Shpërndaje
“Edicioni 21 i Tirana International Film Festival 2023” erdhi për qytetarët e Tiranës gjatë muajit Shtator 2023, me synim kryesor promovimin e krijimeve të reja të kinematografisë shqiptare, ballkanike dhe europiane.
Në fokus të këtij festivali është ballafaqimi i kinematografisë ballkanike dhe asaj shqiptare që për arsye historike dhe social-ekonomike kanë mbetur disi më të izoluara, me zhvillimet në fushën e kinematografisë europiane e ndërkombëtare.
Organizimi i një spektakli të tillë kontribuon në mënyrë të konsiderueshme në ndryshimin e imazhit të Shqipërisë në arenën ndërkombëtare, ku shpesh herë është shfaqur në kontekst negativ. Festivali TIFF po ashtu kontribuon në ngjalljen e jetës artistike në kryeqytet në përgjithësi si dhe në shkundjen nga apatia e krijuesve shqiptarë të sektorit kinematografisë.
Projekti pati përfaqësim profesional nga kineastë të mëdhenj si p.sh Ken Loach, Teo Angelopulos, Sam Green, Goran Paskavljevic, Franco Nero, Motcho Armendariz, Mike Doëney por edhe emra të tjerë me famë botërore.
Në natën e hapjes së festivalit ishin të pranishëm., Kryetari i Bashkisë, Z. Erion Veliaj si dhe Ministria e Kulturës znj. Elva Margariti.
TIFF ështe një aktivitet i suksesshëm që përgjatë muajit shtator 2023, e ktheu Tiranën në kryeqendër të kinematografisë Europiane .
Shpërndaje