Tirana përkujton 76-vjetorin e Çlirimit, nderime për të rënët në luftë

Çlirimi i Tiranës, më 17 nëntor 1944, lajmëroi lirinëe gjithë Shqipërisë. Nga monumenti i Ushtarittë Panjohur, ku u zhvillua ceremonia e 76-Vjetorit të Çlirimit të Tiranës, kryebashkiaku Erion Veliaj, deputetë, përfaqësues të qeverisë, anëtarë të Këshillit Bashkiak, si dhe dhjetëra veteranë të Luftës Nacional-Çlirimtare, përkujtuan dëshmorët që dhanë jetën për liri.

Në fjalën e tij, Veliaj tha se ende sot, ka njerëz që duan të na përçajnë dhe janë gati të bashkëpunojnë me armiqtë, duke tradhtuar vendin. “Për fat të keq, kësaj minorance nuk i shpëtoi as lufta e lavdishme e UÇK-së, duke guxuar ta cilësojnë atë si organizatë terroriste; po ajo minorancë e zhurmshme, e rrënuar moralisht, votoi raportin e Dick Martit, si dhe gatoi lloj-lloj dosjesh për ‘Shtëpinë e Verdhë’. Është po ajo minorancë e zhurmshme që donte të shiste edhe detin. Është po e njëjta minorancë që, edhe sot, do të na ndajë në luftën kundër virusit dhe në betejën e rindërtimit. Nuk do t’ia dalin! Jo, sepse qytetarët tashmë kanë vendosur të qëndrojnë të bashkuar me familjen tonë, me familjen më të madhe patriotike të Republikës së Shqipërisë, që është familja socialiste e Shqipërisë! Këto ditë na ka bërë bashkë një thirrje: “Liria ka emër”! E megjithatë nuk duhet të harrojmë të pyesim: Po tradhtia, shitja, e pabesia ndaj heronjve, a ka një emër”, tha Veliaj.

Ai nënvizoi se historia është kokëfortë dhe na tregon se kur ne shqiptarët bashkohemi e punojmë për mirë, ia dalim. “Pavarësisht se edhe në atë kohë kishte një minorancë të zhurmshme që tha, më mirë bashkëpunojmë me fashizmin sesa luftojmë me partizanët, të tilla minoranca të zhurmshme kemi, për fat të keq, edhe sot mes nesh. Ka ende nga ata që thonë më mirë të përdorim Covid-in se sa të luftojmë me të tjerët për ta mundur. Më mirë të politizojmë tërmetin sesa të bashkohemi dhe të ndihmojmë, më mirë të shtojmë vilat tona sesa të japim një shtëpi për fukarenjtë. Ka ende sot një minorancë të zhurmshme që më mriz bashkëpunon me armiqtë e këtij vendi se sa me shumicën morale të qytetit dhe të vendit tonë”, u shpreh Veliaj.

Kreu i Bashkisë shtoi se ky është edhe një moment reflektimipër të kujtuar se heronjtë zgjodhën të mbajnë besimin se kauza e luftës së tyre ishte e drejtë dhe pikërisht, ky besim i mbajti të fortë dhe të vendosur për të vazhduar përpara. “Ka një kufi ndarës të qartë sepse kur filloi lufta, fundi dukej i largët për çdokënd, siç na duket e largët fundi me betejën për Covid-in apo me rindërtimin, dhe e ardhmja e zymtë dhe e pa qartë. Por, heronjtë zgjodhën të mbajnë besimin se kauza e luftës së tyre ishte e drejtë dhe pikërisht, ky besim i mbajti të fortë dhe të vendosur për të vazhduar përpara. Ishin pikërisht ata, heronjtë, që në kokën e tyre nuk bluanin asnjë ideologji mes të majtës apo të djathtës, apo kalkulimet politike përveç se dëshirën për të jetuar në paqe dhe të lirë. Për Partinë Socialiste, për familjen tonë të madhe politike, lufta nacionalçlirimtare ka qenë dhe mbetet një simbol lavdie dhe krenarie dhe si forcë politike mbetemi të papërkulshëm në detyrimin për të lartësuar dhe respektuar veprën e atyre brezave patriotik dhe kombëtar që dhanë jetën për çlirimin e atdheut dhe ngjizën përjetësisht ëndrrën e vendosjes së Shqipërisë në binarët evropian dhe të ardhmes euroatlantike”, përfundoi ai.

Veliaj nënvizoi se Tirana dhe Shqipëria nuk ka kohë për të humbur apo për t’u përçarë. Ai ftoi të gjithë qytetarët që të bashkohen me punën dhe progresin. “Ne sot e kemi në dorë edhe të mirën edhe të keqen, e kemi në dorë edhe ta shkatërrojmë edhe ta ndërtojmë Tiranën; edhe t’i vëmë zjarrin Tiranës, edhe ta bëjmë lule Tiranën, siç na ka ndodhur në shumë pjesë të qytetet në vitet e fundit; edhe të modernizohemi, edhe të bëjmë hapa mbrapa. Cili është vendimi ynë sot për Tiranën? Jam i bindur që në këtë kryqëzim, Tirana dhe Shqipëria nuk ka kohë për të humbur, nuk ka asnjë moment për t’u përçarë, nuk ka sot asnjë punë që mund ta lërë më vonë ose për nesër, ndaj dhe unë dua t’i siguroj të gjithë qytetarët e Tiranës dhe t’i ftoj të gjithë të përqafojmë njëri-tjetrin, punën, progresin, dhe të mirën. Vetëm e mira dhe bashkimi e ka çuar këtë vend përpara. Kjo ndodhi përpara 76 vitesh, do të ndodhë sërish, jam i sigurt, sepse sa herë Tirana bashkëpunon për të ecur përpara, kemi dalë gjithmonë faqebardhë”, theksoi ai.

Nënkryetarja e Kuvendit të Shqipërisë, Vasilika Hysi, tha se  vlerat e antifashizmit, progresit dhe të lirisë përbëjnë rrënjët e Shqipërisë së sotme demokratike dhe qëndrojnë në themel të kontributit tonë në aleancën e fuqishme atlantike të NATO-s dhe përpjekjeve tona për t’iu bashkuar familjes evropiane.

Zv.Kryeministri Erion Braçe i cilësoi heronjtë të shenjtë dhe të paprekshëm. “Ne socialistët, progresistët, e kemi në thelb lirinëdhe antifashizmin. Kjo është kombëtare,është edhe evropiane, vlerë e këtij kombi, vlerë edhe në projektin më të madh tëEvropës së bashkuar që nuk vdes kurrë. Cilido abuzues, në pushtet ose jo, hajdut nga Palasa deri nëLalëz, nuk mund të jetë hero, nuk mund të jetë si heronjtë, nuk bën alkooli heronj, por nderi, dinjiteti, sakrifica,puna,veprat në shërbim të njerëzve të zakonshëm të këtij vendi. Heronjtë janë të shenjtë, tëpaprekshëm. Nderi për ta nuk janë kapaçkat e qëllimta politike të pushteteve, por kujtesa, respekti i një populli mirënjohës. Ndaj, heronjtë nuk janë të pushtetit, heronjtë janë të popullit”, deklaroi Braçe.

Në këtë ditë të shënuar, Bashkia e Tiranës ka organizuar një sërë aktivitetesh përkujtimore.