Shpërndaje
ReLOaD financohet nga Bashkimi Europian dhe Bashkia Tiranë dhe zbatohet nga UNDP në Tiranë. Qëllimi është fuqizim i demokracisë pjesëmarrëse dhe procesin e integrimit në BE duke e fuqizuar shoqërinë civile (OSHC) të jetë pjesë e proceseve të vendimmarrjes dhe mundësuar një mjedis ligjor dhe financiar inkurajues.
Ftohen të gjitha OSHC-të në Tiranë që të paraqesin projekt-propozime deri me datë 5 Prill 2019, ora 15:00 që janë në përputhje me objektivat zhvillimore dhe prioritetet e Bashkisë Tiranë si më poshtë:
A. Aktivizimi i Rinisë
A.i: Organizimi i të rinjve për çështjet lokale dhe aktivizimi në kulturë;
A.ii: Aktivizimi i të rinjve në luftë kundër dhunës, dikriminimin dhe bullizmit; dhe
A.iii: Punësimi i të rinjve në ekonominë kreative dhe trashëgiminë kulturore.
B. Zhvillimi Social
B.i: Mbështetje për shërbimet sociale dhe bizneset sociale; dhe
B.ii: Punësimi dhe fuqizimi i grupeve të margjinalizuara.
C: Mbrojtja e Mjedisit
C.i: Monitorimi dhe përmirësimi i cilësisë së ajrit; dhe
C.ii: Monitorimi dhe përmirësimi i cilësisë së ujit në lumejntë dhe liqenet.
Shuma e fondeve për projektet e miratuara do të jetë nga 1.000.000 Lek deri 3.500.000 Lek.
Dokumentacioni i aplikimit për thirrjen publike është disponueshëm në web-faqen zyrtare të Bashkisë (www.tirana.al) si dhe në web-faqen e UNDP (www.al.undp.org). Mund të dërgoni edhe një kërkese me e-mail në adresën [email protected] ku duhet ta citoni emrin e organizatës së interesuar; ose duke u paraqitur personalisht në Zyrën e Pritjes me Popullin pranë Bashkisë Tiranë (Sheshi “Skënderbej” Nd. 2, Kodi Postar 1001, Tiranë).
Shpërndaje