Shpërndaje
Text size
BASHKIA TIRANË SHPALL:THIRRJE PUBLIKE PËR ORGANIZATAT E SHOQËRISË CIVILE PËR PARAQITJEN E PROJEKT PROPOZIMEVE NË KUADËR TË PROGRAMIT ReLOaD
Programi ReLOaD synon të fuqizojë demokracinë pjesëmarrëse përmes rritjes së bashkëpunimit ndërmjet njësive të vetëqeverisjes vendore dhe shoqërisë civile, duke mbështetur shoqërinë civile të jetë pjesë e proceseve të vendimmarrjes, si edhe duke krijuar një mjedis ligjor e financiar inkurajues për të.
Bashkia Tiranë fton të gjitha organizatat e shoqërisë civile (OSHC-të) të paraqesin projekt-propozime që janë në përputhje me objektivat zhvillimore dhe prioritetet si më poshtë:
- Forcimi i aftësive të të rinjve për qëndrueshmëri në tregun e punës
- Ekonomia e qëndrueshme dhe përshtatja ndaj ndryshimeve klimatike
- Fuqizimi i pjesëmarrjes publike
Shuma e financimit për projektet e miratuara do të jetë nga 1,000,000 Lekë deri në 2,000,000 Lekë. OSHC-të të cilat kanë zbatuar projektet e tyre të mbështetura si pjesë e thirrjeve të mëparshme ReLOaD në Bashkinë Tiranë, mund të aplikojnë në këtë thirrje, por vlera totale e përfituar nga thirrjet ReLOaD në Bashkinë Tiranë nuk duhet të kalojë 5,000,000 Lekë.
Pjesëmarrja në këtë thirrje publike është e hapur dhe e barabartë për të gjitha organizatat e regjistruara (organizatë/shoqatë/qendër apo fondacion) në përputhje me ligjet dhe rregulloret në fuqi në Republikën e Shqipërisë. Programi ReLOaD synon rritjen e kapaciteteve të OSHC-ve dhe ofron mbështetje për organizatat e reja. Pyetjet rreth thirrjes mund të dërgohen deri më 19.02.2025 në adresën e-mail [email protected], duke iu referuar thirrjes publike. Përgjigjet do të nisen brenda 3 ditësh pune nga data e marrjes së pyetjeve përkatëse.
Me qëllim mbështetjen e OSHC-ve për të paraqitur aplikime në përputhje me kriteret e udhëzuesit, Bashkia Tiranë do të organizojë një takim informues/ditë të hapur për të gjitha organizatat e interesuara për të aplikuar. Më shumë detaje mbi takimin informues do të publikohen në faqen zyrtare web (www.tirana.al).
Aplikimet mund të dorëzohen deri më 24.02.2025. Aplikimet e plotësuara (me të gjithë dokumentet mbështetëse) duhet të dorëzohen në tre kopje të printuara dhe një kopje elektronike (CD apo USB), të vendosura në një zarf të vulosur i cili duhet të përmbajë titullin e thirrjes për dorëzimin e propozimeve, emrin dhe adresën e plotë të organizatës aplikuese, titullin e projektit dhe mbishkrimin “Të mos hapet përpara hapjes zyrtare!”, përmes postës në adresën:
Bashkia Tiranë
Sheshi “Skënderbej” Nd. 2, Kodi Postar 1001, Tiranë, Shqipëri
Rezultatet e vlerësimit do të shpallen në faqen zyrtare të Bashkisë Tiranë (www.tirana.al) dhe në tabelën e njoftimeve të bashkisë brenda 30 ditësh nga mbyllja e thirrjes publike.Sheshi “Skënderbej” Nd. 2, Kodi Postar 1001, Tiranë, Shqipëri
Shpërndaje