë dhe mendimi bashkëkohor filozofik. Libri eshte pritur shumë mire nga kritika dhe lexuesit.
Ne vitin 2017 Marku doli para lexuesve me Antologjinë e Poezisë Botërore '' ...Retë që shkasin atje tej, rete e mrekullueshme....'' me poezi te zgjedhura e te perkthyera, qe nga Safo Marko. Antologjia u konsiderua nga poetë dhe shkrimtarë serioze si njera prej Antologjive me te rendesishme botuar në gjuhen shqipe prej vitesh.
Marku mbetet njeri ndër autorët me aktivë e me te pranishëm ne letërsinë shqipe. Është nderuar me çmimin e Poezisë Evropiane ne Berlin ne vitin 2007, me çmimin Naim Frasheri,  për vitin 2012 në Tetovë dhe Prishtinë ; me çmimin At Zef Pëllumi, për librin poetik; me çmimin PEN, dhe me çmimin Penda e Argjendtë, akorduar nga Ministria e Kulturës, për vitin 2012. Esetë e Rudolf Markut si dhe shkrimet e tij publicistike, botuar në shtyp, kane pasur një pritje tepër pozitive nga lexuesit.
Ne vitin 2019 botohet ribotimi i perpunuar i romanit "Kesulkuqja vjen me trenin e dhjetes" me parathënie dhe pasthënie respektivisht nga shkrimtari Visar Zhitii dhe nga kritiku Behar Gjoka
Ne vitin 2020, Rudolf Marku boton librin poetik  “Rrathë të brendashkruar”, - një libër i pritur shumë mirë nga qarqet letrare dhe lexuesit (botuar nga Shtëpia Botuese Onufri). Sipas poetit të njohur Bardhyl Londo, “Rrathë të brendashkruar” mbetet njëri ndër librat më të mirë të botuar në të gjithe gjuhen shqipe. Po këtë vit, tre muaj me vonë, autori boton romanin “Pritja” edhe ky një sukses.
Së fundmi ka dalë nga shtypi vëllimi poetik “Sibilat nëpër shkallët tona” nga shtëpia botuese “Onufri” dhe autori ka në dorë përgatitjen e një Antologjie të Poezisë Shqiptare.